විස හාල් මෙටි්‍රක් ටොන් 596,440ක් ලංකාවට ගෙන්නලා

0
37

මෙරට මිනිස් පරිභෝජනය සඳහා ආනයනය කරන සහල්වල බැර ලෝහ වර්ග අධිකව පැවතීම වකුගඩු රෝග, පිළිකා, අඩුබර දරු උපත් වැනි රෝග ගණනාවකට හේතුවක් වන බව එම සහල් සාම්පල් යොදාගෙන පළිබෝධ නාශක රෙජිස්ට්‍රාර් කාර්යාලය කරන ලද විශ්ලේෂණයකදී තොරතුරු අනාවරණය වී තිබේ.

මේ බව අනාවරණය වී තිබෙන්නේ ලක්‍ෂ 350ක් පමණ වටිනාකමින් යුත් CP-MS නමැති යන්ත්‍රය යොදාගෙන කරන ලද පර්යේෂණ ක්‍රමවේදයට අනුව නිකුත් කරන ලද පර්යේෂණ වාර්තාවකිනි.

2022 ජනවාරි සිට අගෝස්තු මාසය අවසන් වන විට මෙරටට හාල් මෙට්රික් ටොන් 5,96,440ක් ආනයනය කර ඇති අතර ඒ සඳහා වැය කර තිබෙන මුදල රුපියල් මිලියන 64,591කි.

පළිබෝධ නාශක රෙජිස්ට්‍රාර් කාර්යාලය මඟින් ප්‍රකාශයට පත්කර ඇති වාර්තාවට අනුව බැරලෝහ වශයෙන් හාල්වල අඩංගු විය යුත්තේ ආසනික් 0.2, කැඩ්මියම් 0.2ක්, ඊයම් 0.2ක් සහ මර්කරි (රසදිය) 0.1ක් සහ සෙලෙනියම් 0.3ක ප්‍රමාණයකි. මේ ප්‍රමාණය අඩංගු හාල් පරිභෝජනයට සුදුසුය. ශරීරයට හානිකර නැත.

මෙරටට ආනයනය කරන සහල්  සාම්පල් විශ්ලේෂණය භාරව කටයුතු කරන පර්යේෂණ නිලධාරිනියක් විසින් එම සහල්වල අයන ඉවත් කරන ලද වතුර ඉවත් කර හාල් සාම්පල් කුඩුකර ග්‍රෑම් 0.2ක ප්‍රමාණයක් නයිට්‍රජන්, හයිඩේ‍රා්ක්ලෝරික් ඇසිඩ් හා හයිඩි්‍රජන් පෙරොක්සයිඩ් දමා ජීරණය කර ලබාගත් පර්යේෂණයට අනුව එම හාල්වල ඊයම් 43%ක්, කැඩ්මියම් 26%ක්, මර්කරි (රසදිය) 20%ක්. සෙලනියම් විසකාරකය 47%ක් පවතින බව එම පර්යේෂණයෙන් අනාවරණය වී තිබේ.

මෙම විසකාරක ශරීරයට සම්පූර්ණයෙන්ම අහිතකර වන අතර ඒවා ශරීරගත වීමෙන් වකුගඩු රෝග, පිළිකා, අඩුබර දරු උපත්, මොළය නිසි ලෙස වර්ධනය නොවීම ඇතුළු රෝග ගණනාවකට හේතුවන බව සෞඛ්‍ය අංශ පෙන්වා දෙයි.

ඉහත දැක්වෙන විසකාරක තත්ත්වය මෙරට නිෂ්පාදන කරන හාල්වල පවතින්නේ සියයට දශම 05ක ප්‍රමාණයකි. ඒ අනුව දේශීය හාල් පරිභෝජනයට ඉතාම සුදුසුය.

විශේෂයෙන් ආනයනය කරන හාල් සඳහා මිනිස් සිරුරට අහිතකර ග්ලයිෆොසෙට්, ෆර්නිල්, කාබෝෆුයුනස් වැනි කෘමිනාශක හා වල්නාශක විශාල වශයෙන් එම වගාවලට යොදන බවත් ශ්‍රී  ලංකාවේ එවැනි කෘමි හා වල් නාශක පාවිච්චිය දැනට අවුරුදු 20ක පමණ කාලයක සිට නොකරන බවත් වාර්තා වේ.