සියපත ෆිනෑන්ස් දීපව්‍යාප්ත ශාඛා ජාලයේ 41 වැනි ශාඛාව විවෘත කෙරේ

0
15

දීපව්‍යාප්ත ශාඛා ජාලයක් හරහා හෘද්‍යාංගම පාරිභෝගික සේවාවක් සපයමින් ශ්‍රී ලාංකිකයන්ගේ විශ්වාසය දිනාගත් ප‍්‍රමුඛතම මූල්‍ය ආයතනයක් වන සියපත ෆිනෑන්ස් පී.එල්.සී. නවතම ශාඛාව අංක 46/12, සයුරු සෙවණ, නවම් මාවත, කොළඹ 02 යන ලිපිනයේදී පසුගියදා විවෘත කෙරිණි.

නව්‍යකරණය, විශ්වසනීයත්වය සහ හෘද්‍යාංගම භාවය මුසු වූ සියපත ෆිනෑන්ස් මූල්‍ය සේවා සංස්කෘතිය කොළඹ 02 ආශ‍්‍රිත පාරිභෝගිකයන් වෙත සමීප කරමින් සියපත ෆිනෑන්ස් පී.එල්.සී. කළමනාකාර අධ්‍යක්ෂ ආනන්ද සෙනෙවිරත්න, අධ්‍යක්ෂ මණ්ඩල සාමාජිකයන් වන ජයනාත් ගුණවර්ධන, ශ‍්‍රියානි රණතුංග හා මලින්ද බෝයගොඩ යන මහත්ම මහත්මීන්ගේ ප‍්‍රධානත්වයෙන් සියපත ෆිනෑන්ස් නව ශාඛාව විවෘත කෙරිණි.

සියපත ෆිනෑන්ස් ප‍්‍රධාන කාර්යාලය වෙතින් ගනුදෙනුකාරභවතුන් වෙත ලබාදෙන ලීසිං, කුලී සින්නක්කර සේවා, ෆැක්ටරින්, ව්‍යාපාර හා පෞද්ගලික ණය, නිවාස ණය, රන් ණය, ස්ථාවර තැන්පතු ඇතුළු සියලුම මූල්‍ය සේවාවන් ෆිනෑන්ස් ශාඛා ජාලයේ 41 වැනි ශාඛාව ලෙස විවෘත වූ මෙම කොළඹ 02 ශාඛාවේ පළපුරුදු වෘත්තීයවේදී කාර්යමණ්ඩලය වෙතින් ද ලබාගත හැකිය.

සියපත ෆිනෑන්ස් පී.එල්.සී. කළමනාකාර අධ්‍යක්ෂ ආනන්ද සෙනෙවිරත්න මහතා 41 වැනි ශාඛාව විවෘත කළ අවස්ථාවේ අදහස් දක්වමින්   “සියපත ෆිනෑන්ස් දීප ව්‍යාප්ත ශාඛා ජාලයට මේ නව ශාඛාව තවත් දැවැන්ත ශක්තියක්. කොළඹ 02 ප‍්‍රදේශයෙන් අප සමඟ එක්ව සිටින හිතවත් පාරිභෝගික ජනතාවගේ අත්‍යවශ්‍ය මූල්‍ය අවශ්‍යතා කඩිනමින් ඉටුකර දෙන්නට අවශ්‍ය සියලු පහසුකම් මෙම ශාඛාවට අප ඇතුළත් කොට තිබෙනවා” යැයි පැවැසීය.