පර්යේෂණ ගමන්මඟ හා ප්‍රකාශනයේ සාර්ථකත්වයට හේතුව SLIIT ආයතනයෙන් ලද අධ්‍යාපනයය

0
17

අගනා ප්‍රතිඑල සහ සාර්ථක පර්යේෂණ සංස්කෘතික පසුබිමක් ඉදිරිපත් කරමින් SLIIT හි සිසුන් නැවත වරක් සිය පර්යේෂණ සඳහා Scimago H – සහ PLOS One ප්‍රකාශනයක් හිමි කර ගෙන ඇත. Alcohol brings burdens (මත්පැන් රෝගාබාධ ඇති කරයි) යන ප්‍රකාශන පත්‍රිකා මාතෘකාව යටතේ SLIIT හි සිසුන් වන ඕෂද අතුකෝරල, සඳුනි ඉෂාරා, දිෂානි සිල්වා සහ ටාන්යා පතිරගේ යන අයගේ සහයෝගීතාව ඇතිව මත්පැන් පරිභෝජනය සහ ගෝලීය රෝගාබාධ පිළිබඳ ගෝලීය වශයෙන් හා මහාද්වීප වශයෙන් අධ්‍යයනයක් කර තිබේ. මේ සම්බන්ධයෙන් සිසුන් සමඟ කළ සාකච්ජාවේදී ඔවුන් සිය පර්යේෂණ ගමන්මඟ සහ ප්‍රකාශනයේ සාර්ථකත්වය පිළිබඳව අදහස් දක්වනු ලැබීය.

නිශ්චිත ප්‍රදේශය හා අදාළ මාතෘකාව තෝරා ගැනීමට හේතුව කුමක්ද?

අපගේ පර්යේෂණ ක්ෂේත්‍රයට සම්බන්ධ ඉහළ Scimago H – දර්ශක පත්‍රිකා අපට හමුවුණා. නමුත් මහාද්වීප වශයෙන් ඒ ගැන කිසිම පර්යේෂණයක් සිදු කර නැහැ. අපගේ මාතෘකාවට අදාළ ගැඹුරු පර්යේෂණ අධ්‍යයනයක් නොතිබූ නිසා මත්පැන් පානයට අදාළ ප්‍රභේද ලෙස වයින්, බියර්, ස්පී්‍රතු සහ වෙනත් මද්‍යසාර පාන වර්ග ඇති බවද අපි සඳහන් කළා.

ඒ අනුව මහාද්වීප මිල සඳහා එක් එක් මත්පැන් පරිභෝජන ආශි්‍රත රෝගාබාධ සඳහා අපගේ පර්යේෂණ අධ්‍යයනය සිදු කිරීමට අප තීරණය කළා. මෙම සියලු වෙනස්වීම් එකට යොදාගෙන මේ දක්වා කිසිම පර්යේෂණ අධ්‍යයන කටයුත්තක් සිදු කර නොමැති නිසා අපි අපගේ සමාජ – ජනවිකාස පරිසරය, මානව සංවර්ධන දර්ශකය සහ ආදායම වැනි ස්වාධීන වෙනස්වීම්ද සලකා බැලුවා

පර්යේෂණ කටයුතු කොපමණ කලක් සිදු කළාද?

පර්යේෂණය අවසන් වසරේ පළමු අධ්‍යයන වාරය තුළදී එනම් පෙබරවාරි මාසයේ සිට ජුනි මස දක්වා වූ මාස හයකට ආසන්න කාලයක් තුළ අවසන් කරනු ලැබුවා. සම්පූර්ණ පැවරුම සඳහා මාස 12ක කාලයක් ගත වූ නමුත් මාස හයක කාලයක් තුළ පර්යේෂණ කොට අවසන් කිරීම අප ලැබූ ජයග්‍රහණයක්.

උපාධිය ලබා ගැනීමටත් පෙර මෙලෙස කැපී පෙනෙන ජයක් හිමිකර ගත්තේ කෙසේද?

හොඳ තත්ත්වයේ ප්‍රකාශනයක් සමඟ මාස හයක් වැනි කාලයක් තුළදී පර්යේෂණ කටයුතු අවසන් කිරීම පහසු දෙයක් නොවේ. කෙසේ නමුත් එවැනි විශාල ක්‍රියාවලියක් සම්පූර්ණ කිරීමට අපට මඟපෙන්වමින් සහ දැනුම ලබා දෙමින් අපට සහාය ලබා දීමට තව බොහෝ දෙනෙක් සිටියා.

ඔවුන් අතරින් අපව අධීක්ෂණය කරනු ලැබුවේ SLIIT ව්‍යාපාරික පාසලෙහි සහකාර මහාචාර්ය රුවන් ජයතිලක මහතාය. මුල සිටම අපේ අධීක්ෂකවරයා ලෙස මහාචාර්ය රුවන් ජයතිලක මහතා තෝරා ගැනීමට අප විශේෂ උනන්දුවකින් කටයුතු කළේ ඔහුගේ පර්යේෂණවලට ඇති කීර්තිය සහ ඔහු සතුව තිබෙන නවීනත්වයෙන් යුතු චින්තනය නිසාය. පියවරෙන් පියවර පර්යේෂණයේ කාලය පුරාවටම ඔහු අපට ලබා දුන් දිරිගැන්වීම සුවිශේෂයි.

ඔහු පසුගිය අධ්‍යයන කටයුතු සඳහා උදාහරණ සපයනු ලැබුවා. ආදි සිසුන්ගේ අතීත ජයග්‍රහණ පිළිබඳව ඉදිරිපත් කරමින් සිය අත්දැකීම් හුවමාරු කර ගත්තා. ඊට අමතරව ඔහුගේ දේශන ඉතා සිත්ගන්නාසුලු හා උදේ‍යාගිමත් වූ අතර ඒ තුළින් අපිව තවත් දිරිමත් වුණා.

අපි හතර දෙනා විවිධ දිස්ත්‍රික්කයන් හි විවිධ වූ ප්‍රදේශවලින් පැමිණි අය. මේ නිසා ගුණාත්මක වූ සඟරා ප්‍රකාශනයක් සමඟ මාස හයකින් පර්යේෂණ කටයුතු අවසන් කිරීම ඉතා අපහසු කටයුත්තක් වූවා. භෞතික වශයෙන් සන්නිවේදනය කිරීමට සහ  රැස්වීම් පැවැත්වීමට බාධා ඇති වුණා. ඒ කොහොම නමුත් අපගේ කණ්ඩායමේ සියලුම සාමාජිකයන් පර්යේෂණය සම්පූර්ණ කිරීම සඳහා ඉතා වෙහෙස මහන්සි වී වැඩ කළා. තම කාලය කැප කරමින් කණ්ඩායම මෙම ජයග්‍රහණය සඳහා දායක වූ පර්යේෂණ වෙනුවෙන් සිය ප්‍රමුඛතාව ලබා දුන්නා.

ආර්ථික දුෂ්කරතාවන් හමුවේ පීඩා විඳිමින් තමයි අප පර්යේෂණ කටයුතු සිදු කළේ. අපගේ මවුපියන් ඒ සඳහා අපට ශක්තියක් වෙමින් එම අභියෝග ජය ගැනීමට සහාය ලබා දීම ගැන අප සඳහන් කළ යුතුයි.

ඔබලාගේ පර්යේෂණය වෙනුවෙන් SLIIT ඔබට සහාය වූයේ කෙසේද?

SLIIT හි මාර්ගගත සහ මාර්ගගත නොවූ අධ්‍යයන කටයුතු හා එහි සම්පත් මෙම ඉලක්කය සපුරා ගැනීමට අපට උපකාර වුණා. අපගේ කණ්ඩායමේ සමහර සාමාජිකයන් ආයතනවල සේවය කරන නිසා අපට සහාය වීමට ආයතනික වශයෙන්  කණ්ඩායමක් සිටීම ඉතා වැදගත් විය. SLIIT ව්‍යාපාරික පාසලෙහි කථිකාචාර්යවරුන් සහ කාර්ය මණ්ඩලය අපට සහාය වූවා. මෙම ගමන් මඟ සාර්ථක කර ගැනීම සඳහා ඔවුන්ගේ මඟපෙන්වීම සහ සහාය ලබා දීම පිළිබඳව ද අපගේ ස්තුතිය ඔවුන් වෙත පුදකර සිටිනවා.

මෙම පර්යේෂණය කිරීමට අවස්ථාව ලබාදුන් SLIIT ආයතනයේ කුලපතිවරයා, උපකුලපති සහ නියෝජ්‍ය උපකුලපතිවරයා මෙන්ම SLIIT ව්‍යාපාරික පාසලේ පීඨාධිපති මහාචාර්ය සමන්ත තෙලිජ්ජගොඩ මහතාටද අපගේ ස්තුතිය පුදකර සිටිනවා.

පර්යේෂණය ප්‍රකාශනය කිරීම සඳහා පිළිගෙන තිබේද?

ඔව් අපගේ පර්යේෂණය SJR හි Q1 කාණ්ඩය සමඟ H – දර්ශකයේ 367 සඟරාවක් විසින් පිළිගෙන තිබෙනවා. සඟරාව PLOS ONE, Scopus හි ඉහළම ශේ‍ර්ණි දහය අතරට පැමිණ ඇති අතර දැනට පර්යේෂණ පත්‍රිකා සඳහා 10%කට වඩා අඩු පිළිගැනීමේ අනුපාතයක් පවත්වාගෙන යනවා

පර්යේෂණ ක්‍රියාවලිය ගැන සඳහන් කළ හැකිද?

මුලින්ම අපට හොඳ පර්යේෂණ ගැටලුවක් සොයා ගැනීමට වුවමනා වුණා. අවශ්‍ය සියලුම මඟපෙන්වීම් සහ පියවරයන් අපගේ අධීක්ෂක විසින් ලබා දුන්නා. හොඳ පර්යේෂණ මාතෘකාවක් තෝරා ගත් පසුව අදාළ යෝජනාව සම්පූර්ණ කළා. අදාළ ශාස්ත්‍රීය ග්‍රන්ථ පරිහරණය කිරීම, දත්ත එකතු කිරීම හා විශ්ලේෂණය කර ප්‍රතිඵල ලියා පසුව අපගේ පර්යේෂණ ලිපිය අවසන් කළා.

ඔබලාගේ ඉදිරි සැලසුම් මොනවාද?

අපගේ ශාස්ත්‍රීය නිබන්ධයේ ඉතිරි අරමුණු සාක්ෂාත් කර ගැනීම සඳහා අපි තවත් ලිපි ලිවීමට සැලසුම් කරනවා. තවත් නවීන වෙනස්කම් සමඟින් අධ්‍යයන ක්ෂේත්‍රය තවදුරටත් පර්යේෂණ කිරීමට අපි බලාපොරොත්තු වෙනවා. ඉදිරි මාස හතර තුළ ප්‍රධාන ඉලක්කය බවට පත්වී තිබෙන්නේ අපගේ උපාධිය ලබා ගැනීමට ප්‍රථමව පත්‍රිකාවේ අරමුණු සම්පූර්ණ කිරීමයි. මෙම සඟරා පත්‍රිකාව අපගේ වෘත්තීය ගමන් මඟට විශාල සහයෝගයක් සහ මඟපෙන්වීමක් මෙන්ම ශාස්ත්‍රීය කටයුතු සඳහා දායක වනු ඇත.

SLIIT ව්‍යාපාරික පාසලෙහි සහකාර මහාචාර්ය රුවන් ජයතිලක මෙම පත්‍රිකාවේ අධීක්ෂකවරයා ලෙස H – දර්ශක ශේ‍ර්ණිගත කිරීම්වල වැදගත්කම සහ සිසුන්ගේ ජයග්‍රහණ පිළිබඳව කළ සාකච්ජාවේදී දැක්වූ අදහස් මෙසේය.

ඔබ දකින ආකාරයට H – දර්ශක ශේ‍ර්ණිගත කිරීමේ තත්ත්වය ලබා ගැනීම සිසුන්ට කෙතරම් වැදගත්ද?

ප්‍රකාශනය ශාස්ත්‍රීය කුසලතා ඉදිරිපත් කිරීමට විද්වතුන් භාවිත කරන පොදු ක්‍රමයක්, පර්යේෂණවල ගුණාත්මක ප්‍රකාශනය  විද්වතුන් සහ ඔවුන්ගේ ආයතන කෙරෙහි අවධානය යොමු කරනවා. මේ මඟින් ආයතනය සඳහා වැඩි අරමුදල් ලබා ගත හැකි අතර පුද්ගලයකුගේ ක්ෂේත්‍රයේ ප්‍රගතිය සහතික කරනු ලැබේ. ප්‍රකාශනයක ඉහළ H – දර්ශකයක් මඟින් පුළුල් ප්‍රේක්‍ෂක පිරිසක් වෙත ඔබේ කාර්යයේ වැදගත්කම දෘශ්‍යතාව සහ සැබෑ ව්‍යාප්තිය පෙන්නුම් කරයි. මුල් ප්‍රකාශන විද්‍යාත්මක හා ශාස්ත්‍රීය කුසලතා වැඩි දියුණු කිරීම සඳහා උත්ප්‍රේරකයක් ලෙස සේවයක් ලබා දෙන අතර අනාගත විද්වතුන්ට පර්යේෂණ සංවර්ධනය කිරීමට සහ ශක්තිමත් පර්යේෂණ නිමැවුම් නිපදවීමට ඇති හැකියාව සංඥා කරයි. රැකියා අවස්ථා හැරුණු විට විද්වතුන් ඔවුන්ගේ වෘත්තීය ජීවිතය තුළ ප්‍රකාශන සබඳතාව පර්යේෂණ ප්‍රදාන සහ වෘත්තීය සාර්ථකත්වය යන දෙකටම සම්බන්ධ වේ.

සිසුන්ගේ මුල් අධ්‍යයන ඉහළ H – දර්ශක ප්‍රකාශන තිබීම, සංඥා ලෙස ක්‍රියා කළ හැකි අතර පුද්ගලයන්ට සහ ඔවුන්ගේ කාර්යයට වටිනාකමක් එක් කරයි. ඒ අනුව අධ්‍යාපනය තුළ හෝ ඉන් පිටත තනතුරු සෙවීමේදී ඔවුන්ගේ දෘශ්‍යතාව වැඩි කරයි. මෙය ඔවුන්ගේ රැකියා නියුක්තිය කෙරෙහි ධනාත්මක බලපෑම් ඇති කරවන අතරම එමඟින් ඔවුන්ට සහ ඔවුන් අධ්‍යයන කටයුතු සංවර්ධනය කරනු ලැබූ විශ්වවිද්‍යාලයට ප්‍රතිලාභ ගෙන එයි. තවද පර්යේෂණ ආශ්‍රයෙන් ශිෂ්‍යත්ව හෝ රැකියා සඳහා ඔබට යම් පළපුරුද්දක් ඇති බවටත් එසේම එම ක්‍රියාවන් ඔබට අපහසු නොවන බවට ඇඟවීම සඳහා ගුණාත්මක පත්‍රිකා කිහිපයක් ප්‍රකාශයට පත් කිරීම අවශ්‍ය වේ. එම කරුණුවලට අදාළව අනාගතයේදී එය ඔබට තවත් සම්මාන ගෙන දෙයි.

මෙම ජයග්‍රහණය සඳහා ඔබ සිසුන්හට මඟ පෙන්වූයේ කෙසේද?

මෙය ශිෂ්‍යයාගේ කාර්යය සඳහා පැහැදිලි මඟ පෙන්වීමක් සහිත දීර්ඝව කරනු ලබන උපදේශන ක්‍රියාවලියක්. පළමුව මෙයට දිරි ගැන්වීම, උපදේශනය සහ සිසුන්ගේ සැබෑ ජීවිත සන්දර්භය තුළ BBA වලින් එහාට දිවෙන බව දැන සිටීම ඇතුළත් වේ. ශාස්ත්‍රීය නිබන්ධය ආරම්භයේදීම අපේක්ෂාවන් සැලසුම් කිරීම, නම්‍යශීලී වීම, ක්‍රියාවලිය සැලසුම් කිරීම සහ අධීක්ෂණය සඳහා ගතවන කාලය කළමනාකරණය කිරීම එහි කොටසක් වේ. දෙවැනි පියවර ලෙස සිදු කරනු ලබන්නේ සිසුන් සහ සම වයසේ මිතුරන් සමඟ හොඳින් සන්නිවේදනය කිරීම සහ SLIIT ආයතනය විසින් සපයනු ලබන සම්පත් භාවිත කිරීමේ වාසිය භාවිත කිරීමයි.

තවදුරටත් නිර්මාණශීලීව සහ ඉක්මනින් ඔවුන්ගේ වැඩ කටයුතු පිළිබඳ ප්‍රතිචාර සහ ගුණ ‍ෙදාස් දැක්වීම ශිෂ්‍යයකුගේ වර්ධනයට ඉතාමත් වැදගත්. උදාහරණයක් ලෙස මම සිසුන් සඳහා ප්‍රමාණවත් කාලයක් වෙන් කරමින් සිසුන්ව සෑම දිනකම මුණගැසෙනවා. ඔවුන්ව ප්‍රධාන වශයෙන් හමුවීමට නොහැකි නම් විද්‍යුත් තැපෑල, දුරකථන මඟින් හෝ ලධධථ තාක්ෂණය වැනි මාධ්‍ය කිහිපයක් හරහා සම්බන්ධ වීමට කටයුතු කරනවා.

අධීක්ෂකවරයා හට තමන්ගේ පර්යේෂණයේ නිශ්චිත මාතෘකාව පිළිබඳ විශේෂඥ දැනුමක් තිබෙන බවට සිසුන් කිසි විටෙක බලාපොරොත්තු වන්නේ නැහැ. නමුත් ශිෂ්‍යයාගේ පර්යේෂණ මාතෘකාව පුළුල් ක්ෂේත්‍රයට ගැළපෙන ආකාරයට සංකල්පගත කිරීමට සහ නිරූපණය කිරීමට මෙන්ම විෂය ක්ෂේත්‍රය සම්බන්ධව ඔවුන්ගේ දැනුම ඊට අදාළ කර ගැනීමට මඟපෙන්වීමක් ලබා දිය හැකි අධීක්ෂකවරයකු ඔවුන් ඉතා අගය කරනවා. ඒ කොහොම වෙතත් අධ්‍යයනයකදී අවශ්‍ය පර්යේෂණ ක්‍රමවේද පිළිබඳ විශේෂඥ දැනුමක් ඇති අධීක්‍ෂකවරයකුගේ මඟපෙන්වීම නව පර්යේෂකයන් කුසලතාවලින් සවි බල ගැන්වීමේදී සහ ගුණාත්මක පර්යේෂණ පත්‍රිකා නිෂ්පාදනය කිරීමේදී ඉතාමත් වැදගත් සහ වාසිදායක වෙනවා.

ඔබගේ අදහසට අනුව තෝරාගත් මාතෘකාව හරහා කෙතරම් බලපෑමක් ඇති වුණාද?

මෙම අධ්‍යයනය තුළින් 2000 සහ 2019 වසර තුළ මහාද්වීපය අනුව සහ ගෝලීය වශයෙන් මත්පැන් පරිභෝජනය සහ ඒ හේතුවෙන් ඇතිවන රෝගාබාධ අතර පවතින දිගුකාලීන සම්බන්ධතාව විමර්ශනය කරයි. විශේෂ වූ හේතු දෙකක් නිසා මෙම අධ්‍යයනය සිදු කිරීමට කටයුතු කළා. පළමු කාරණය වන්නේ මෙම පර්යේෂණ අධ්‍යයනය පසුගිය වසර 20ක කාලය තුළ එකතු කරන ලද දත්ත භාවිත කරමින් මහාද්වීප පහම ඇතුළුව ලොව පුරා රටවල් 177ක් ආවරණය කිරීමට කටයුතු කිරීමයි. එම නිසා මෙම අධ්‍යයනය පුළුල් (රටවල් පිළිබඳ පුළුල් ආවරණයක් සහ පර්යේෂකයාගේ උපරිම දැනුම අනුව මෙතෙක් පැවැති අධ්‍යනයන් වර්තමාන අධ්‍යනයේ තෝරාගත් වෙනස්වීම් යටතේ මෙම මාතෘකාව කෙරෙහි අවධානය යොමු කර නොමැත) සහ කාලෝචිත එකක් විය. මීට අමතරව අධ්‍යයනයේ වටිනාකම වැඩිදුරටත් වර්ධනය කරන ගෝලීය මට්ටමේ විශ්ලේෂණය සමඟ එක් එක් මහාද්වීප සඳහා වෙනම විශ්ලේෂණයක් සිදු කරනු ලබයි. දෙවැනි හේතුව වන්නේ විශ්ලේෂණය සඳහා තෝරාගත් වෙනස්වීම් පෙර අධ්‍යයනයන් හා සසඳා බැලූ විට ඒවාට සාපේක්ෂව එය අති විශිෂ්ට වීමය. ඊට ප්‍රතිවිරුද්ධව අධ්‍යාපනය, දරිද්‍රතාව සහ මානව සංවර්ධනයේ මට්ටම ගණනය කරන අනෙකුත් ප්‍රධාන මිනුම් පූර්ව අධ්‍යයනයන්හි වෙනස්කම් ලෙස සැලකේ. මෙම සොයා ගැනීම් මඟින් ගෝලීය රෝගාබාධයන් කෙරෙහි මතුව ඇති මත්පැන් පානය සහ අනෙකුත් බලපෑම් පිළිබඳ සමස්ත චිත්‍රය පෙන්නුම් කරන අතර ගෝලීය රෝගාබාධ අඩු කිරීම සඳහා අනාගතයේදී මෙම වෙනස්වීම් සමඟ කටයුතු කළ යුතු ආකාරය පිළිබඳ යෝජනා සපයා දෙනු ලබයි.

SLIIT ව්‍යාපාරික පාසලේ පීඨාධිපති මහාචාර්ය සමන්ත තෙලිජ්ජගොඩ මහතා කළ අදහස් දැක්වීම මෙසේය.

“අපගේ අරමුණ සඳහා පර්යේෂණ ප්‍රධාන වේ. ජාත්‍යන්තර පර්යේෂණ ශේ‍ර්ණිගත කිරීම්වල SLIIT හි සාර්ථකත්වය හා අපගේ සියලුම පර්යේෂණ කටයුතුවල විශිෂ්ටත්වයන් හිමි කර ගැනීම සඳහා අපගේ කාර්ය මණ්ඩලයේ තිරසර කැපවීම පිළිබඳව පිළිබිඹු කරන්නක් වන අතර එය ඇගයීමට ලක් කළ යුතුය. මෙම කණ්ඩායමේ ජයග්‍රහණය අපගේ සිසුන් නිෂ්පාදනය කරන අධ්‍යයන කටයුතුවල උසස් තත්ත්වයද පෙන්නුම් කරන්නක්. මෙම ශිෂ්‍ය කණ්ඩායම විසින් ලබාගෙන ඇති H – දර්ශක ප්‍රතිඵලය මෑත වසරවලදී SLIIT හි පර්යේෂණ ඉදිරියට පැමිණ ඇති ආකාරය පෙන්නුම් කරන එක් දර්ශකයක් පමණි.