සජිත්ගෙන් යෝජනාවක්

1
438

පාර්ලිමේන්තුවේ ආංශික කාරක සභා සියල්ලේ ම සභාපතිත්වය විපක්ෂයට ලබා දෙන්නැයි ආණ්ඩුවට යෝජනා කරන බව විපක්ෂ නායක සජිත් ප්‍රේමදාස පවසයි.

විපක්ෂ නායක කාර්යාලයේ පැවති සාකච්ඡාවකින් අනතුරුව අදහස් දක්වමින් ප්‍රේමදාස මහතා මේ බව සඳහන් කළේ ය.

විපක්ෂ නායකවරයා ප්‍රකාශ කළේ, රට ගොඩ නැගීම සඳහා සර්ව පාක්ෂික ඒකාබද්ධ වැඩපිළිවෙළකට පූර්ණ සහයෝගය ලබා දීමේ ස්ථීර මතයක සමගි ජන බලවේගය සහ සමගි ජන සන්ධානය සිටින බව ය.

“අපිට ආරංචි ලැබෙනවා විශේෂයෙන් ම විපක්ෂයට ප්‍රධාන කමිටු සභාපති ගණනාවක් ලබා දීමේ තීන්දුවකට එළෙඹිලා තියෙනවා කියලා. ඒක ඉතා ම සාධනීය දෙයක්. රජයෙන් ඉල්ලීමක් කරනවා යෝජනාව ක්‍රියාවට නංවලා ඒ ප්‍රධාන කමිටු තුන පමණක් නොව ආංශික කාරක සභාවේ සියල්ලකගේ ම සභාපති තනතුරු විපක්ෂයේ සමූහයට ලබා දෙන්නැයි කියන එක අපි යෝජනා කරනවා.”

ඇමති තනතුරු බලාපොරොත්තු නොවී රට ගොඩ නැගීම සඳහා කොන්දේසි විරහිතව විපක්ෂය ලෙස සක්‍රීය දායකත්වය ලබා දෙන බව ප්‍රේමදාස මහතා වැඩිදුරට ත් පැවසීය.

1 COMMENT

Comments are closed.