ඉන්දියාව තෑගි කළ ඩෝනියර් යානය කටුනායකට

0
40

ඉන්දියාව විසින් ශ්‍රී  ලංකාවට පරිත්‍යාග කරන ලද සමුද්‍ර  නිරීක්ෂණ ගුවන් යානය ඊයේ (15දා) දහවල් 12.20ට කටුනායක ගුවන් හමුදා කඳවුර වෙත පැමිණියේය.

ඩෝනියර් වර්ගයේ මෙම ගුවන් යානය ඉලෙක්ට්‍රොනික යුද මෙහෙයුම්, සමුද්‍ර නිරීක්ෂණ කටයුතු සහ ආපදා සහන කටයුතු සඳහා යොදා ගැනීමට හැකියාව පවතින අතර ටර්බෝ ප්‍රොප් එන්ජින් දෙකකින් බලගන්වා තිබේ. මෙම ගුවන් යානයට කෙටි ගුවන්ගත කිරීම් මෙන්ම හදිසි ගොඩ බැස්සවීම් කටයුතුවලද නිරත විය හැකිය.

මෙම ගුවන් යානය ශ්‍රී  ලංකාවට භාර ගැනීමේ උත්සවය සඳහා ජනාධිපති රනිල් වික්‍රමසිංහ, ගුවන් හමුදාපති එයාර් මාර්ෂල් සුදර්ශන පතිරණ, නාවික හමුදාපති වයිස් අද්මිරාල් නිශාන්ත උළුගේතැන්න, යුද හමුදාපති ලුතිනන් ජෙනරාල් විකුම් ලියනගේ සහ ඉන්දීය රජය නියෝජනය කරමින් ඉන්දීය නාවික හමුදා උප ප්‍රධානි වයිස් අද්මිරාල් සතිෂ් ගෝර්මඩේ, ශ්‍රී  ලංකාවේ ඉන්දීය මහ කොමසාරිස් ගෝපාල් භාග්ලේ යන මහත්වරුන් ඇතුළු විශාල පිරිසක් සහභාගි වී සිටියහ.

කටුනායක _ ටී.කේ. ජී. කපිල