BREAKING NEWS: ත්‍රීවීලර් හිතුමතේ නැටිල්ල තවත් හිර කිරීමට කැබිනට් මණ්ඩලය තීරණයක් ගනී

2
1237

සියලු ම මගී ප්‍රවාහන සේවා නියාමනය කිරීම ජාතික ගමනාගමන කොමිසමට ලබා දීමට කටයුතු කරන බව කැබිනට් ප්‍රකාශක බන්දුල ගුණවර්ධන පවසයි.

අද (අගෝ. 9) පැවති කැබිනට් තීරණ දැනුම් දීමේ මාධ්‍ය හමුවට එක්වෙමින් මාධ්‍යවේදියෙකු නැගූ ප්‍රශ්නයකට පිළිතුරු දෙමින් කැබිනට් ප්‍රකාශකවරයා මේ බව සඳහන් කළේ ය.

ගුණවර්ධන මහතා සදහන් කළේ, විශේෂයෙන් ම ත්‍රිරෝද රථවල අය කෙරෙන මිල සම්බන්ධයෙන් නොයෙකුත් අක්‍රමිකතා සිදු වන බවට මගීන්ගෙන් චෝදනා ඇති බව ත් කෙටි කාලයක් තුළදී ත්‍රිරෝද රථ නියාමනය සඳහා ප්‍රවාහන අමාත්‍යංශයට බලය ලබා ගන්නා බව ත් ය.

“පුද්ගලික බස් රථ සඳහා නියාමන කොමිසමක් තියෙනවා. ජාතික ගමනාගමන කොමිසම. අලුත් ආයතනයක් ඇති කරන්නේ නැතුව මම බලාපොරොත්තු වෙන්නේ ජාතික ගමනාගමන කොමිසමට ම ඒ පනතට සංශෝධනයක් ගෙනල්ලා සියලු ම මගී ප්‍රවාහන සේවාවල නියාමනය එයට දෙන්න.”

පළාත් තුළ මාර්ගස්ථ මගී ප්‍රවාහන අධිකාරියේ ඇති ජාතික ගමනා ගමන කොමිසමෙන් නියාමන ප්‍රතිපත්තියක් සකස් කර මාසයක කාලයක් තුළ මෙම වැඩපිළිවෙළ සිදු කරන බව අමාත්‍යවරයා වැඩිදුරට ත් ප්‍රකාශ කර සිටියේ ය.

2 COMMENTS

Comments are closed.