පැතුම් කර්නර්ට ඇප

0
189

සමාජ ක්‍රියාකාරී පැතුම් කර්නර් ඇප මත මුදා හැරීමට කොළඹ අතිරේක මහෙස්ත්‍රාත් හර්ෂණ කැකුණවෙළ අද (අගෝ. 4) නියෝග කළේ ය.

මහේස්ත්‍රාත්වරයා නියෝග කළේ, රුපියල් ලක්ෂ 10 බැගින් වූ ශරීර ඇප 2ක් මත ඔහු මුදා හරින ලෙස ය.

එමෙන් ම, ඔහුට විදෙස් ගමන් තහනමක් ද පැනවීමට සහ ඔහුගේ ගුවන් ගමන් බලපත්‍රය අධිකරණය භාරයට පත් කරන ලෙසට මහේස්ත්‍රාත්වරයා නියෝග කළේ ය.

කොළඹ අපරාධ කොට්ඨාසය මගින් සිදු කෙරෙන විමර්ශනයක් සඳහා ජූලි 28 වන දා ඔහු අත්අඩංගුවට ගෙන තිබිණි.

පසුගිය දා බත්තරමුල්ල පොල්දූව මන්සන්ධියේ පැවැති විරෝධතාව සම්බන්ධයෙන් ඔහු මෙලෙස අත්අඩංගුවට ගත් බව පොලිසිය පැවසීය.

අනතුරුව ඔහු අද (අගෝ. 4) දක්වා රක්ෂිත බන්ධනාගාරගත කිරීමට අධිකරණය නියෝග කර තිබිණි.