ජනපති මැඳුරේ සිට Wi-Fi කෝල් ගත්ත අය සොයයි

0
11

ජනාධිපති මන්දිරයේ ඇති වයිෆයි භාවිත කරමින් සැකසහිත ලෙස අන්තර්ජාලය ඔස්සේ දුරකථන ඇමැතුම් ලබාගත් කිහිපදෙනකු සම්බන්ධයෙන් පොලිසිය විමර්ශනයක් ආරම්භ කර තිබේ.

මෙම පුද්ගලයන් මෙලෙස අන්තර්ජාලය භාවිත කරමින් ඇමැතුම් ලබාගෙන ඇත්තේ අරගලකරුවන් ජනාධිපති මන්දිරය අත්පත් කර ගැනීමෙන් අනතුරුව බව පොලිසිය සඳහන් කරයි. පොලිසිය මේ වන විට එම දුරකථන දත්ත වාර්තා අධ්‍යයනය කරමින් සිටින අතර මීට සම්බන්ධ වූවන් අත්අඩංගුවට ගෙන ප්‍රශ්න කිරීමට නියමිත බවද වාර්තා වේ. මේ අතර ජනාධිපති මන්දිරයට ඇතුළු වී ඊට අලාභහානි කළ පුද්ගලයන් 100කට අධික පිරිසක ඇඟිලි සටහන් මේ වන විට හඳුනාගෙන ඇති අතර අපරාධ වාර්තා කොට්ඨාසය එම ඇඟිලි සලකුණු සම්බන්ධව විමර්ශනයක් ආරම්භ කර තිබේ.

ඇඟිලි සටහන්වලට අදාළ පුද්ගලයන් අත්අඩංගුවට ගැනීමට ඔවුන් විදේශගත වීමට ගන්නා උත්සාහයන් වැළැක්වීම සඳහා එම තොරතුරු ආගමන විගමන දෙපාර්තමේන්තුව වෙත ලබාදීමටද පොලිසිය පියවර ගෙන තිබේ.

කීර්ති මෙන්ඩිස්