ජනාධිපති ලේකම් කාර්යාලයෙන් අරගලකරුවන් ඉවත් කිරීම ගැන ජාත්‍යන්තරයෙන් විරෝධයක්

ජනාධිපති ලේකම් කාර්යාලයෙන් අරගලකරුවන් ඉවත් කිරීම සම්බන්ධයෙන් ජාත්‍යන්තරය් අවධානය යොමු වී තිබේ.

ශ්‍රී ලංකාවේ අමෙරිකානු තානාපතිනි ජූලි චන්ග් අද (ජූලි 22) අලුයම දිනයේ ඇති වූ මෙම තත්ත්වය සම්බන්ධයෙන් ට්විටර් සටහනක් තබා ඇති අතර ඇය පෙන්වා දෙන්නේ, අරගලකරුවන්ට එරෙහිව ගත් ක්‍රියාමාර්ගය දැඩි කනස්සලට හේතු වී ඇති බව ය.

බලධාරින් වහා ම සංයමයෙන් කටයුතු කිරීමට අවධානය යොමු කළ යුතු බව ඇය අවධාරණය කර ඇත.

එමෙන් ම, තුවාල ලැබූවන් සඳහා වහා ම වෛද්‍ය ප්‍රතිකාර ලබා දෙන ලෙස ද ඇය ඉල්ලීමක් කර තිබේ.

Deeply concerned about actions taken against protestors at Galle Face in the middle of the night. We urge restraint by authorities & immediate access to medical attention for those injured.

— Ambassador Julie Chung (@USAmbSL) July 22, 2022

මේ අතර, ශ්‍රී ලංකාවේ සිටින බ්‍රිතාන්‍ය මහ කොමසාරිස් සාරා හල්ටන් ප්‍රකාශ කර ඇත්තේ, ගාලු මුවදොර ඇති වූ උණුසුම්කාරී තත්ත්වය ගැන දැඩි අවධානය යොමු කළ බව ය.

සාමකාමී විරෝධතා දැක්වීමේ අයිතියේ වැදගත්කම තමන් පැහැදිලිව පෙන්වා දී ඇතැයි ඇති එහි වැඩිදුරට ත් සඳහන් කර ඇත.

Very concerned about reports from the Galle Face protest site. We have made clear the importance of the right to peaceful protest

— Sarah Hulton OBE (@SarahHultonFCDO) July 21, 2022

මේ අතර, මානව හිමිකම් සම්බන්ධයෙන් වන ඇම්නෙස්ටි ඉන්ටර්නැෂනල් සංවිධානය පෙන්වා දෙන්නේ, අදාළ සිදුවීම මෙය පිළිගත නොහැකි බව ය.

බලධාරීන් වහා ඉවත් වී විරෝධතා දැක්වීමේ අයිතිය ආරක්ෂා කළ යුතු බව ඔවුන් අවධාරණය කර තිබේ.

එමෙන් ම, ශ්‍රී ලංකා බලධාරීන් මෙම ප්‍රචණ්ඩ ක්‍රියා වහා ම නැවැත්විය යුතු අතර මේ ආකාරයෙන් නීති විරෝධී ලෙස අත්අඩංගුවට ගත් අය නිදහස් කළ යුතු බව එම සංවිධානය ට්විටර් පණිවිඩයක් නිකුත් කරමින් සඳහන් කර ඇත.

This is unacceptable. The authorities must stand down immediately! The right to protest must be protected. Sri Lankan authorities must immediately cease these acts of violence and release those arrested unlawfully in this manner.

— Amnesty International South Asia (@amnestysasia) July 21, 2022