“රටඉඳි ආනයන තහනම ඉස්ලාම් භක්තිකයන්ට ගැටලුවක්”

0
27

ආනයනික භාණ්ඩ තහනමට රටඉඳි ඇතුළත් කිරීම නිසා  මුස්ලිම් ජනතාවට උපවාස අවසන් කිරීමේදී විශාල ගැටලුවක් මතුවන බව සමගි ජන බලවේගයේ පාර්ලිමේන්තු මන්ත්‍රී මුජිබර් රහුමාන් පැවසීය.

මෙම ගැටලුව පිළිබඳව පාර්ලිමේන්තුවේදී අදහස් ප්‍රකාශ කළද එම තහනම ඉවත් කිරීමට මෙතෙක් ගැසට් නිවේදනයක් නිකුත් කර නොමැති බව ද මන්ත්‍රීවරයා ‘මව්බිමට’ පැවසීය.

ආණ්ඩු පක්ෂයේ ඇතැම් පිරිස් මේ පිළිබඳව සාකච්ඡා කළ බවට ආරංචි මාර්ගවලින් දැන ගැනීමට ලැබුණු­ බව ද ඔහු කීය.

එහෙත් තවමත් මෙම ගැටලුව නිරාකරණය කිරීමට කිසිදු පියවරක් ගෙන නොමැති බව පැවැසූ මන්ත්‍රීවරයා මේ වන විට රට ඉඳිවලට අය කරන බද්දද වැඩි කර ඇතැයි ද සඳහන් කළේ ය.

රටඉඳි නබිතුමා අනුභව කළ ආහාරයක් නිසා ඔහුට කරන ගෞරවයක් වශයෙන් සලකා මුස්ලිම් බැතිමතුන් රටඉඳි අනුභව කරන බව ද ඔහු කීය.

එමෙන් ම, උපවාස කාලය අවසන් වූ පසු ආහාර ජීර්ණය කිරීම සඳහා ද රටඉඳි ආහාරයට ගන්නා බව මන්ත්‍රීවරයා වැඩිදුරට ත් ප්‍රකාශ කළේ ය.