25

කොළඹ

දෝණිට දැන් අවුරුද්දයි ඉෂාරා නැවතත් රංගනයට එකතු වෙන්න සූදානමක

හදගැස්ම

ළඟදි දූ පැටික්කිගේ උපන්දිනය සැමරුවා නේද?

ඔව්. අපේ දුවගේ නම ඉසස්යා සිදුප්‍රි සඳුමිණි පතිරණ. දැන් එයාගේ වයස අවුරුද්දක්. ඉතින් එයාගේ අවුරුද්දේ උපන් දින සාදය පැවැත්වුවා. 

දුවගේ නමටත් ඉෂාරාගේ නමට සමාන කොටසක් එක් කරලා නේද?

ඔව්, තාත්තගේ නම එයාට එද්දී මගේ නමෙත් කොටසක් දුවට තියෙනවා නම් හොඳයි කියලා හිතුවා. 

දුව කලාවට ළැදියි වගේද?

රූපවාහිනියේ සින්දුවක් එහෙම යනවා නම් එයා ඉබේම නටනවා. පොඩි පොඩි ගීත කෑලි මුමුනනවා.

එයා අනාගතයේදී නිළියක් වෙන්න හිතුවොත් ඉෂාරා ඒකට කැමැති වෙයිද?

දුව මමයි සැමියයි වගේ වෙන රැකියාවක් කරන ගමන් කලාවට සම්බන්ධ වුණාට කමක් නැහැ. කලාවම කරලා ජීවත් වෙන්න දැන් අමාරුයිනේ. ඒ නිසා හොඳ රැකියාවක් කරන ගමන් හොඳ දෙයක් තෝරාගෙන දුව කලාවේ ගමනක් යනවට අකැමැත්තක් නැහැ.

කොහොමද දුව එක්ක ගෙවන ජීවිතේ?

අපි හිතුවේ දුව චුට්ට චුට්ට ලොකු වෙනකොට වැඩ අඩුවෙයි කියලා. හැබැයි දැන් වැඩ වැඩියි. එයා හරිම දඟයි. මමයි සැමියයි දෙන්නම එයාගේ පස්සෙන් ඉන්න ඕන. සම්පූර්ණ කාලයම එයා වෙනුවෙන් වෙන් කරලා තියෙන්නේ. එයා දණගාද්දී අපිත් එයා එක්ක දණ ගානවා. එයත් එක්ක ඇවිදිනවා. අපිත් හරියට අපේ පුංචි කාලයට ගිහින් වගේ. දුවගෙන් අලුත් අත්දැකීම් ගොඩක් ජීවිතයට එකතු වෙනවා. බබා එක්ක ඉන්නකොට කාලය ගත වෙනවා තේරෙන්නේවත් නැහැ. අවුරුද්දක් වෙනකල්ම බබා එක්ක තමයි කාලය ගත කළේ. 

ඒ කියන්නේ දුවගේ වැඩ රාජකාරි එක්ක වෛද්‍ය වෘත්තියෙනුත් ඉවත් වුණාද?

ඇත්තටම සියලු වැඩකටයුතුවලින් මේ අවුරුද්ද පුරාවටම අයින් වෙලා හිටියේ. බබා ලැබෙනකල්ම මම වෛද්‍ය වෘත්තියේ වැඩවලට සම්බන්ධ වුණා. නමුත් පත්වීම් දෙද්දී මම ඒක ඉල්ලලා කල් දාගත්තා. බොහෝ විට මේ වසරේ අග හෝ ලබන වසරේ මුල විතර ආයෙත් පත්වීම් දෙයි. දැන් මම වැඩවලින් චුට්ටක් එළියට එන්න ආයෙත් උත්සාහ කරනවා. මම ඉගෙන ගත්ත දෙයින් මගේම දෙයක් පටන් ගන්නත් සූදානමක ඉන්නවා. 

අවුරුද්දක්ම රංගනයෙන් අෑත් වෙලා ඉන්න පහසු වුණාද?

ඒ කාලයේ බබාගේ වැඩත් එක්ක වෙනම ජීවිතයක් ගත කළේ. හරිම අවිවේකී ජීවිතයක්. රංගන කටයුතුවලට සම්බන්ධ නොවීම ගැන පුංචි දුකක් තිබුණා. ඒත් ඊට වඩා වටිනා සම්පතක් මං ළඟ තිබුණා. ගැහැනියක් වුණාම විවාහ වෙන්න ඕන. දරුවෙක් ලබන්න ඕන. ඉතින් පෞද්ගලික ජීවිතේ ඒ සතුට මං ළඟ තිබුණා. ඒ සතුට ළඟ තියෙන නිසා හිත හදාගත්තා. 

රංගන කටයුතුවලටත් ආයෙත් එකතු වෙයිද?

මට දිගටම වැඩවලට කතා කළා. නමුත් දුවව දාලා යන්න බැරි නිසා හිත නොරිදෙන විදියට ඒ ආරාධනා ප්‍රතික්‍ෂේප කළා. මේ දවස්වල නිර්මාණයකට සම්බන්ධ වෙන්න කතා කරමින් ඉන්නවා. කොහොම වුණත් ඉදිරියේදී ඒ නිර්මාණයෙන් හෝ වෙනත් නිර්මාණයකින් ප්‍රේක්‍ෂකයෝ අතරට එන්න ඉන්නේ. 

රංගනයෙන් අෑත් වෙලා හිටියට ඉෂාරාව බොහෝ දෙනෙක්ට අමතක වෙලා නෑ වගේ?

මම ක්‍ෂේත්‍රයේ ගොඩක් වැඩවල හිටියේ නැති වුණාට ඒ හිටපු කාලේදී මට සම්මාන දෙකක් ලැබුණා. අධ්‍යාපන කටයුතු කරන ගමන් තමයි මම රංගන කටයුතුවලට සම්බන්ධ වුණේ. මම නිර්මාණවල පේන්න නොහිටියත් මට තාමත් ලියුම් එනවා. දුරකථන ඇමැතුම් එනවා. අපි නිර්මාණයකට සම්බන්ධ වෙලා තෘප්තියක් ලබනවා වගේම අපි වෙනුවෙන් මේ වගේ හොඳ ප්‍රතිචාර ලැබෙද්දීත් අවංකවම සතුටක් දැනෙනවා. 

ඉෂාරා ආයෙත් රංගන කටයුතුවලට එකතු වෙනවාට සැමියාගේ අකැමැත්තක් නැද්ද?

නැහැ. මගේ හස්බන්ඩ් දන්නවා මම රංගනයට ආසයි කියලා. බබා වෙනුවෙන් කැප කිරීම් කරනවා කියලාත් දන්නවා. එයා කියන්නේ කාන්තාවක් ගෙදරටම කොටු වෙන්න ඕනේ නෑ කියලා. ඒ නිසා එයා මට පුළුවන් තරම් සහයෝගය දෙනවා. 

සමහර රංගන ශිල්පිනියන් විවාහයෙන් පස්සේ දරුවෝ ලැබුණට පස්සේ රංගනයෙන් අෑත් වෙනවා. නමුත් ඔබේ සැමියා ඔබව ඒ වගකීම්වලට කොටු කරන්න ලෑස්ති නෑ වගේ?

විවාහ වෙන්න ස්වාමිපුරුෂයෙක් තෝරා ගනිද්දීම මම මගේ නිදහස ගැන හිතුවා. මගේ සැමියා විශ්වාස කරනවා කාන්තාවෝ ගෙදරට කොටු වෙලාම ඉන්න ඕනේ නෑ කියලා. අපේ ආර්ථිකය ශක්තිමත් කරගන්න අපි හම්බ කරන්න ඕන. නමුත් අපි අපේ ජීවිතවල ආසා කරන තෘප්තියක් ලබන දේවල් තියෙනවා. මගේ සැමියාගෙන් මට සියයට දෙසීයක සහයෝගයක් ලැබෙනවා. ඉතින් එයාට ස්තුති කරන්නත් මේ අවස්ථාව යොදා ගන්නවා. හැමදේම සමබර කරගෙන මේ ගමන යන්න ලැබීම ගැන සතුටුයි. 

මවක් නිසා ඉදිරියේදී ඉෂාරාගේ තෝරා ගැනීම් තවත් වැඩි වෙයිද?

කොහොමත් මම මුල ඉඳන්ම චරිත තෝරා බේරාගෙන කළේ. වාසනාවද මන්දා මට ගැළපෙන චරිත ලැබුණා. දැන් අම්මා කෙනෙක් නිසා ඉස්සරටත් වඩා තෝරා ගැනීම් තියෙයි. ඉදිරියට හොඳ නිර්මාණ ලැබුණොත් ඒවට සම්බන්ධ වෙනවා. 

තාමත් ඉෂාරාට පෙම්වතිය වෙන්නද ආරාධනා ලැබෙන්නේ?

සුපුරුදු පෙම්වතියගේ චරිතයට තමයි දැනටමත් කතා කරන්නේ. දැනට කවුරුත් මගේ වෙනසක් දැකලා නෑ වගේ. 

පුංචි තිරයේ නම් නිර්මාණ කිහිපයක ඉෂාරාව දැක්කා. සිනමාවට එන්න අදහසක් නැද්ද?

හොඳ නිර්මාණයක් ලැබුණොත් සිනමාවට සම්බන්ධ වෙන්න බලාපොරොත්තුවක ඉන්නවා. 

රංගනයට එකතු වුණාට පස්සේ දුව වෙනුවෙන් ඉටුකරන වගකීම්වලට මොකද වෙන්නේ?

ඒ වගකීම් මගෙන් මිස් වෙන්නේ නැහැ. මමයි සැමියයි දෙන්නම මේ හැමදෙයක්ම සමබරව කරගෙන යනවා. අම්මත් උදවු කරනවා. බබාව පිට තැනක තියලා නම් මම රංගන කටයුතුවලට එන්නේ නැහැ. රූගත කිරීම්වලට යද්දී සමහර වෙලාවට බබාව එක්ක යන්නත් පුළුවන්. සැමියාත් ඒ වැඩවලට ගොඩක් උදවු කරනවා. 

මොනවද ඉදිරි සැලසුම්?

දුවගේ වැඩවලටත් බාධාවක් නොවෙන්න කලා කටයුතු සහ ආයුර්වේදයේ මම ඉගෙන ගත්ත දෙයින් යමක් කරන්න තමයි බලාපොරොත්තු වෙන්නේ.


තිළිණි කෞශල්‍යා විජේසිංහ

හිරෙන් නිදහස් වූ ඥානසාර හාමුදුරුවෝ පළමු වරට ජනතාව අමතයි (VIDEO)

පාස්කු ප්‍රහාරය ගැන සොයන්න විශේෂ පාර්ලිමේන්තු කමිටුවක්

මෝදිට ඇති විශිෂ්ට ජයක්

ඉන්දුනීසියාවත් කැළඹෙයි - ගැටුම් වලින් 6 මරුට, සමාජ මාධ්‍යත් වාරණය කරයි (VIDEO)

Huawei වලින් පස්සේ Hikvision ටත් අමෙරිකාවෙන් සම්බාධක

ඉන්දීය මහමැතිවරණයේ ප්‍රතිපල අද - මෝදී ඉදිරියෙන්
ගම්පහින් - රත්නපුරින් මනුෂ්‍ය ඝාතන 3ක්

අපි කොහොමත් ‘සෙමි ෆයිනල්’ යනවා - එංගලන්ත නායකයා කියයි

2019 ලෝක කුසලාන එක්දින ක්‍රිකට් තරගාවලියේ අවසන් පූර්ව වටය සඳ

11:24 AM May 23 2019

ඉන්දීය - පාකිස්තාන තරගයේ ප්‍රවේශපත්‍ර වලට පැය 48ක් යන්න කලින් වෙච්ච දේ මෙන්න

09:35 AM May 23 2019

ඕස්ට්‍රේලියාවේ හිටපු ක්‍රිකට් ක්‍රීඩක මයිකල් ස්ලේටර් ගුවන් යානයේදී පිස්සු නටයි,ගුවන් යානාවේ වැසිකිළිය තුළට ගොස් ‍දොර අගුළුදාගෙන

08:38 AM May 23 2019

මෝදිට ඇති විශිෂ්ට ජයක්

ඉන්දීය මහ මැතිවරණයේ අවසන් ප්‍රතිපලය අද (23) නිකුත් කෙරුණා.මේ

12:59 PM May 23 2019

ඉන්දුනීසියාවත් කැළඹෙයි - ගැටුම් වලින් 6 මරුට, සමාජ මාධ්‍යත් වාරණය කරයි (VIDEO)

10:21 AM May 23 2019

ඉන්දීය මහමැතිවරණයේ ප්‍රතිපල අද - මෝදී ඉදිරියෙන්

09:01 AM May 23 2019

ඇමැති රිෂාඩ් බදියුදීන් වැරැද්දක් කර ඇතිනම් ඔහු ගෙදර යැවීමට පමණක් නොව හිරේ යැවීමටත් සූදානම්

ඇමැති රිෂාඩ් බදියුදීන් වැරැද්දක් කර ඇතිනම් ඔහු ගෙදර යැවීමට ප

02:43 PM May 23 2019

රිෂාඩ් බදියුදීන් ඇමතිතුමාට විරුද්ධව ගෙනාපු විශ්වසභංගයට පක්ෂ වුනත් ආණ්ඩුව ඉවරයි විරුද්ධ වුනත් ආණ්ඩුව ඉවරයි

12:04 PM May 23 2019

ත‍්‍රස්ථවාදීන් සොයා දෙන්න මුස්ලිම් ජනතාවට යුතුකමක් හා වගකීමක් තියෙනවා

09:23 AM May 23 2019

පසුගිය කාටුන්

CARTOON ::: 2019-05-22
CARTOON ::: 2019-05-21
CARTOON ::: 2019-05-17

රජ බස!

එස්.ඩබ්ලිව්.ආර්.ඩී. බණ්ඩාරනායක මහතාගේ නායකත්වයෙන් තරග කළ මහජන එක්සත් පෙරමුණට 1956 මහ මැතිවරණයෙන් බලය හිමි කර ගැනීමට ‘භාෂා ප්‍රශ්නය’ ආශීර්වාදයක් විය. සිංහල භාෂාව පැය විසිහතරෙන් රාජ්‍ය භාෂාව කරන බවට බණ්ඩාරනායක මහතා කළ ප්‍රකාශය මැතිවරණ ව්‍යාපාරය තුළ රැව් දුන්නේය. පැය විසිහතරෙන් කෙසේ වෙතත් බලයට පැමිණ, වසර කිහිපයකින් සිංහල 'රාජ්‍ය භාෂාව' කිරීමට බණ්ඩාරනායක ආණ්ඩුව පියවර ගත්තේය.ඉංග්‍රීසියට ලැබී තිබුණ තැන අහිමි කොට බහුතරයක් කතා කරන භාෂාව වූ සිංහලයට මුල්තැන දීම කළ යුතුව තිබුණකි. කිසිවකු එහි වරදක් දකින්නේ නැත. වරද වූයේ දමිළ භාෂාවට නිසි තැන ලබා නොදීමය. මේ භාෂා ප්‍රශ්නය දමිළ අන්තවාදය පෝෂණයට මහත් දායකත්වයක් ලබා දුන් අතර වාර්ගික ප්‍රශ්නය උග්‍ර කළ සාධකයක් විය. පසුකලෙක දමිළ භාෂාවට නිසි තැන ලබාදීමට පාලකයන් කටයුතු කළද ඒ වන විට පෙරහර ගොස් අවසන්ව තිබිණි.සිංහල භාෂාවට මුල් තැනද දමිළ භාෂාවට නිසි තැන ලැබුණද මේ වන විට රටේ වැඩි තැනක් ලැබී ඇත්තේ ඉංග්‍රීසි භාෂාවටය. පෞද්ගලික අංශයේ බොහෝ විට වැඩ කෙරෙන්නේ ඉංග්‍රීසියෙනි. රාජ්‍ය අංශයේද ඉංග්‍රීසියට විශේෂ තැනක් ලැබී ඇත. සිංහල භාෂාව වැරැදියට පාවිච්චි කළද කිසිවකුට ඒ ගැන ලැජ්ජාවක් තිබෙන බව නොපෙනේ. එහෙත් ඉංග්‍රීසි භාෂාව ගැන ඇති සැලකිල්ල ඉමහත්ය. ජාත්‍යන්තර භාෂාවක් ලෙස ඉංග්‍රීසි අනිවාර්යයෙන් ඉගෙන ගත යුතු සාමාන්‍ය භාෂාවකි. අසල්වැසි ඉන්දියාව සමඟ සසඳන විට ලංකාවේ ඉංග්‍රීසි  අධ්‍යාපනය දුර්වලය. ඒ අංශයෙන් ඉන්දියාවේ ඇතැම් ප්‍රාන්ත විශාල දියුණුවක් ලබා ඇත.කාරණය අනෙකකි.‘භාෂාව‘ සම්බන්ධයෙන් ලංකාව දක්වන අඩු සැලකිල්ල හේතුවෙන් ඒ ඒ බලධාරීන්, ඒ ඒ පුද්ගලයන් තම තමන්ට අවශ්‍ය ආකාරයට ‘භාෂාව‘ යොදා ගනිමින් සිටී. තත්ත්වය කෙතරම් දුරදිග ගොස් ඇත්ද කියතොත් ඇතැම් පළාත්වල 'අරාබි' භාෂාවෙන්ද නාමපුවරු ප්‍රසිද්ධ ස්ථානවල පිහිටුවා ඇත. ඇතැම් තැනක 'සිංහල' ලියා ඇත්තේ වැරැදියටය. රාජ්‍ය භාෂාව දෙවැනි තැනට දමා වෙනත් භාෂාවක් මුල්තැනට දමා ඇති තැන්ද තිබේ. දිවයින පුරා ඇති සියලු වීදි නාම පුවරු සිංහල, දමිළ සහ ඉංග්‍රීසි භාෂාවලින් පමණක් සමන්විත විය යුතු බවට අගමැති රනිල් වික්‍රමසිංහ විසින් ස්වදේශීය කටයුතු ඇමැතිවරයාට උපදෙස් දී ඇත්තේ මේ තත්ත්වය සැලකිල්ලට ගෙන විය යුතුය.ඒ අනුව සිංහල, දමිළ හා ඉංග්‍රීසි භාෂාව හැර වෙනත් භාෂාවලින් කිසිදු වීදි නාම පුවරුවක් නම් නොකළ යුතු බවට අගමැතිවරයා උපදෙස් ලබාදී ඇත.වීදි නාම පුවරු පමණක් නොව පාසල්, නිවාස සංකීර්ණ ඇතුළු විවිධ රාජ්‍ය හා පෞද්ගලික ගොඩනැඟිලිවල මෙලෙස ‘භාෂාව‘ අනවශ්‍ය ආකාරයෙන් යොදා තිබීම පිළිබඳවද රජයේ අවධානය යොමු කළ යුතුය.වාද භේද ඇති කර ගනිමින් ‘සිංහල’ රාජ්‍ය භාෂාව කළ රටක රාජ්‍ය භාෂාවට තිබිය යුතු ‘තැන’ අහිමි වීම කනගාටුදායකය. දමිළ භාෂාවද පසෙකට විසි කර අරාබි වැනි භාෂාවට මුල් තැනදීම විකාරයකි. මේ පිළිබඳව පමා වී හෝ අවධානය යොමුවීම සතුටට කරුණකි. කොතැනින් හෝ වැරැදි නිවැරැදි කිරීම ඇරඹිය යුතුය.
වීඩියෝ