අගමැතිගේ වැය ශීර්ෂය කපන්න එජාපයෙන් යෝජනාවක්

  👤  2097 readers have read this article !
By mawbima 2018-11-20

ජේ.ටී. ද සිල්වා/රුචිර දිලාන් මධුශංඛ

අගමැතිවරයාගේ වැය ශීර්ෂය කපා හැරිය යුතු බව සඳහන් වන යෝජනාවක් එක්සත් ජාතික පක්ෂයේ මන්ත්‍රිවරුන් පස්දෙනකුගේ අස්සනින් ඊයේ කථානායකවරයා වෙත භාරදී ඇත.

රවි කරුණානායක, කාවින්ද ජයවර්ධන, හෙක්ටර් අප්පුහාමි, නවීන් දිසානායක සහ නාලක කොළොන්නේ යන මන්ත්‍රිවරු එම යෝජනාවට අස්සන් තබා ඇත.

යෝජනාව ලබන 29 වැනිදා විවාදයට ගන්නා ලෙසද එම මන්ත්‍රිවරු කථානායකවරයාගෙන් ඉල්ලා ඇත.

අගමැතිවරයාගේ වැය ශීර්ෂය කපා හැරිය යුතු බව සඳහන් යෝජනාවක් කථානායක කරු ජයසූරිය වෙත භාරදුන් බව එක්සත් ජාතික පෙරමුණේ පාර්ලිමේන්තු මන්ත්‍රි රාජිත සේනාරත්න පාර්ලිමේන්තු සංකීර්ණයේදී ඊයේ සවස පැවති මාධ්‍ය හමුවකට සහභාගි වෙමින් සඳහන් කළේය. එම යෝජනාව පිළිබඳ විවාදය ලබන 29 වැනිදා පැවැත්වෙන පාර්ලිමේන්තු රැස්වීමේදී විවාදයට ගන්නා ලෙසද කථානායකවරයාගෙන් ඉල්ලා ඇතැයි මන්ත්‍රිවරයා සඳහන් කළේය.

එම යෝජනාව එදිනට විවාදයට ගනු ඇතැයි සඳහන් කළ පාර්ලිමේන්තු මන්ත්‍රි රාජිත සේනාරත්න එම යෝජනාව සම්බන්ධයෙන් ඡන්දය විමසන අවස්ථාවේ තමන්ගේ බහුතරය පාර්ලිමේන්තුවේදී පෙන්වන බවද පැවැසීය.

අද මව්‍බිමෙන්

තවදුරටත්

මව්බිම දැන්

තවදුරටත්

අද පුවත්පත

අද කාටූනය

mawbima Cartoon