ජනපතිට මිස කථානායකට පාර්ලිමේන්තුව කැඳවන්න බෑ

  👤  2140 readers have read this article !
By mawbima 2018-11-14

පාර්ලිමේන්තුව යළි කැඳවීමේ හැකියාව ඇත්තේ ජනාධිපති මෛත්‍රිපාල සිරිසේන මහතාට බවත් ආණ්ඩුක්‍රම ව්‍යවස්ථාවට අනුව කථානායකට පාර්ලිමේන්තුව කැඳවීමේ බලයක් හෝ ඒ සඳහා කිසිදු හැකියාවක් හෝ නොමැති බවත් ආණ්ඩුව වෙනුවෙන් පෙනී සිටින නීති විශාරදයෝ පෙන්වා දෙති.


ඒ වගේම පාර්ලිමේන්තුව යළි කැඳවුවහොත් එහි ගැටුම්කාරී තත්ත්වයක් ඇති වීමේ හැකියාවක් පැවැතුණහොත් එය වැළැක්වීම සඳහා යළිත් වරක් ජනාධිපතිවරයාට පාර්ලිමේන්තුව කල් දැමිය හැකි බවත් ඔවුහු ප්‍රකාශ කරති.


පාර්ලිමේන්තුව විසුරුවා හැරීමට එරෙහිව අතුරු තහනම් නියෝගයක් නිකුත් කරමින් ශේ‍ර්ෂ්ඨාධිකරණය වැඩිදුර විභාගය දෙසැම්බර් 4-5 සහ 6 යන දිනවල සිදු කිරීමට තීරණය කර තිබෙන තත්ත්වය යටතේ පාර්ලිමේන්තුව රැස්කර තමන්ට බහුතරයක් තිබෙන බව පෙන්වීමට කටයුතු කරන බව හිටපු අගමැති රනිල් වික්‍රමසිංහ මහතා ප්‍රකාශ කරන්නේ කුමන පදනමකින්ද කියා ප්‍රශ්න කරන බවද ආණ්ඩුව වෙනුවෙන් පෙනී සිටින නීති විශාරදයෝ ප්‍රකාශ කරති.


අවශ්‍ය නම් මෙම පෙත්සම සම්බන්ධයෙන් ශේ‍ර්ෂ්ඨාධිකරණය තම තීන්දුව ප්‍රකාශ කරන තුරු ජනාධිපතිතුමාට පාර්ලිමේන්තුව කල් තැබීමට ආණ්ඩුක්‍රම ව්‍යවස්ථාව අනුව හැකියාව තිබෙන බවද ඔවුහු වැඩිදුරටත් ප්‍රකාශ කළහ.

අද මව්‍බිමෙන්

තවදුරටත්

මව්බිම දැන්

තවදුරටත්

අද පුවත්පත

අද කාටූනය

mawbima Cartoon