ජෝන් ටාබට් කනිෂ්ඨ මලල ක්‍රීඩා ශූරතා තරගාවලිය අද සිට 19 වැනිදා දක්වා අනුරාධපුරයේදී

  👤  2947 readers have read this article !
By mawbima 2018-10-17

ශ්‍රී ලංකා පාසල් මලල ක්‍රීඩා සංගමය වාර්ෂිකව සංවිධානය කරනු ලබන 49 වැනි ශ්‍රී මත් ජෝන් ටාබට් කනිෂ්ඨ මලල ක්‍රීඩා ශූරතා තරගාවලිය අද (17දා) සිට 19දා දක්වා අනුරාධපුර ජාතික ක්‍රීඩා සංකීර්ණයේදී පැවැත්වේ.

සිලෝන් බිස්කට්ස් සමාගමේ "රිස්ට්බරි" නොකඩවා 8 වැනි වරටත් අනුග්‍රහය සපයන මෙම තරගාවලිය සඳහා වයස අවුරුදු 12න්, 13න්, 14න් සහ 15න් පහළ බාලක/බාලිකා වශයෙන් වයස් කාණ්ඩ 4ක් යටතේ පාසල් 468ක් නියෝජනය කරමින් ක්‍රීඩක ක්‍රීඩිකාවන් 4500ක් පමණ සහභාගි වීමට නියමිතව ඇත.

ඒ අනුව හංවැල්ල රාජසිංහ මධ්‍ය මහා විද්‍යාලීය ක්‍රීඩාංගණයේ, මහනුවර බෝගම්බර ක්‍රීඩංගණයේ සහ පොළොන්නරුව රාජකීය විදුහල් ක්‍රීඩාංගණයේ පැවැති පළාත් තරගවලින් තෝරාගන්නා ලද ක්‍රීඩක ක්‍රීඩිකාවන් අද සිට 19 දා දක්වා පැවැත්වෙන ජාතික මට්ටමේ අවසන් තරග සඳහා සහභාගි වීමට නියමිතය.

මේ අතර අද පෙරවරු 8.30ට අධ්‍යාපන අමාත්‍යාංශයේ ක්‍රීඩා හා ශාරීරික අධ්‍යාපන උපදේශක සුනිල් ජයවීර මහතාගේ ප්‍රධානත්වයෙන් ආරම්භ වන මෙම තරගාවලියේ පළමු දිනයේදී ඉහත වයස් කාණ්ඩවල බාලක සහ බාලිකා මීටර් 80 කඩුලු මූලික වටයේ තරගත්, මීටර් 200 බාලක සහ බාලිකා මූලික වටයේ තරග සහ බාලක සහ බාලිකා මීටර් 80 කඩුලු අවසන් පූර්ව තරගත් පැවැත්වීමට කටයුතු සංවිධානය කර ඇත.

අද මව්‍බිමෙන්

තවදුරටත්

මව්බිම දැන්

තවදුරටත්

අද පුවත්පත

අද කාටූනය

mawbima Cartoon