ආයෙත් ඉල්ලන්න පුළුවන් ශේ‍ර්ෂ්ඨාධිකරණයේ මතය විමසනවා

  👤  3585 readers have read this article !
By mawbima 2018-08-20

කොළඹ_ ජනක විජේවර්ධන

දහ නව වැනි ව්‍යවස්ථා සංශෝධනයට අනුව හිටපු ජනාධිපතිවරු ඕනම කෙනකුට නැවත ජනාධිපතිවරණයට ඉදිරිපත් වීමට හැකියාවක් තිබෙන බවත් ඒ සඳහා නීතිමය තත්ත්වය පිළිබඳව ශේ‍ර්ෂ්ඨාධිකරණයෙන් විමසා බලන බවත් හිටපු ජනාධිපති මහින්ද රාජපක්ෂ මහතා පැවැසීය.
හිටපු ජනාධිපතිවරයා එසේ පැවැසුවේ පිළියන්දල _ මාකන්දන ප්‍රදේශයේ ඔසු හලක් විවෘත කිරීමේ උත්සවයකින් අනතුරුව මාධ්‍යවේදීන් නැඟූ ප්‍රශ්නයකට පිළිතුරු දෙමිනි.

ප්‍රශ්නය _ එහෙම වුණොත් හිටපු ජනාධිපතිවරියත් ජනාධිපතිවරණයට ඉදිරිපත් වේවි?
පිළිතුර _ එනවද නැද්ද කියන එක අපිට තීරණය කරන්න අපහසුයි. ජනාධිපතිවරණයට ඉදිරිපත් වීමට පුළුවන්කම අපි මුලින් ලබාගන්න ඕන.

ප්‍රශ්නය _ මාධ්‍යවේදියකු පැහැරගැනීමේ සිද්ධියක් සම්බන්ධව ඔබතුමා සී.අයි.ඩී. එකේ ප්‍රශ්න කිරීමකට ලක්වුණා. ඒ ප්‍රශ්න කිරීම ඔබතුමා දකින්නේ කොහොමද?
පිළිතුර _ එක් අවස්ථාවක මුස්ලිම් සහෝදරවරු පිරිසක් මගේ ළඟට ඇවිල්ලා එයාලගේ සහෝදරයෙක් මරල කියල ඒ සම්බන්ධව සොයා බලන්න කියල මගෙන් ඉල්ලීමක් කළා. ඒ අවස්ථාවේ මම ඔය වගේම සොයලා බලල ඒ අපරාදේ කරපු අය අත්අඩංගුවට අරගෙන නඩු දාලා තියෙනවා. ඒ වගේ යම් යම් අවස්ථාවල පහළින් වැඩක් කෙරෙන්නෙ නැති වෙනකොට ඇවිල්ල කියනවා. මේකත් ඒ වගේ සිද්ධියක්. මේකෙන් අදහස් කරන්නෙ නැහැ මම මේකට සම්බන්ධයි කියලා. ආණ්ඩුවට ඕන හැම තිස්සේම විපක්ෂයට මඩ ගහන්න. ඒක ආණ්ඩුව සී.අයි.ඩී. එක ලවා කරගත්තා.

අද මව්‍බිමෙන්

තවදුරටත්

මව්බිම දැන්

තවදුරටත්

අද පුවත්පත

අද කාටූනය

mawbima Cartoon