පැණි වරකා ගහටත් හෙණ ගහන්නා වගේ අද පොහොට්ටු පක්‍ෂයෙත් අභ්‍යන්තර ගැටුම්

  👤  3590 readers have read this article !
By mawbima 2018-06-14

උපතිස්ස පෙරේරා

පැණිවරකා ගහටත් හෙණ ගහන්නා සේ අද පොහොට්ටු පක්ෂයේ අභ්‍යන්තර ගැටලුකාරී තත්ත්වයක් උද්ගතවී ඇති බවත්, නොබෝදා පාර්ලිමේන්තුවේදී පැවැති නියෝජ්‍ය කථානායකවරයා තෝරා පත්කර ගැනීමේ ඡන්දය විමසීම් අවස්ථාවේ පොදුජන පෙරමුණේ වත්මන් අභ්‍යන්තර අර්බුදය සමාජය ඉදිරියේ නිරාවණය වූ බවත් එක්සත් ජාතික පක්ෂ මහ ලේකම් අමාත්‍ය අකිල විරාජ් කාරියවසම් මහතා සඳහන් කරයි.

එජාපය තුළ පැවැති සියලු අර්බුද, ගැටලුකාරී තත්ත්වයන් හා සියලු බෙදීම් නිවැරදි කොට ගෙන සියලු දෙනා එක්සත්ව එක්සිත්ව එකම පක්ෂයක් ලෙසින් 2020දී තනි එක්සත් ජාතික පක්ෂ ආණ්ඩුවක් පිහිටුවා ජනතා අපේක්ෂා ඉටු කිරීමේ අරමුණ සහිත මැතිවරණ සටනට මේ වන විටත් පක්ෂය අවතීර්ණ වී අවසන් බවද අමාත්‍යවරයා සඳහන් කළේ පසුගියදා හිරියාල එජාප කාර්යාලයේදී පැවැති රැස්වීමකට සහභාගි වෙමිනි.

දේශපාලන හේතූන් මත පසුගිය ආණ්ඩු සමයේදී ලක්ෂ 2ක පමණ පිරිසකට අහිමිවූ සමෘද්ධි දීමනාව කඩිනමින් ලබාදීමට රජය පියවර ගන්නා බව එහිදී සඳහන් කළ අමාත්‍යවරයා ඊට සමගාමීව සමෘද්ධිය ආශි්‍රත රැකියා ලබාදීමේ වැඩපිළිවෙළද ක්‍රියාත්මක කරන බවද ප්‍රකාශ කළේය.

කවර පාර්ශ්වයක් විසින් කිනම් හෝ චෝදනා එල්ල කළද, වත්මන් ආණ්ඩුව මහඟු සේවයක් ඉටුකර ඇති බවත්, ඕනෑම අයකුට ආණ්ඩුව මෙන්ම රාජ්‍ය නායකයන්ද විවේචනය කිරීමේ අවස්ථාව මෙම ආණ්ඩුව විසින් ලබාදී ඇතැයිද පසුගිය ආණ්ඩු සමයේ මෙන් රජය හෝ රාජ්‍ය නායකයන් විවේචනය කරන පුද්ගලයන් සුදු වෑන් රථවලින් පැහැරගෙන ගොස් අතුරුදන් කිරීමේ සංස්කෘතියක් වත්මන් යහපාලන ආණ්ඩුව තුළ නොමැති බවද හෙතෙම සඳහන් කළේය.

අද මව්‍බිමෙන්

තවදුරටත්

මව්බිම දැන්

තවදුරටත්

අද පුවත්පත

අද කාටූනය

mawbima Cartoon