නවක වධ සිද්ධියක් දුරදිග යයි පේරාදෙණියේ පහර කෑ සිසුහු 2ක් රෝහලේ

  👤  3211 readers have read this article !
By mawbima 2018-01-16

මහනුවර -
නදීක දයා බණ්ඩාර

පේරාදෙණිය විශ්වවිද්‍යාලයේ සිසුන් දෙපිරිසක් අතර ඇතිවූ ගැටුමකින් තුවාල ලැබූ සිසුන් දෙදෙනෙක් ප්‍රතිකාර ස¼දහා පේරාදෙණිය ශික්ෂණ රෝහලට ඇතුළත් කොට ඇත.
නවක වධ සිද්ධියක් සම්බන්ධයෙන් නවක වධයට පක්ෂ යැයි කියන කළමනාකරණ පීඨයේ සිසුන් පිරිසක් ඊයේ (15දා) දහවල් කළ පහරදීමක් හේතුවෙන් විද්‍යා පීඨයේ නවක වධයට එරෙහි සිසුන් දෙදෙනකු මෙසේ තුවාල ලබා තිබේ.

විශ්වවිද්‍යාලයේ රග්බි ක්‍රීඩාංගණය අසල විද්‍යාපීඨ සිසුන් පිරිසක් රැඳී සිටින විට 25ක පමණ කළමනාකරණ පීඨ සිසුන් පිරිසක් එහි පැමිණ පහරදීම සිදුකර තිබේ. පැය භාගයකට ආසන්න කාලයක් මේ ගැටුම පැවැති බව විශ්වවිද්‍යාල ආරංචි මාර්ග සඳහන් කරයි.

ගැටුමට සම්බන්ධ සිසුන් හඳුනා ගැනීම සඳහා විශ්වවිද්‍යාල මට්ටමින් පරීක්ෂණයක් දියත් කොට ඇති අතර උපකුලපති උපුල් බී. දිසානායක මහතාගේ උපදෙස් පරිදි විශ්වවිද්‍යාලයේ විනය පාලකවරයා ඇතුළු විශේෂ කණ්ඩායමක් මඟින් මේ පරීක්ෂණය ආරම්භ කොට තිබේ.
තුවාල ලත් සිසුන් දෙදෙනාගේ තත්ත්වය බරපතළ නොවන බව රෝහල් ආරංචි මාර්ග සඳහන් කරයි.

අද මව්‍බිමෙන්

තවදුරටත්

මව්බිම දැන්

තවදුරටත්

අද පුවත්පත

අද කාටූනය

mawbima Cartoon