මෛත්‍රි-රනිල් අතර සීතල යුද්ධයක් ගැන වාසු කියයි

  👤  3724 readers have read this article !
By mawbima 2018-01-16

උදයන්ති මුණසිංහ,

ජනාධිපති ධුර කාලය සම්බන්ධයෙන් අගමැතිවරයා හා ජනාධිපතිවරයා අතර සීතල යුද්ධයක් පවතින බව පාර්ලිමේන්තු මන්ත්‍රි වාසුදේව නානායක්කාර පවසයි.ජනාධිපතිවරයාට අවශ්‍ය වූයේ තම ධුර කාලය වසර 6ක් කරගැනීමට බවත්, අගමැතිවරයාට අවශ්‍ය වූයේ එම කාල සීමාව වසර 5කට සීමා කිරීම බවත්, එහිදී මෙම දෙපාර්ශ්වයටම අධිකරණය තමන්ගේ අරගල භුමියක් බවට පත් වූවාද යන්නත් හෙතෙම ප්‍රශ්න කරයි.

යම් හෙයකින් ජනාධිපතිවරයාගේ ධුර කාලය වසර 6ක් වූයේ නම් ජනාධිපතිවරයාගේ ජනාධිපති මැතිවරණය පැවැත්වෙන්නේ පාර්ලිමේන්තු මැතිවරණයෙන් පසුව වන අතර අවුරුදු 5ක් වූයේ නම් ජනාධිපතිවරණය පැවැත්වෙන්නේ පාර්ලිමේන්තු මැතිවරණයට පෙර බවත් ඔහු පෙන්වා දෙයි.
මෙම කාරණය මුල් කරගනිමින් අගමැතිවරයාට අවශ්‍ය වූයේ ජනාධිපතිවරණය කලින් පවත්වා ජනාධිපතිවරයාව අර්බුදයකට යැවීමට බවත්, ජනාධිපතිට අවශ්‍ය වූයේ පාර්ලිමේන්තු මැතිවරණය කලින් පවත්වා අගමැතිවරයාව අර්බුදයකට යැවීම බවත් ඔහු අවධාරණය කළේය.

අද වන විට අගමැතිවරයා උත්සාහ ගන්නේ ආණ්ඩුවේ ප්‍රධාන බලධරයා ලෙස කටයුතු කිරීමට බව පෙන්වා දුන් මන්ත්‍රිවරයා වැඩිදුරටත් සඳහන් කළේ ජනාධිපතිවරයා උත්සාහ කරන්නේ අගමැතිවරයාව මෙහෙය වන බලධරයා වීමට බවත්ය.

ඊයේ (15දා) එන්.එම්. පෙරේරා කේන්ද්‍රයේදී සමාජවාදී ජනතා පෙරමුණ සංවිධානය කර තිබූ මාධ්‍ය හමුවකට එක්වෙමින් ඔහු මේ බව සඳහන් කළේය.

අද මව්‍බිමෙන්

තවදුරටත්

මව්බිම දැන්

තවදුරටත්

අද පුවත්පත

අද කාටූනය

mawbima Cartoon