දුම්රිය ස්ථානවලට ලංගම බස් 1,000ක්

  👤  3842 readers have read this article !
By mawbima 2017-12-12

අද ඇරඹෙන අ.පො.ස (සා.පෙ) විභාගයට පෙනී සිටින පාසල් සිසු සිසුවියන්ගේ ප්‍රවාහන පහසුකම් සඳහා ප්‍රධාන දුම්රිය ස්ථානවල සිට ශ්‍රී ලංගම විශේෂ බස් සේවා යොදා ඇති බැවින් තම විභාග මධ්‍යස්ථානවලට කල්වේලා ඇතිව යා හැකි පරිදි තම ගමන් පහසුව සලසා ගන්නා ලෙස ප්‍රවාහන අමාත්‍යාංශය උපදෙස් දෙයි.
දුම්රිය වැඩවර්ජනය හේතුවෙන් අ.පො.ස. (සා.පෙ) විභාගයට පෙනී සිටින දරු දැරියන්ගේ සහ මහජනතාවගේ ගමනාගමන අපහසුතාවයන් අවම කිරීම සඳහා ශ්‍රී ලංකා ගමනාගමන මණ්ඩලය පුළුල් වැඩ පිළිවෙළක් සකසා ඇතැයි එම අමාත්‍යාංශය කියයි.

ඒ අනුව ශ්‍රී ලංගමය විසින් දෛනිකව ධාවනය කරන 5700ක් පමණ වූ බස් ඇණියට අමතරව තවත් බස්රථ 1000ක් විශේෂ සේවා සඳහා ධාවනයට යොදා ඇත. තවත් අමතර බස් රථ 750ක් සහ සුඛෝපභෝගි බස්රථ 60ක් දුරගමන් සේවා සඳහා යොදවා තිබේ. ශ්‍රී ලංගමයේ රියැදුරු, කොන්‍ෙදාස්තර, කාර්මික ඇතුළු සියලුම ශේ‍ර්ණිවල සේවකයන්ගේ නිවාඩු අවලංගු කර ඇත.

දුම්රිය වාර ප්‍රවේශපත් හිමි සිසු සිසුවියන්ටද, දුම්රිය වාර ප්‍රවේශපත් හිමි රජයේ හා පෞද්ගලික අංශයේ සේවකයන්ටද කිසිදු ගාස්තු ගෙවීමකින් තොරව මෙම බස් රථවලින් ගමන් පහසුකම් ලබාදී ඇතැයි ශ්‍රී ලංගම සභාපති රමාල් සිරිවර්ධන මහතා පවසයි. මේ පිළිබඳ විශේෂ චක්‍ර ලේඛයක් සියලුම ඩිපෝ අධිකාරිවරුන් වෙත යවා ඇති අතර ඊට පටහැනිව කටයුතු කරන කොන්‍ෙදාස්තරවරුන්ට එරෙහිව විනයානුකූලව ක්‍රියාකරන බවද හෙතෙම පවසයි.

ජාතික ගමනාගමන කොමිසම විසින් සියලුම පෞද්ගලික බස්රථ ධාවන සංගම්වලට උපදෙස් දී ඇත්තේ සා.පෙ. විභාගයට පෙනී සිටින දරුවන්ට දුම්රිය ප්‍රවේශ පත්‍ර ඉදිරිපත් කර පෞද්ගලික බස් රථවලින් ගමන් කිරීමට අවකාශ සලසන ලෙසයි.

අද මව්‍බිමෙන්

තවදුරටත්

මව්බිම දැන්

තවදුරටත්

අද පුවත්පත

අද කාටූනය

mawbima Cartoon