අවසන් තීරණයට ශ්‍රී ලනිප මන්ත්‍රිවරුන් සංවිධායකයන් කැඳවයි

  👤  2412 readers have read this article !
By mawbima 2017-10-19

සිදත් මෙන්ඩිස්

ඉදිරියේදී පැවැත්වීමට නියමිත ඕනෑම මැතිවරණයක් සඳහා නොබෙදුණු පක්ෂයක් ලෙස ශ්‍රී ලංකා නිදහස් පක්ෂය යටතේ තරග කිරීමට අවසන් තීරණයක් ගැනීම සඳහා ඒකාබද්ධ විපක්ෂයද නියෝජනය කරන නිදහස් පක්ෂ සියලුම පාර්ලිමේන්තු මන්ත්‍රිවරුන් සහ ආසන සංවිධායකවරුන් කොළඹට කැඳවීමට පක්ෂ සභාපති ජනාධිපති මෛත්‍රිපාල සිරිසේන මහතා තීරණය කොට තිබේ.

කිසිදු දේශපාලන පක්ෂයකට නිදහස් පක්ෂයේ සහාය ලබා නොදීම සඳහා සියලුදෙනාගේ සහාය ලබා ගැනීම මෙම හමුවේ අරමුණ වී ඇති අතර හමුව පැවැත්වීම පිළිබඳව අවසන් තීරණය ජනාධිපතිවරයා විසින් අද (19දා) ගනු ඇති බවද වාර්තා වෙයි.

හිටපු ජනාධිපති මහින්ද රාජපක්ෂ මහතා ප්‍රමුඛ ඒකාබද්ධ විපක්ෂය නියෝජනය කරන ශ්‍රී ලනිප මන්ත්‍රිවරුන්ද සහභාගි කරවා ගැනීම සඳහා යොමු කිරීමට නියමිත ලිපි මේ වන විට සකස් කර ඇති බවද පක්ෂ අභ්‍යන්තර ආරංචි මාර්ග සඳහන් කරයි.

අද මව්‍බිමෙන්

තවදුරටත්

මව්බිම දැන්

තවදුරටත්