අපේ ජනතාව ඡන්දය දෙන්නේ සිරිකොතෙන් කියන කෙනාටයි

  👤  3583 readers have read this article !
By mawbima 2018-06-13

උපතිස්ස පෙරේරා

වතුකරයේ ජනතාවට ලයින් පේළි වෙනුවට වෙනම ගෙවල්, ඉඩම්, සේවක අර්ථසාධක අරමුදල්, පාසල් ගුරු පත්වීම්, පළාත් පාලන නියෝජිත ධුර, පළාත් සභා සහ පාර්ලිමේන්තු මන්ත්‍රි ධුර ලබා දුන්නේ එක්සත් ජාතික පක්ෂය බැවින් ලක්ෂ 15ක් වන වතුකරයේ ජනතාව එජාපය කෙරෙහි බලවත් විශ්වාසයක් තබා ඇතැයි බදුල්ල දිස්ත්‍රික් පාර්ලිමේන්තු මන්ත්‍රි වඩිවේල් සුරේෂ් ප්‍රකාශ කරයි.

මෙම පසුබිම තුළ මෙරට ජනාධිපති, අගමැති ඇතුළු ආණ්ඩු පත්කිරීමේදී තීරණාත්මක සාධකය වූ වතුකරයේ ජනතාව සෑම විටම කටයුතු කරන්නේ සිරිකොත එජාප මූලස්ථානයෙන් ලැබෙන උපදෙස් මත බව සඳහන් කරන මන්ත්‍රිවරයා පොදු අපේක්ෂකයන් ලෙස සරත් ෆොන්සේකා මහතාත් මෛත්‍රිපාල සිරිසේන මහතාත් ඉදිරිපත් වූ අවස්ථා දෙකේදීම ඔවුහු සිය යුතුකම මනාව ඉටුකළ බව පෙන්වා දෙයි.

පිටකෝට්ටේ සිරිකොත එජාප මූලස්ථානයේදී ඊයේ (12දා) දහවල් පැවැති සත්‍යයේ මාධ්‍ය හමුවට සහභාගි වෙමින් මෙම අදහස් පළ කළ මන්ත්‍රිවරයා වතුකරයේ ජනතාවගේ විසඳිය යුතු නිවාස, යටිතල පහසුකම් ඇතුළු ප්‍රශ්න ගණනාවක් ඇතත් යහපාලන රජයේ ගමන් මඟ වේගවත් නොවීම නිසා ඒවාට විසඳුම් ලැබීම ප්‍රමාද වෙමින් තිබෙන බවත් සඳහන් කළේය.
කෙසේ වුවද මෙතෙක් නොවිසඳුණු වතුකරයේ ජනතාවගේ ප්‍රශ්නවලට විසඳුම් ලබාදිය හැක්කේ එක්සත් ජාතික පක්ෂයට බැවින් එම විශ්වාසය මත තමන් ඇතුළු වතුකරයේ ජනතා නියෝජිතයන් එක්සත් ජාතික පක්ෂය සමඟ අත්වැල් බැඳගෙන සිටින බවද ඔහු සඳහන් කළේය.

එහිදී අදහස් දැක්වූ එජාප මාධ්‍ය ප්‍රකාශක අමාත්‍ය හරීන් ප්‍රනාන්දු මහතා,

පසුගිය පාලන සමයේ මාධ්‍ය නිදහස හා ප්‍රජාතන්ත්‍රාදය ක්‍රියාත්මක වූ ආකාරය ගැන කල්පනා කරන විට පැහැදිලි වන කරුණක් නම් මේ රටේ ජනතාවට පරිණත ප්‍රජාතන්ත්‍රවාදය පිළිබඳ දැනුමක් හෝ අවබෝධයක් නොමැති බව යැයි ප්‍රකාශ කළේය.

අද මාධ්‍යයට මේ රටේ ජනාධිපතිවරයා, අගමැතිවරයා, මැති ඇමැතිවරුන් ඇතුළු ඕනෑම අයකු විවේචනය කිරීමේ හැකියාව තිබුණද පසුගිය කාලයේ එවැනි විවේචන කළ විට අත්විඳීමට සිදු වූ විපාක අද මාධ්‍යයට මෙන්ම ජනතාවට අමතක වී ඇතැයිද හෙතෙම පැවැසුවේය.

'එදා තිබුණේ අතේ නීතිය. අද තියෙන්නේ පොතේ නීතිය. අද අධිකරණය ක්‍රියාමාර්ග ගැනීමේදී යම් ප්‍රමාදයන් සිදුවෙනවා. එක දවසක් නඩුව අහපුවාම ආයෙත් මාස 6කට කල්දානවා. ජනතාව එවිට කියන්නේ මේ ආණ්ඩුව ෆේල්. කිසි දෙයක් කරගන්න බැහැ. කොන්දක් නැහැ කියලයි. ඒකට තමයි අපි අලුතෙන් මහාධිකරණ විනිසුරුවරුන් බඳවාගෙන එක දිගට නඩු අහලා අවසන් කරන ක්‍රමයක් හඳුන්වා දෙන්නේ.

බය වෙන්න එපා. රටේ ඉන්න ලෝක හොරු ටික ඉක්මනින් ඇතුළට යනවා. අද හොරු වෙලා තියෙන්නේ ඇලෝසියස්ගෙන් සල්ලි ගත්ත අය. රටේ සල්ලි හොරා කෑ අය අද අමතක වෙලා. අද රටේ ජනතාව රවටලා ප්‍රධාන හොරු ටික හංගලා. ඒ අයට වැඩිකල් මෙහෙම බොරු කරන්න ලැබෙන්නේ නැහැ.

කිලිනොච්චියේ සේවය කර අඹේපුස්සට මාරු වී ආ කර්නල්වරයාට එල්ටීටීඊයට සම්බන්ධව සිටි පිරිස් ඇතුළු ජනතාව ගරුත්වය දැක්වූ අයුරු මාධ්‍ය පුරා දක්නට ලැබුණා. අපි නොසිතූ පැත්තකින් සංහිඳියාව තහවුරු වන ආකාරය එයින් පැහැදිලි වෙනවා. ඒකද හොඳ ගෝඨාභයගෙ මිලිටරිකරණයද කියලා අපි තීරණය කළ යුතුයි.

අද මව්‍බිමෙන්

තවදුරටත්

මව්බිම දැන්

තවදුරටත්

අද පුවත්පත

අද කාටූනය

mawbima Cartoon