30

කොළඹ

රුවංගි රංගනයෙන් නිහඬ වුණේ ඇයි?

ගොසිප්

මේ දවස්වල රුවංගි නිදහසේ ඉන්නවා වගේ?

ඇත්තටම මේ දවස්වල විශේෂ වැඩක් කරන්නේ නෑ. ඒ නිසා ලොකු කාර්යබහුලත්වයක් නෑ.

නිර්මාණවලින් රුවංගිව දකින්න නැත්තේ ඇයි?

හොඳ නිර්මාණවලට ආරාධනා ලැබුණේ නැහැ. හොඳ නිර්මාණයක් ලැබුණොත් අනිවාර්යයෙන් සම්බන්ධ වෙනවා.

රංගනයෙන් අෑත් වෙන්න සූදානමක් නැහැ නේද?

නැහැ. රංගනයෙන් අෑත් වෙලා නැහැ. මම නිර්මාණවලින් පේන්න හිටියේ නැති කාලේ මට ආරාධනා ලැබුණා විවිධ නිර්මාණවලට. හැබැයි ඒ නිර්මාණ මට සෑහීමකට පත් වෙන්න පුළුවන් තරමේ අවස්ථා නෙමෙයි. චරිතය, ලැබෙන මුදල කියන විවිධ කාරණා මත ඒ ආරාධනා අතහරින්න වුණා. මම බලාපොරොත්තු වුණ විදිහේ රඟපෑමක් ඉදිරිපත් කරන්න පුළුවන් විදියේ චරිතයක් ළඟදි ලැබුණේ නැහැ.

රුවංගි ලැබෙන හැම දේම භාරගන්නේ නෑ වගේ?

ඔව්. මම ලැබෙන හැම එකක්ම කරන්නේ නැහැ. වෙනස් විදියේ විශේෂත්වයක් තියෙන නිර්මාණයක් නම් මම ඒකට සම්බන්ධ වෙන්න කැමැතියි.

රුවංගිට බොහෝ දෙනාගේ ආදරය හිමිවුණා. රංගනයේ නිහඬකම ඔබට ආදරය කරන ප්‍රේක්‍ෂකයන්ට කරන අසාධාරණයක් කියලා හිතෙන්නේ නැද්ද?

මම හිතන්නේ ප්‍රේක්‍ෂකයෝ බලාපොරොත්තු වෙනවා කියලා අපි පෞද්ගලිකව ආසා නැති දේවල් කරන්න ඕනේ නැහැ. ලැබෙන ලැබෙන දෙය කරනවට වඩා හිතේ රැඳෙන දෙයක් ඉඳලා හිටලා හරි කළොත් ප්‍රේක්‍ෂකයෝ හැමදාම අපිට ආදරය කරයි.

නිර්මාණවලින් රුවංගිව නොදකින නිසා ප්‍රේක්‍ෂකයන්ට ඔබව අමතක වෙලා යයිද?

එහෙම වෙන එකක් නෑ. මොකද නිර්මාණවල පේන්න හිටියේ නැතත් මඟ තොටේ මුණගැහෙන අය පවා තාමත් අහනවා ඇයි මේ දවස්වල නිර්මාණයක නැත්තේ කියලා. ප්‍රතිචාරවල වෙනසක් වෙලා නැහැ.

මොන විදියේ චරිතද රුවංගි බලාපොරොත්තු වෙන්නේ?

මම විවිධත්වයක් තියෙන චරිතවලට කැමැතියි. තිරපිටපත කියවද්දි මට ඒ චරිතය දැනෙනවා නම් මට ඒකට සාධාරණයක් කරන්න පුළුවන් කියලා හිතෙනවා නම් මම ඒ දේ භාරගන්නවා. හැමදාම එක විදියේ චරිත කරන්න මම කැමැති නැහැ.

රුවංගි වැඩ කරද්දි අධ්‍යක්‍ෂවරුන්ව තෝරනවාද?

නැහැ. මම අධ්‍යක්‍ෂවරු තෝරන්නේ නැහැ. ලැබෙන චරිතය මොන වගේද කියන දේ ගැන මම මුලින් හිතනවා.

අලුත් වැඩකින් ළඟදී දකින්න ලැබෙයිද?

ටෙලි නාට්‍යයකට ආරාධනා ලැබුණා. ඒ ගැන තාම සාකච්ඡා කරමින් ඉන්නේ. කොහොම වුණත් හො¼ද වැඩකින් ප්‍රේක්‍ෂකයෝ අතරට එන්න තමයි මම උත්සාහ කරන්නේ.

ටෙලි නාට්‍යවල රඟනොපෑවට රුවංගි සිනමාවේ නම් වෙනස් වැඩක් කළා කියලා ආරංචියි?

මීට මාස දෙකකට විතර කලින් සුමිත් කුමාර මහත්මයාගේ “සුබා තෙරණිය” චිත්‍රපටයට මම සම්බන්ධ වුණා. සිටු දියණියක් සහ මෙහෙණින් වහන්සේ කෙනකුගේ චරිතයක් තමයි මම නිරූපණය කරන්නේ. අනිවාර්යයෙන් මෙය ලොකු වෙනසක් වෙයි. මොකද මම මීට කලින් මෙහෙණින් වහන්සේ කෙනකුගේ චරිතයක් කරලා නැහැ.

ඒ චරිතය වෙනුවෙන් හිස මුඩු කරන්න සිදු වුණාද?

පෙනුමේ වෙනසක් කරන්න ඕනෑ වුණේ නැහැ. මම සිටු දියණිය ලෙසත් චරිත නිරූපණය කරන නිසා කොණ්ඩය කපන්න සිදු වුණේ නැහැ. එයට අවශ්‍ය විදියට විකල්පයක් පාවිච්චි කළා.

දැන් රුවංගි පෙම්වතියක් නේද?

ඔව්. මම පෙම්වතියක්.

ඔහු කවුද කියලා කියන්න කැමැතිද?

එයා ගැන විස්තර පස්සේ කියන්නම්. එයා ක්ෂේත්‍රයේ කෙනෙක් නෙමෙයි කියලා දැනට කියන්නම්.

විවාහයට තව දුර වැඩිද?

ඔව්. තව ටිකක් දුර තියෙනවා.

තිළිණි කෞශල්‍යා විජේසිංහ

ගබ්සාව ඔබේ දරුවා කුස තුළ ඝාතනය කිරීමක්

ගහන්න මරන්න කොටන්න නොදී මුස්ලිම් පවුල් රැක්ක සිංහල කෙල්ල

සහරාන් ඉන්න කාලේ වෙඩි තියලා මරන්න අවසර ඉල්ලුවා

බෝම්බ ප්‍රහාරයට සම්බන්ධ සැකකරුවන්ගේ බැංකු ගිණුම් 41 අත්හිටුවයි

මුර කපොලු අඩු කිරීමත් සමඟ උතුරේ යළිත් මත්ද්‍රව්‍ය ප්‍රවාහනය පටන් අරන්

වරක් වැටි දෙවරක් නැගිට්ට සිංහයන් සාර්ථක ආරම්භයක් ගනී
කුරුණෑගල මුස්ලිම් වෛද්‍යවරයෙකුගේ වත්කම් ගැන සැකයක්

ලෝක කුසලාන පුහුණු තරඟයේ පළමු තරඟයෙන් පකිස්තානයට ලැජ්ජාවක් - ඇෆ්ගනිස්ථානයට පෙරළිකාර ජයක්

ලෝක කුසලාන ක්‍රිකට් තරගාවලියේ පෙරහුරු තරගයක් ලෙස පකිස්තානය ස

09:44 AM May 25 2019

වරක් වැටි දෙවරක් නැගිට්ට සිංහයන් සාර්ථක ආරම්භයක් ගනී

09:19 AM May 25 2019

ලෝක කුසලානෙට ගියපු කෝලි ගැනයි අනිත් ඉන්දියානු ක්‍රීඩකයෝ ගැනයි ටෙන්ඩුල්කාර් කියපු සැර කතාව

08:51 AM May 24 2019

ඉන්දියාවේ පෞද්ගලික පන්තියක හටගත් ගින්නකින් සිසුන් 19 මරුට

ඉන්දියාවේ ගුජරාට් ප්‍රාන්තයේ සූරට් නගරයේ පෞද්ගලික උපකාරක පන්

09:42 AM May 25 2019

එංගලන්ත අගමැතිනිය ඉල්ලා අස්වේ

02:58 PM May 24 2019

ඇමරිකා එක්සත් ජනපදයට ටොනාඩෝවක්- 3ක් මරුට

12:26 PM May 24 2019

සහරාන් ඉන්න කාලේ වෙඩි තියලා මරන්න අවසර ඉල්ලුවා

 මවුලවිතුමා ඔබේ පසුබිම ගැන සඳහන් කළොත්?මම සමස්ත ලංකා ඉස්ලාම

10:18 AM May 25 2019

මනුෂ්‍ය ඝාතනයකට ගන්න පිහිය රත්තරන් ද ? යකඩ ද ? බුද්ධික පතිරණගෙන් පිළිතුරක්

12:00 PM May 24 2019

මෝදිගේ ප්‍රතිපත්ති ගැන තැබූ විශ්වාසය නැවත තහවුරු වුණා

09:02 AM May 24 2019

පසුගිය කාටුන්

CARTOON ::: 2019-05-24
CARTOON ::: 2019-05-23
CARTOON ::: 2019-05-22

මැතිවරණ ශිෂ්ටත්වයේ ඉන්දියානු පාඩම

ඉන්දියාවේ 17 වැනි ලෝක් සභා මහ මැතිවරණය අවසන් විය. නරේන්ද්‍ර මෝදිගේ භාරතීය ජනතා පක්ෂය විශිෂ්ට ජයක් අත්කරගෙන තිබේ. ලෝක් සභාවේ සමස්ත ආසන සංඛ්‍යාව වූ ආසන 542න් තනි පක්ෂයක් ලෙස ආසන 303ක් දිනාගැනීමට භාරතීය ජනතා පක්ෂය සමත් වී ඇත. අලුත් ආණ්ඩුවක් පිහිටුවා ගැනීම සඳහා නරේන්ද්‍ර මෝදිට බහුතර ආසන 31ක්ම හිමිව තිබේ. භාරතීය ජනතා පක්ෂයද ඇතුළත් ජාතික ප්‍රජාතන්ත්‍රවාදී සන්ධානය ලබාගත් මුළු ආසන සංඛ්‍යාව 353කි. ඉන්දීය ලෝක් සභා ඡන්ද ප්‍රතිඵලය අනුව නරේන්ද්‍ර මෝදි පහසුවෙන්ම ශක්තිමත් ස්ථාවර ආණ්ඩුවක් පිහිටුවනු ඇත. රාහුල් ගාන්ධිගේ ඉන්දීය ජාතික කොංග්‍රසයට දිනාගත හැකි වූයේ ආසන 52ක් පමණි. ඔවුන්ද ඒකාබද්ධව සිටින එක්සත් ප්‍රගතිශීලි සන්ධානය දිනාගත් ආසන සංඛ්‍යාව 92කට සීමා වී තිබේ. ශක්තිමත් ආණ්ඩුවක් බිහිවීම හේතුවෙන් ඉන්දීය කොටස් වෙළෙඳපොළ වාර්තාගත ඉහළ යෑමක් පෙන්නුම් කළ බවද මාධ්‍ය වාර්තා කළේය. ලොව විශාලම ප්‍රජාතන්ත්‍රවාදී දේශය ලෙස සැලකෙන ඉන්දියාවේ මෙවර මහ මැතිවරණය සඳහා ලියාපදිංචි ඡන්ද දායකයන් සංඛ්‍යාව මිලියන 900කි. ඡන්දය සඳහා තරග වැදුණු දේශපාලන පක්ෂ සංඛ්‍යාව 2,000කි. අපේක්ෂකයන් 8,000කි. ඡන්ද විමසීම් අප්‍රේල් 11 සිට 19 දක්වා දින 8ක් අදියර කිහිපයකින් පැවැත්විණි. අගමැති නරේන්ද්‍ර මෝදිගේ ජයග්‍රහණය වෙනුවෙන් ශ්‍රී  ලංකාවේ ජනපති, අගමැති මෙන්ම විපක්ෂ නායක මහින්ද රාජපක්ෂ මහතාද සුබ පැතුම් එක් කර තිබිණි. අගමැති නරේන්ද්‍ර මෝදිගේ ජයග්‍රහණයේ රහස පිළිබඳව ලොව පුරා දේශපාලන විශ්ලේෂකයන් විවිධ මත ප්‍රකාශ කර තිබේ. ඒ ඉන්දියාව නවීන තාක්ෂණය ඔස්සේ වේගයෙන් සංවර්ධනය කරා ගමන් කිරීම ප්‍රබල හේතුවක් ලෙස වැඩි පිරිසක් පෙන්වා දෙති. අන්තර්ජාලය හරහා රජය සමඟ ගනුදෙනු කිරීමට අවකාශය විවර වීමත් කිසිම රජයේ නිලධාරියකුට අල්ලස් නොදී අන්තර්ජාලය හරහා රජයේ ලියකියවිලි ලබාගැනීමට පුරවැසියාට අවස්ථාව ලැබීමත් මෝදි පාලනය ජනප්‍රිය වීමට ප්‍රබල හේතුවකි. නීති විරෝධීව බදු නොගෙවා ආදායම් සඟවාගෙන සිටින ධනපතියන්ගේ මුදල් සංසරණයට එක්කිරීම සඳහා මෝදි පාලනය එරට භාවිත වූ මුදල් නෝට්ටු වර්ග කිහිපයක් අවලංගු කිරීමටද පියවර ගත්තේය. වංචා - දූෂණ සම්බන්ධව දැඩි ප්‍රතිපත්ති අනුගමනය කිරීමද ජනතා පක්ෂයේ ආණ්ඩුව කෙරෙහි ජනතා ප්‍රසාදය ඉහළ යෑමට හේතු විය. ඒ සියල්ලටමත් වඩා නරේන්ද්‍ර මෝදිගේ මැතිවරණ ව්‍යාපාරයේ රැල්ල ඉහළ නැඟීමට ආසන්නතම හේතුව වූයේ පාකිස්තාන් දේශසීමාව උල්ලංඝනය කරමින් පාකිස්තානයට ගුවන් ප්‍රහාර එල්ල කළ ගුවන් නියමු අභිනන්දන් වර්තමාන් විසින් ඇති කළ සමාජ බලපෑමය. අභිනන්දන් යළි නිරුපද්‍රිතව ඉන්දියාවට පැමිණීම ඉක්මනින් සංවේදී වන ඉන්දියානුවන් තුළ මහත් උන්මාදයක් ජනිත කළේය. ඔහු ජාතික වීරයකු වූ අතර නරේන්ද්‍ර මෝදි අගමැතිවරයාට එහි අස්වැන්න නෙළාගත හැකි වූයේය. මෙවර ඉන්දීය මැතිවරණයෙන් ශ්‍රී  ලංකාවේ අපට ඉගෙන ගන්නට බොහෝ පාඩම් තිබේ. එතෙක් පැවැති මැතිවරණ සම්ප්‍රදායන් පිටුදකින්නට ඉන්දීය ආණ්ඩුව සමත් වී ඇත. මැතිවරණ ව්‍යාපාරය තුළ පොලිතින් සහ ප්ලාස්ටික් භාවිත නොකිරීමට පොදු එකඟතාවක් ඇති කරගෙන තිබූ අතර එය සාර්ථක වී තිබිණි. ඉන්දියාව තරම් දේශපාලන නායකයන්ගේ අහස උසට කටවුට් ගසන රටක් ලොවෙත් නැත. එහෙත් මෙවර මැතිවරණයේදී පෝස්ටර් හෝ දැන්වීම් පුවරු දක්නට නොතිබූ අතර කිසිදු වාහනයක අපේක්ෂකයන්ගේ දැන්වීම් දක්නට නොවීය. මහාමාර්ග මත ඡන්ද අපේක්ෂකයන්ගේ අංක හෝ ලකුණු සිතුවම් කර නොතිබීමද මෙවර දකින්නට තිබූ විශේෂත්වයකි. එසේම මැතිවරණ වකවානුවේ නියත ලෙස වාර්තා වන ගැටුම් හා මරණද මෙවර අවම වූයේය. ඉන්දියාවට සෑම විෂයයක් සඳහාම ජාතික ප්‍රතිපත්තියක් හා දැක්මක් තිබේ. ඉන්දියාව පුරා ප්‍රදර්ශනය වන මහත්මා ගාන්ධිගේ රූපයෙන් සංකේතවත් වන්නේ එම ඉන්දියානු පිළිවෙතය. ආණ්ඩු මාරු වනු ඇත. එහෙත් ඉන්දියාව ඉදිරියට ගමන් කරන්නේ එකම ජාතික ප්‍රතිපත්තියක් ඔස්සේය. අපේ අසල්වැසි යෝධයා අභිමානවත් ශිෂ්ටාචාරයක් කරා වේගයෙන් ඉදිරියට ගමන් කරමින් සිටින අතර අපේ නායකයෝ සකලවිධ දුර්ගුණයන් වැලඳ ගනිමින් රටත් ජනතාවත් පරිහානිය කරා ගෙන යමින් සිටිති.
වීඩියෝ