නැවතත් මුල් පිටුවට

තීරු ලිපි - කතුවැකිය

අහිංසකයන්ගේ ආරාමය සහ සාධාරණ සමාජයක ප්‍රාර්ථනාව  

2017-11-08

'අහිංසකයන්ගේ ආරාමය' ශ්‍රී ජයවර්ධනපුර කෝට්ටේ පාර්ලිමේන්තු මන්දිරයට යන මාර්ගය අබියස 90 දශකයේ මැද භාගයේ ඉදිකෙරුණේ දකුණේ ධවල භීෂණයෙන් ජීවිත අහිමි වූ හා අතුරුදන්වූ සියලුදෙනා ස්මරණය කිරීම උදෙසාය. ස්මාරකය පාර්ලිමේන්තුවට නුදුරින් ඉදිකෙරුණේ පාර්ලිමේන්තුවට යන එන මහජන නියෝජිතයන්ට 'ධවල භීෂණය' නිතර සිහිකැඳවීමටය. ඒ, යළි එවැනි අඳුරු යුගයක් කරා රට ඇදී යෑම වැළැක්වීමේ වගකීම ඇත්තේ මේ ජනතා නියෝජිතයන් අත නිසාය.

දැවෙන ‘පෙට්රල්’ ප්‍රශ්නය  

2017-11-07

දින කිහිපයක සිට රට පුරා පවතින ඉන්ධන හිඟය හෙට අනිද්දා වනතුරු පැවැතිය හැකි යැයි ඛනිජ තෙල් වෘත්තීය සමිති පවසයි. ඔවුන්ට අනුව මුළු ඉල්ලුමෙන් 80%ක් සපුරාලීමට හැකියාව තිබේ. මේ තෙල් අර්බුදයට ප්‍රධාන වගකිවයුත්තා අයි.ඕ.සී. හෙවත් ඉන්දීය තෙල් සමාගම බවත් ආණ්ඩුවටද වගකීමෙන් නිදහස් විය නොහැකි බවත් වෘත්තීය සමිති චෝදනා කරයි.

ජීවන වියදම් බෝම්බය  

2017-11-06

2015 ජනවාරි 8 වැනිදා පැවැති ජනාධිපතිවරණයෙන් මහින්ද රාජපක්ෂ මහතා ප්‍රමුඛ එක්සත් ජනතා නිදහස් සන්ධානය පරාජය වූයේ වංචාව, දූෂණය හා මර්දනය නිසාම නොවේ. මධ්‍යම පාන්තිකයන් ඇතුළු පොදු ජනතාවට දරාගැනීමට නොහැකි වූ ජීවන බරද ඊට සැලකිය යුතු ලෙස දායක විය.

යහපාලනයේ දිවි නසා ගැනීම  

2017-11-05

ලෝකයේ සියදිවි නසා ගැනීමේ මරණ අනුපාතය අනුව 'ලංකාව අංක 1' ස්ථානයේ සිටින බව ලෝක සෞඛ්‍ය සංවිධානයේ 2015 සමීක්ෂණයෙන් හෙළි කර තිබිණි. මේ වනවිට එකී වාර්තාව තවදුරටත් තහවුරු වී ඇති බවට සැක නැත. වසර කිහිපයකට පෙර ලංකාව සියදිවි නසා ගන්නා මරණ ලැයිස්තුවේ 10 වැනි ස්ථානයේ සිටියේය. එවකට වැඩිම මරණ සංඛ්‍යාවක් වාර්තා වූයේ තණමල්විල ප්‍රාදේශීය ලේකම් කොට්ඨාසයෙනි. දැනට බහුතර මරණ සංඛ්‍යාවක් වාර්තා වන්නේ යාපනය දිස්ත්‍රික්කයෙනි.

අපි කන හැටි ළිපා දනී...  

2017-11-03

අලුත් ව්‍යවස්ථාවක් සම්පාදනය කිරීම ගැන රට තුළ සංවාදයක් පැවැතීම අසුබවාදී කරුණක් නොවේ. එහෙත් දේශපාලන පක්ෂ මේ සම්බන්ධව එක් එක් පාර්ශ්වයන්ට එල්ල කරගන්නා වාග් ප්‍රහාර හේතුවෙන් දැන් ජනතාවට ව්‍යවස්ථා කතාව තිත්ත වෙමින් තිබේ. මෙහෙයුම් කමිටුවේ අතුරු වාර්තාව ගැන එළියේ පැවැති මහා ඝෝෂාව ව්‍යවස්ථා සම්පාදක මණ්ඩලයේදී හීන් කෙඳිරියක් පමණක් වූ බව අපි දුටුවෙමු. එයින් තහවුරු වන්නේ අදාළ ස්ථානයෙන් පිටත කෙරෙන ඝෝෂා ජනතාව අන්දන්නට දරන ප්‍රයත්නයන් බවය. ආණ්ඩුවේ ජේ්‍යෂ්ඨ ඇමැතිවරයකු පවසා තිබුණේ රටේ මිනිසුන්ට කන්නවත් නැතුව තිබියදී ව්‍යවස්ථාවක් කුමටද කියාය.

ආයෝජකයන්ට පලා බෙදීම  

2017-11-02

80 දශකයේ අග භාගය වන විට මෙරට දෙකොන ඇවිළුණු විලක්කුවක් වී තිබිණි. දකුණේ මෙන්ම උතුරේ සන්නද්ධ අරගල පටන්ගෙන තිබීම ඊට හේතුවය. 90 දශකය ආරම්භ වන විට දකුණේ ගිනි නිවී ගියද උතුරේ ගින්න රටම වෙළා ගත්තේය.

සයිටම් ඉවරද?   

2017-11-01

සයිටම් පෞද්ගලික වෛද්‍ය ආයතනය අහෝසි කර ලාභ නොලබන රජයේ ආයතනයක් ලෙස පවත්වාගෙන යෑමට තීන්දු කළ බව ඉකුත් ඉරිදා විද්‍යුත් මාධ්‍ය ප්‍රධාන පුවතක් ලෙස ප්‍රචාරය කළ අතර සඳුදා දිනයේ සියලුම පුවත්පත්වල මුල් පුවත ලෙස පළ කෙරිණි.

සබුද්ධික සංවාදයක් අවශ්‍යයි  

2017-10-31

1988දී පළාත් සභාවලට පක්ෂ හා විපක්ෂ ලෙස ජනමතය දෙකඩ කිරීමට ආණ්ඩු විරෝධී බලවේග උත්සාහ කළේය. රට බෙදන පළාත් සභාවලට පක්ෂ වන්නන් දේශද්‍රෝහීන් ලෙස නම් කෙරුණු අතර පළාත් සභාවලට විපක්ෂ පිරිස් හැඳින්වූයේ දේශප්‍රේමීන් ලෙසය. එකල ක්‍රියාත්මක වූ සන්නද්ධ සංවිධානයක් වූ දේශප්‍රේමී ජනතා ව්‍යාපාරය දේශද්‍රෝහීන්ට මරණ දඬුවම ක්‍රියාත්මක කළේය. ඒ අතීතය මතකයට නැඟුණේ යළිත් ජන මතය දෙකඩ වන තත්ත්වයක් මතුවෙමින් පැවැතීම නිසාය.

හරක් මිනී මරන රටක්  

2017-10-30

අනුරාධපුරය _ පුත්තලම මාර්ගයේ යතුරුපැදියකින් ගමන් කරමින් සිටි තරුණියන් දෙදෙනකු හරකුන් පටවා ගත් ලොරියක හැපීමෙන් මරු දුටු අනුවේදනීය පුවතක් ඉකුත් සතියේ වාර්තා විය. අතිශය කනගාටුදායක කාරණය වන්නේ මේ මියගිය දෙදෙනා එකකුස උපන් සහෝදරියන් වීමය. අනෙක දෙදෙනාම උපාධිධාරිනියෝ වෙති.

හිපොක්‍රටීස්ගේ දරුවෝ සහ සාතන්ගේ දරුවෝ  

2017-10-29

සායනික වෛද්‍ය විද්‍යාවේ නිර්මාතෘවරයා ලෙස සැලකෙන්නේ ක්‍රිස්තු පූර්ව 460 _ 370 ගී්‍රසියේ විසූ හිපොක්‍රටීස්ය. ඔහු නූතන වෛද්‍ය විද්‍යාවේ පියා ලෙසද හඳුන්වති. හිපොක්‍රටීස්ගේ ආදර්ශ පාඨය මෙසේය. "ච්ධ දධ ඩචපථ චතඹචරඵ ජධථටධපබ ඩභපබ බඩඥ තඥචඵබ ජභපඥ ඵධථඥබඪථඥඵ" එහි සරල සිංහල අර්ථය දක්වතොත් "රෝගියාට හානියක් නොකරන්න. සෑම විටම රෝගියා සනසන්න. ඔහුට නොරිදවන්න, අවශ්‍ය විටෙක ප්‍රතිකාර කරන්න" යනුවෙනි. අපේ රටේ රජයේ රෝහල්වල සිටින්නේ හිපොක්‍රටීස් පරපුරෙන් පැවත එන වෙදැදුරන්ය. වෛද්‍යවරුන් බොහෝ විට දෙවිවරුය. එහෙත් වෛද්‍ය සේවයේ සාතන්ලා හමුවන අවස්ථාද නැත්තේ නොවේ.

මව්බිම දැන්

තවදුරටත්

අද මව්‍බිමෙන්

තවදුරටත්

අද පුවත්පත

අද කාටූනය

mawbima Cartoon