නැවතත් මුල් පිටුවට

තීරු ලිපි - කතුවැකිය

සූරියකන්දේ සිට මන්නාරමේ මිනී වළ දක්වා...  

2018-06-29

සූරියකන්ද 88-89 ධවල භීෂණයේ සංකේතයක් බඳුය. භීෂණ සමයේ මරා දැමූ දකුණේ පිරිසකගේ ඇටකටු සූරියකන්දේ මිනී වළින් හමුවිය. 1994 බලයට පැමිණි චන්ද්‍රිකා බණ්ඩාරනායක කුමාරතුංග ප්‍රමුඛ පොදු පෙරමුණු ආණ්ඩුව හෝකන්දර ඇතුළු ප්‍රදේශ කිහිපයක පිහිටි සමූහ මිනී වළවල් හෑරීම ඇරැඹීය. එහෙත් කල් නොයවා හෑරූ වළවල් වසා දැමිණි. කිසිදු පරීක්ෂණයක් සිදු කෙරුණේ නැත. වගකිවයුත්තන්ට දඬුවම් දෙන බවට ජනාධිපතිවරණයේදී හා මහ මැතිවරණයේදී දුන් පොරොන්දු ද වැළැලී ගියේය.

යුනිකෝලා සහ සුපර්මෑන්ලා  

2018-06-28

දුක්මුසු මරණ පහක් ගැන ඉකුත් දිනවල මාධ්‍ය වාර්තා පළවිය. ඉන් එක් මරණයක් කුඩා දැරියකගේය. ඇය අපයෝජනය කර ගෙල සිරකර මරා ළිඳකට දමා තිබී හමුවී ඇත. තරුණයන් දෙදෙනකු වැවක ගිලී මරු දැක තිබුණේ පොසොන් දන්සලක බත් බෙදීමට නෙලුම් කොළ කැඩීමට ගොස් සිටියදීය. ගෙවත්තේ අනාරක්‍ෂිත ළිඳකට වැටී සිඟිති දියණියක මියගොස් තිබිණි. එකොළොස් හැවිරිදි දරුවකු ජීවිතක්‍ෂයට පත්ව තිබුණේ මදුරු දැලක් එල්ලා තිබූ කොක්කක ගෙල සිරවීමෙනි.

පිනුම් ගසන පාතාලයෝ  

2018-06-27

දකුණේ පාතාල සාමාජිකයකු පොලිස් විශේෂ කාර්ය බළකාය (ඉඊජ්) එල්ල කළ වෙඩි ප්‍රහාරයකින් මරු දැක ඇත. පොලිසිය පවසන ආකාරයට දෙපාර්ශ්වය අතර ඇතිවූ වෙඩි හුවමාරුවකදී පාතාල සාමාජිකයා වෙඩි වැදී මියගොස් තිබේ. හඳුනාගෙන ඇති ආකාරයට ප්‍රකට පාතාල නායකයකු වූ මාකඳුරේ මධුෂ්ගේ දකුණු පළාත් ප්‍රධානියා ලෙස මේ පාතාල සාමාජිකයා කටයුතු කර ඇත.

අම්බාල්කුලම් කොටියා  

2018-06-26

'උතුරේ කොටියෙක් මරලා' යැයි මීට අවුරුදු නවයකට දහයකට පෙර අයකු පැවැසුවේ නම් එකවරම සිහියට නැඟෙන්නේ එල්.ටී.ටී.ඊ. සාමාජිකයෙකි. අන්තවාදියකුට නම් දෙමළ ත්‍රස්තවාදියකු සිහිවනු ඇත. එහෙත් කිලිනොච්චියේ අම්බාල්කුලම්වල කොටියකු මරා දැමීමේ පුවත කන වැකුණු පසු කවුරු කවුරුත් දුක් වූයේ 'තිරිසනා' ගැනය. ත්‍රස්තවාදියකුව කිසිවකුගේ මතකයට නැඟුණේ නැත.

ආරක්ෂාව බිඳ වැටුණු සමාජයක්...  

2018-06-25

'මිනිසාමයි ලොව තිරිසන් වන්නේ් මිනිසාමයි ලොව දෙවියන් වන්නේ්...' යනුවෙන් කලකට ඉහත ජනප්‍රිය ගීතයක් තිබිණි. ඉන් කියැවුණේ එකම මිනිසාට දෙවියන් ලෙස ක්‍රියා කරන්නටත් තිරිසනකු ලෙස ක්‍රියා කරන්නටත් හැකියාව තිබෙන බවය. දැන් දැන් අසන දකින දේ අනුව පෙනෙන්නේ ලාංකේය සමාජය මුළුමනින්ම තිරිසනුන් සේ ක්‍රියාකරන්නට පටන්ගෙන ඇති සැටියකි.

හිට්ලර් දුටු බුදු සිතුවම  

2018-06-24

ශ්‍රී ලංකාව මුහුණ දී සිටින සකලවිධ දුක්ඛ දෝමනස්සයන් දූරීභූත කොට දේශයට සෞභාග්‍යය ළඟා කර ගැනීම සඳහා අනුදැන යුතු පිළිවෙත මේ යැයි බුද්ධ පුත්‍රයාණන් වහන්සේනමක විසින් නොබෝදා දේශනා කරන්නට යෙදිණි. අස්ගිරි පාර්ශ්වයේ අනුනායක වේඬරුවේ උපාලි හිමියන් යෝජනා කරන්නේ ලංකාවට ජර්මානු නාසි අඥාදායක හිට්ලර් පන්නයේ නායකත්වයක් හා මිලිටරි විසඳුමක් අවශ්‍ය බවය.

තැපෑල  

2018-06-22

තැපැල් සේවක වැඩ වර්ජනයට මේ වනවිට සති දෙකක් පිරීමට ආසන්නය. එහෙත් විසඳුමක් ලැබෙන පාටක් නැත. පෙරේදා අඛණ්ඩ උපවාසයක් ඇරැඹීමට වර්ජකයන් තීරණය කළේ එනිසාය. තවදුරටත් සිය ඉල්ලීම්වලට කන් නොදෙන්නේ නම් මාරාන්තික උපවාසයක් දක්වා යන බව ඔවුහු පවසති.

ගිණුම් කාරක සභා වාර්තාවෙන් හෙළිවන තිත්ත ඇත්ත  

2018-06-21

ඉකුත් දශක දෙක තුන තුළ මෙරට රාජ්‍ය සේවය අන්තයටම පිරිහී ගියේය. රාජ්‍ය ආයතනවල කඩාවැටීම ඇරැඹුණේ ඊටත් පෙරාතුවය. තැටියයි රොටියයි මෙන් සැලැකිය හැකි රාජ්‍ය ආයතන හා රාජ්‍ය සේවය දැන් ළිපට වැටී ඇත.

පොදු ප්‍රවාහනයේදී කාන්තාවට හිංසා කිරීම  

2018-06-20

ශ්‍රී ලංකාවේ ජනගහනයෙන් බහුතරයක් සිය ගමන් පහසුව සලසාගන්නේ පොදු ප්‍රවාහනයෙනි. දුම්රියෙන් බස්රියෙන් එලෙස ගමන් කරන බාල මහලු තරුණ පිරිස් අතරින් කාන්තාවන්ගේ ආරක්ෂාව පිළිබඳ ප්‍රශ්නයක් මතුවී ඇත. ඒ අන් කිසිවක් නිසා නොව ඔවුන් ලිංගික හිංසනයට ලක්වීම නිසාය.

අලි ජරමරය  

2018-06-19

සිංහරාජ වනයේම උපන්, එම වනයේම ජීවත් වූ අලි දෙදෙනාට තවදුරටත් එහිම වාසය කරන්නට හැකිවන අසුරින් අලි කලබලය අවසන් වීම පිළිබඳව අපිදු සතුටට පත්වෙමු. අලි අල්ලන මෙහෙයුම නතර කරන ලෙස ජනපති නියෝග කිරීම නිසා තමන්ට මදිපුංචිකමක් වී යැයි වනජීවී විෂය භාර ඇමැති හා නියෝජ්‍ය ඇමැති කලකිරීමට පත්විය යුතු නැත. ප්‍රශ්න ඇතිවෙනවා මෙන්ම ඊට විසඳුම්ද තිබේ.

මව්බිම දැන්

තවදුරටත්

අද මව්‍බිමෙන්

තවදුරටත්

අද පුවත්පත

අද කාටූනය

mawbima Cartoon