නැවතත් මුල් පිටුවට

තීරු ලිපි - කතුවැකිය

ඩෙංගු නැති හෙට දවසක්  
👤2896

2017-07-14

හෙට (15දා) දවස ඩෙංගු වැළැක්වීම වෙනුවෙන් කැප කරන්නැයි රජය ශ්‍රී ලංකාවාසීන්ගෙන් ඉල්ලා ඇත්තේ ඩෙංගු සමාජයීය ව්‍යසනයකට එහා ගොස් ආර්ථික ව්‍යසනයක් බවට පත් වෙමින් සිටින නිසා විය යුතුය. විද්‍යුත් හා මුද්‍රිත මාධ්‍යයද එකතු කරගනිමින් ඩෙංගු වැළැක්වීමේ ජාතික වැඩපිළිවෙළකට යෑම අවශ්‍යයෙන්ම කළ යුතුව තිබුණකි. කලෙක සිටම පාලකයන්ට එල්ල වූ චෝදනාව වූයේ ඩෙංගු මර්දනයේදී 'කතාව නම් දෝලාවෙන් වුවද ගමන නම් ගියේ පයින්' කියාය. ඩෙංගු මෙතරම් ව්‍යසනයක් බවට පත්වූයේ ඒ නිසාම මිස අන් කාරණයක් නිසා නොවන බව පැහැදිලිය.

ක්‍රිකට් මහත්වරු කලිසම් ගලවති   
👤4060

2017-07-13

සූරියවැව මහින්ද රාජපක්ෂ ක්‍රීඩාංගණයේදී සිම්බාබ්වේ සමඟ තරග පැවැති කාලසීමාවේදී තාවකාලික පදනම මත සේවය කළ කම්කරුවන්ගේ වැටුප් ලබාදීමට පෙර ඔවුන්ට ලබාදී තිබූ ක්‍රිකට් ආයතනයේ ලාංඡනය සහිත කලිසම (බොටම) නැවත ලබාදෙන ලෙස බලධාරීන් කළ ඉල්ලීම නිසා සිදුවී ඇත්තේ මහත් අලකලංචියකි. ප්‍රදේශයේ තරුණයන් සියයක්දෙනා සේවයට බඳවාගෙන ඇති අතර කලිසම ගලවා දුන් පසු ඇතැම් සේවකයන්ට ඇඳ ගැනීමට වෙනත් කලිසමක් නොතිබීම නිසා ඔවුන් මහත් අපහසුතාවකට පත්වී ඇත. අදාළ නිලධාරීන් පවසා ඇත්තේ ක්‍රිකට් ආයතනය දැන්වූ පරිදි තමන් කටයුතු කළ බවකි. ප්‍රශ්නය කලිසම (බොටම) ඉල්ලා ගැනීම නොව, ඒ බව සේවකයන්ට කලින් දැනුම්දී නොතිබීමය. කලිසම ගලවා දුන් පසු වෙනත් කලිසමක් නැති සේවකයන්ට යට ඇඳුම පිටින් නිවෙස බලා යෑමට නොහැකි බව මේ තීරණය ගත් ක්‍රිකට් මහත්වරුන්ට නොතේරීම පුදුමයකි. මේ සිද්ධිය සම්බන්ධයෙන් ක්‍රිකට් සභාපති "සමාව" ගත් බවද පැවැසේ.

මහාචාර්ය කාලෝට සවන් දෙමු!  
👤2707

2017-07-12

ශ්‍රී ලංකා වෛද්‍ය සභාවේ සභාපති ධුරය යළි භාර නොගන්නා බව මහාචාර්ය කාලෝ ෆොන්සේකා ප්‍රසිද්ධියේ ප්‍රකාශ කර තිබේ. මහාචාර්යවරයා අවධාරණය කර ඇත්තේ අවුරුදු පහකුත් මාස හයක් වෛද්‍ය සභාවේ සභාපති ධුරය දැරූ නිසා තවදුරටත් එහි රැඳී සිටීමේ කිසිදු අදහසක් නැති බවය. මහාචාර්ය කාලෝ ෆොන්සේකා හදිසියේ මෙලෙස ප්‍රකාශ කළේ අන් කිසිවක් නිසා නොව මහාචාර්යවරයාට දිගටම එම ධුරයේ රැඳී සිටීමට ඉඩ නොදුනහොත් වැඩ වර්ජනයක් අරඹන බවට රජයේ වෛද්‍යවරුන්ගේ සංගමය අනතුරු ඇඟවීම නිසාය. ඒ පිළිබඳව දැනුම්දීමට මහාචාර්යවරයා හමුවීමට ගිය වෛද්‍ය සංගමයේ සභාපති ඇතුළු පිරිසගෙන් මහාචාර්යවරයා දෑත් එක්කර වැඳ ඉල්ලා තිබුණේ "අනේ දන්නා සිංහලෙන් මම කියන්නේ වැඩ වර්ජනය නොකර මගේ බෙල්ල කපා දමා යන" දමන ලෙසයි. හදිසියේ වැඩ වර්ජනය කළොත් සංගමය සමඟ ඇති සම්බන්ධය එතැනින් අවසන් වන බවද මහාචාර්යවරයා කියා තිබිණි.

ජනතාවගේ සුඛවිහරණය  
👤2678

2017-07-11

පාලකයන් කටයුතු කළ යුත්තේ තම සුඛවිහරණයට නොව රටේ ජනතාවගේ හිතසුව පිණිස බව මල්වතු පාර්ශ්වයේ අනුනායක දිඹුල්කුඹුරේ විමලධම්ම හිමියන් ඉකුත් දිනක පවසා තිබිණි.

හේනානිගල ආදිවාසියෝ  
👤2658

2017-07-10

ඕස්ට්‍රේලියාව, කැනඩාව වැනි රටවල ආදිවාසීන්ට මෙන්ම ලංකාවේ ආදිවාසීන්ටද අයිතිවාසිකම් ඉල්ලා උද්ඝෝෂණය කිරීමට සිදුවී ඇත. එවැනි උද්ඝෝෂණයක් ඉකුත් 8 වැනිදා හේනානිගල ආදිවාසී ජනඋරුම කේන්ද්‍රය අසලදී පැවැත්විණි.

පින් කැටේ  
👤3392

2017-07-09

හිටපු ජනාධිපතිවරයා ප්‍රමුඛ ඒකාබද්ධයේ කට්ටිය කියන්නේ මූල්‍ය අර්බුදයකට මුහුණදී සිටින ආණ්ඩුව පන්සල්වල තිබෙන පින් කැටවලටත් විදින්න සැරැසෙන බවකි. මේ චෝදනාව මුලින්ම මතුවූයේ දඹුලු විහාරයේ ආදායම් සම්බන්ධව පරීක්ෂණයක් පැවැත්වීමට සංස්කෘතික ඇමැති අකිල විරාජ් කාරියවසම් පියවර ගැනීමත් සමඟය.

22 වැනි යුද හමුදාපති  
👤5094

2017-07-07

22 වැනි යුද හමුදාපතිවරයා ලෙස ලුතිනන් ජෙනරාල් මහේෂ් සේනානායක වැඩ බාර ගැනීමෙන් පසු පැවැති මාධ්‍ය හමුවේදී ගෙන හැර දැක්වූ අදහස්, රණවිරු ඝෝෂාවෙන් වැසී ගොස් ඇති ඇත්ත යුත්ත එළිපෙහෙළි කර ගැනීමට පිටුබලයකි.

2020 මාර්ග සිතියම  
👤4093

2017-07-06

1984දී ඉංගී්‍රසින් බලය අත්හැර යන විට මෙරට ආර්ථිකය ජපන් ආර්ථිකයට සමාන විය. නොදියුණු කොදෙව්වක් වූ සිංගප්පූරුවේ පාලකයන් සිය රට දියුණු කිරීම සඳහා ආදර්ශයට ගත්තේ ලංකාවය. 70 දශකය වන විටත් මැලේසියාව, ඉන්දුනීසියාව සිටියේ අප හා සමාන මට්ටමකය. චීනය, දකුණු කොරියාව, ඉන්දියාව, වියට්නාමය සිටියේ අපට පසුපසිනි. එහෙත් ඒ රටවල් සියල්ලම අද සිටින්නේ ලංකාවට වඩා ඉදිරියෙනි. දැන් අපට පිටුපසින් සිටින්නේ ලාඕසය, මියන්මාරය, කාම්බෝජය, ඇෆ්ගනිස්තානය පමණි. ඉතියෝපියාව පවා අද පෙරළිකාර ලෙස පෙරට එමින් සිටී.

විදේශ රැකියා ඒජන්සි ‘හොරු’  
👤2838

2017-07-05

මේ රටේ සැලකිය යුතු පිරිසකට විදේශ රැකියා නියෝජිත ආයතන අතිශයින් සමීපය. ඊට හේතුව ජනගහනයෙන් විශාල පිරිසක් රැකියා සඳහා විදේශගතව සිටීමය. එසේ විදේශගත වන බහුතරය රැකියා සොයාගන්නේ මේ රැකියා ආයතන හරහාය. විදේශ රැකියාවලට යෑමට ඇඟිලි ගනිමින් සිටින්නන්ද ඕනෑතරම් ඇත. විදේශ රැකියාවල නිරත වන්නන්ගේ ඥාතීන්ට ද මේ විදේශ රැකියා නියෝජිත ආයතන අවශ්‍යය. ඒ අන් කිසිවක් නිසා නොව, පිටරටකදී දුකක් කරදරයක් වූ විට සිය සමීපතමයා සමඟ සම්බන්ධ විය හැක්කේ මේ විදේශ රැකියා නියෝජිත ආයතනය හරහා පමණක් වීම නිසාය.

කල් ඉකුත් වූ දූෂණ මර්දනය  
👤2804

2017-07-04

දූෂණ මර්දන කමිටු ලේකම් කාර්යාලය අක්‍රිය වී තිබේ. ඒ, කැබිනට් පත්‍රිකාවක් මඟින් ක්‍රියාත්මක වූ මෙකි කමිටු ලේකම් කාර්යාලයේ නිල කාලය ජුනි 30 වැනි දිනෙන් අවසන් වුවද එම කාලය දීර්ඝ කිරීමට ආණ්ඩුව පියවර නොගැනීම නිසාය.

මව්බිම දැන්

තවදුරටත්

අද මව්‍බිමෙන්

තවදුරටත්