නැවතත් මුල් පිටුවට

තීරු ලිපි - කතුවැකිය

කටාර් ප්‍රශ්නය සහ අපේ ඇත්තෝ   

2017-06-09

සෞදි අරාබිය ප්‍රමුඛ අරාබි රටවල් කිහිපයක් මැද පෙරදිග රටක් වන කටාර් රාජ්‍යය සමඟ රාජ්‍ය තාන්ත්‍රික සබඳතා අතහැර දැමීමට තීරණය කළේ එරට ඉස්ලාමීය අන්තවාදී ත්‍රස්තවාදීන්ට ආධාර අනුබල දෙන්නේ යැයි චෝදනා කරමිනි.

මිහිඳු හිමිගේ දහම් පණිවිඩය  

2017-06-08

ශ්‍රී බුද්ධ වර්ෂ 236 වැන්නෙහි පොසොන් පොහෝ දින මිහිඳු මහ රහතන් වහන්සේ භාරතයේ සිට මෙරටට වැඩම කළේ පියාණන් වූ අශෝක අධිරාජ්‍යයා හෙවත් ධර්මාශෝක රජතුමා විසින් දේවානම් පියතිස්ස හෙවත් තිස්ස රජු වෙත ලබා දෙන්නැයි කියූ දහම් පණිවිඩයත් රැගෙනය.

මහනුවර විද්‍යාර්ථයට පැමිණි දඹානේ වන්නිලැත්තෝ  

2017-06-07

මෙවර ජගත් පරිසර දිනය වෙනුවෙන් මහනුවර විද්‍යාර්ථ විද්‍යාලයේ ප්‍රාථමික අංශය සංවිධානය කළ සැමරුම් උත්සවයේ ප්‍රධාන ආරාධිතයා වී තිබුණේ දඹානේ ආදිවාසී නායක විශ්වකීර්ති වනස්පති උෟරුවරිගේ වන්නිලැත්තෝය. දේශපාලනඥයකුට ආරාධනා නොකර පරිසර දින සැමරුමට දඹාන ආදිවාසී නායකයාට ආරාධනා කිරීම කෙතරම් අවස්ථාවෝචිතදැයි සිතෙන්නේ එතුමා එහිදී කර ඇති කතාව විමසා බැලූ විටය.

සොබාදහම සමඟ බැඳෙමු  

2017-06-06

'ජගත් පරිසර දිනය' ජුනි 5 වැනිදා එනම්: ඊයේ සමරනු ලැබීය. එහෙත් මෙවර පරිසර දිනය වෙනුවෙන් සමරු උත්සවයක් ලංකාවේ පැවැත්වූයේ නැත. රට මුහුණ දී සිටින ස්වාභාවික විපත ඊට හේතුව විය.

අන්තවාදීන්ට ඉඩ නොදෙනු  

2017-06-05

ජාතිවාදී, ආගම්වාදී හා වර්ගවාදී ක්‍රියා සිදු කරන පුද්ගලයන්ටත් එවැනි මතවාද වපුරන මාධ්‍ය හා සමාජ ජාලා වෙබ් අඩවිවලටත් එරෙහිව නීතිය තදින් ක්‍රියාවට නඟන ලෙසට පොලිස්පතිවරයා අදාළ අංශ දැනුවත් කෙරුණු බව වාර්තා වී තිබේ. පසුගිය කාලය තුළ රට තුළ කෙමෙන් වර්ධනය වෙමින් පැවති ජාතිවාදී හා ආගම්වාදී උසිගැන්වීම් සැලකිල්ලට ගනිමින් රටේ නීතිය ක්‍රියාත්මක වීමේදී දැනට පවතින උදාසීනකම පිළිබඳව මෙයට පෙර අවස්ථා කිහිපයකදීම අපි පෙන්වා දුන්නෙමු. ප්‍රමාද වී නමුත් එවැනි සෘජු පියවරක් ගැනීමට තීරණය කිරීම ඉතා වැදගත් වේ.

සොබාදහමේ නීතියට පිටුපා වැනසෙමුද?  

2017-06-04

2016 මැයි මාසයේදී මෙන්ම ඉකුත් මැයි මාසයේදීද මෝසම් වර්ෂාව හේතුවෙන් ආසියානු කලාපයේ රටවලට විපත්වලට මුහුණදීමට සිදුවේ යැයි කාලගුණ විද්‍යාඥයන් අනතුරු අඟවා තිබුණේ මේ වසරේ මුල් කාර්තුවේදීය. මෝසම් වැසි රටාවේ ඇති වන විපර්යාසයන් නිසා
ශ්‍රී ලංකාවට දිගු නියඟයකටත්, අනතුරුව මහ වැසිවලටත් බඳුන් වීමට සිදුවේ යැයි අනාවැකියක්ද ඒ අතර විය.

කසළයි අපියි  

2017-06-02

මීතොටමුල්ල ඛේදවාචකයට මසක් ඉක්ම යමින් තිබියදී ආණ්ඩුව "නිකසළ පරිසරයක් පිරිසුදු පුරවරයක්" නමින් වැඩසටහනක් අරඹා ඇත.
ඊයේ සිට දිවයිනේ සියලුම පළාත් පාලන ආයතන මඟින් වර්ගීකරණය කරන ලද කසළ පමණක් භාර ගැනීම සිදුකරන බව දැනුම් දී තිබිණි. එය අනිවාර්ය බව පළාත් සභා සහ පළාත් පාලන අමාත්‍යාංශය යටතේ ක්‍රියාත්මක ජාතික ඝන අපද්‍රව්‍ය කළමනාකරණ සහායක මධ්‍යස්ථානය ප්‍රකාශ කර ඇත.

රටේ විපත සහ රථ ගාය  

2017-06-01

නියෝජ්‍ය ඇමැතිවරුන් හා රාජ්‍ය ඇමැතිවරු කිහිපදෙනෙක් ඊයේ අලුතින් දිවුරුම් දුන්නෝය. ඉකුත් සතියේ සිදුවූ ඇමැති මාරුවට සමගාමීව මේ වෙනස සිදු කෙරුණු බව පැහැදිලිය. තවත් නියෝජ්‍ය හා රාජ්‍ය ඇමැතිවරුන් කිහිප දෙනකුගේ ධුර මාරු වීමටද ඉදිරියේ ඉඩ තිබේ.

එකමුතුකම විතරක් තිබුනට මදි...  

2017-05-31

"මෝරා" සුළි කුණාටුව බංග්ලාදේශය බලා යමින් තිබුණද තවමත් දිවයිනට වැටෙන වැසිවල අඩුවක් නැත. දිස්ත්‍රික්ක විසිපහෙන් ‍ෙදාළහක් ජල ගැලීම්වලට ගොදුරු වී තිබේ. ජීවිත හානි සිය ගණනකි. ලක්ෂ සංඛ්‍යාත ජනතාවක් අවතැන්ව සිටිති. අතුරු මාර්ග පමණක් නොව ප්‍රධාන මාර්ග රැසක්ද ජලයෙන් යටවී විදුලිය සම්බන්ධතා හා දුරකතන සේවා බිඳවැටී ඇත.

සොබාදහම, ආපදා සහ අපි  

2017-05-30

නිරිතදිග මෝසම සක්‍රිය වීමත් සමඟ ඉකුත් 24 වැනිදා සිට ධාරානිපාත වැසි ඇදහැලෙන්නට විය. ප්‍රතිඵලය වූයේ දිස්ත්‍රික්ක 12ක්ම ගංවතුර තර්ජනයට මුහුණ දීමය. දිස්ත්‍රික්ක 6ක් නායයෑමේ අවදානමකට මුහුණ දී සිටී. දැනටමත් මරණ 177ක් සිදුවී ඇත. අතුරුදන් සංඛ්‍යාව 109කි. ගංවතුර හා නායයෑම් හේතුවෙන් පවුල් 1,12,565කට අයත් 5,57,505ක් පමණ පිරිසක් පීඩාවට පත්ව සිටිති.

මව්බිම දැන්

තවදුරටත්

අද මව්‍බිමෙන්

තවදුරටත්

අද පුවත්පත

අද කාටූනය

mawbima Cartoon