නැවතත් මුල් පිටුවට

තීරු ලිපි - හටන

යකඩ කොකුවලින් එල්ලී සිටීම දේව හාස්කමක්ද?   

2018-03-04

ළඟදී කොළඹ පැවැත්වුණු වේල් පෙරහරේ පිළිමයක් ඉදිරිපිට කොකුවලින් එල්ලුණු කෙනකු සම්බන්ධයෙන් "මීට ඇති විග්‍රහය කුමක්දැයි ඉන්ද්‍ර කුමාර් මහතා නැඟූ ප්‍රශ්නයකට වෛද්‍යවරයකු පිළිතුරු දෙනු ඇතැයි මම බලාපොරොත්තු වුණෙමි. එහෙත් කිසිවකු ඉදිරිපත් නොවීය.

ජීවිතයේ සතුට විඳින්නට අපට ඉඩකඩක් නැති හැටි   

2018-03-04

දර්ශනී හට රාජකාරිය පැවරූ මම ඉස්තෝප්පුවට පිවිසියෙමි. අඳුරේ එක පොදියට වැතිරී සිටින ගැහැනු ළමුන් අතරේ මට වෙන් කර තැබුණු කුඩා ඉඩ තීරුව මට හඳුනාගත හැකි විය. මා හැම විටම ප්‍රිය කළේ කෙළවරක නිදන්නට බව මගේ මිතුරියෝ දැන සිටියහ. එකියක් අනෙකකුගේ සිරුර මත අත් පා ගටමින් නින්දට යෑම මට රිස්සුම් දුන්නේම නැත. අකිලා අසල මට වෙන්ව තිබූ ඉඩකඩ නිමාවී තිබුණේ එකක් මත එකක් සේ අඩුක් කරන ලද ලූනු ගෝනි කිහිපයකි.
තෙත ඇඳුම පිටින්ම ළයෙහි වූ තුවක්කු රඳවනය ඉවත් නොකරම මම ඒ කුඩා අපිරිසුදු ඉඩකඩෙහි වැතිර ගතිමි.

වන ජීවීන් කූඩු කරනවාට එරෙහිව සටන් වදින යුවතිය   

2018-03-04

වඩා සතුටක් ලබාගත හැක්කේ වන සතුන් ඔවුන්ගේ ස්වාභාවික පරිසරය තුළ ජීවත් වන අයුරු නැරැඹීමෙන්ද? නැතිනම් ඔවුන් නොකළ වරදකට දඬුවම් දී, සිරගත කළ සිර මැදිරි තුළ එහා මෙහා වන ඔවුන්ගේ අස්වාභාවික, අසහනකාරී හැසිරීම් රටා නැරඹීමෙන්ද? තමාගේ නිවහන වූ වනාන්තරය තුළ නිදහසේ ඔබ මොබ සරමින් ජීවත්වීමේ නිදහස මිහිපිට ඉපදෙන සියලු වනජීවීන්ට උදා කරදීම මනසින් උසස් යැයි සම්මත මිනිස් වර්ගයාගේ වගකීම නොවේද?

වැදි ජනයා ගරිල්ලා සේනාංකයක් ලෙස පුහුණු කළ බූටෑවේ රටේ රාල ඉතිහාසය සැඟවූ වෙල්ලස්සේ වීරයෝ  

2018-02-25

බූටෑවේ රටේ රාල වූ කලී වෙල්ලස්සේ ජාතික නිදහස් සටනේ වැදි හමුදාව ගරිල්ලා සේනාංකයක් ලෙස හැඩ ගැන්වූ සේනාපතියාය. නොදරුවකු අතින් ගත් වහකදුරු ගෙඩියක් ඉවත් කරන්නා සේ, කොටිහපුවා හෙළාගත් මුව තඩියා පැහැර ගන්නට, වැලහින්න සිය පැටවාට කඩාදෙන මී වද උෟට හොරා ලබාගන්න, කිපුණු වන ඇතකුගේ බඩ පල්ලෙන් රිංගා පලායන්න, දුන්න, හීය සිරිය, කෙටේරිය, අතදරා වනයට ඔබින වනචරයකු වන හැටි කියා දෙමින් සතුරා මඟහරිනවාද මුහුණදී බිම හෙළනවාද යන්න සැණෙකින් තීරණය කරන්නට පළමු ගුරුවරයා බූටෑවේ රටේ රාලය.

තම අගමැති සිහිනය බොඳ කළ නිමල්ගේ ඡායාරූපය සජිත් ගත් හැටි   

2018-02-25

මෙම ඡායාරූපයේ පෙනී සිටින තිදෙනාත් ඡායාරූප ශිල්පියාත් අයත් වන්නේ ශ්‍රී ලංකාවේ ප්‍රභූ පන්තියටය. මෙරට ජනතාව මෙම තැනැත්තන් හට රාජ්‍ය පාලනයේ විවිධ වගකීම් විවිධ වකවානුවල භාරදී තිබේ. එබැවින් ලංකාව වර්තමානයේ පවතින තත්ත්වයේ හොඳ යහපත් යමක් වේනම් එයටද, නරක අයහපත් යමක් වේනම් එයටද මෙම මහත්වරු සිවු දෙනාද කිසියම් ප්‍රමාණයකට වග කිව යුතුය.

පත්තර කර්තෘකම අතහැර සීනි වෙළෙ¼දාමට ගිය සුද්දා  

2018-02-25

1850 ගණන් වන විටත් මෙරට වතු වගාවේ නිරතව සිටි යුරෝපීය වැවිලිකරුවන්ට විදෙස් රටවල සමාජ, ආර්ථික, දේශපාලන හෝ වෙළෙදපොළ තොරතුරු ඉක්මනින් දැන ගැනීමට ක්‍රමයක් නොතිබිණි. ඒවා දැන ගැනීමට පුවත් පිපාසයකින් පෙළුණද ඒ සඳහා ඔවුනට යුරෝපයේ සිට එන නැවක් කොළඹට පැමිණෙන තුරු බලා සිටීමට සිදුවිය.

අගමැතිට වෙඩි තැබූ රිවෝල්වරය ඔසී කොරයාගේ මෝටර් රථයේ තිබෙනවා මා දැක්කා  

2018-02-25

බණ්ඩාරනායක ඝාතන නඩුවේ 7 වන විත්තිකරු වූයේ කොළොන්නාව පළාත් ආණ්ඩු සභාවේ සභාපති ලෙස එවකට සිටි කරෝලිස් අමරසිංහය. අමරසිංහ අගමැති බණ්ඩාරනායක මහතාගේ සමීප දේශපාලන හිතවතෙකි. මූලික නඩු විභාගයෙන් පසු ඔහු පැමිණිල්ලේ ප්‍රධාන සාක්‍ෂිකරුවකු විය. ඔහු නිදහස අපේක්‍ෂාවෙන් එසේ කළේය. ඔහු නිදහස අපේක්‍ෂාවෙන් තවත් බොහෝ දේ සාක්‍ෂියේදී ප්‍රකාශ කළේය. බුද්ධරක්ඛිතත්, සෝමාරාමත් පස්වන විත්තිකාර පොලිස් පරීක්‍ෂක නිව්ටන් පෙරේරාත් තම නිවෙසේදී හමුවී වෙඩි තැබීම පුහුණු වීම පිණිස මුතුරාජවෙල බලා පිටත්ව ගිය බව කරෝලිස් අමරසිංහ සිය සාක්‍ෂියේදී කීවේය.

ධර්ම දේශනා සඳහා මහ නායක හිමියන්ට මාතෘකා නියම කළේ ජෝන් ඩොයිලි   

2018-02-25

"කොම්සෝරියට්" නිලධාරියාගේ කාර්යාලයේ සිට ශ්‍රී වික්‍රම රාජසිංහ රජුට අයත්ව තිබී දැනට එකතුව තිබෙන තඹ කාසි කිරුවෙමි. ඒවා ගොනුන් පිට පටවා රුවන්වැල්ලට ගෙන යෑමට කටයුතු යෙදුවෙමි. එක් තවලම්කාරයකුට රික්ස ඩොලර් 3ක් ගෙව්වෙමි. රුවන්වැල්ලේ සිට හාල් රැගෙන එන්නේ නම් එක් අයකුට රික්ස් ඩොලර් 4ක් ගෙවීමට නියම කළෙමි. රජතුමාගේ වස්තුවද ඇත් දත් කැටයම් යෙදූ අලංකාර කළුවර පෙට්ටගමක් ද, රූප කොටා සායම් කළ කනප්පුවක් ද කුලීකරුවන් 6 දෙනකු අත කොළඹට යැව්වෙමි.

සාරා අර්ථීට් තුවක්කුවක් අමෝරාගෙන සිටියාය  

2018-02-25

"හරි හිනාව නවත්වලා සූදානම් පිට ඉන්ඩ. ආයුධ ගත්තු සොල්දාදුවෝ ගැන විශ්වාස කරන්න බෑ. උන් අපිව අල්ලා ගන්ඩ බැරි නෑ."
මගේ මුර සේවය අවසාන වන තුරුම අපි එකදු හමුදා නිලධාරියකු හෝ නොදුටු වෙමු. ඊළඟට මුර සේවාව සඳහා නියමිතව සිටි තරුණයන් දෙදෙනාට වෝකි ටෝකියත්, නාම ලේඛනයත් භාර දුන් අපි නිවෙසට ගියෙමු.

අපේ රට ණය උගුලේ සිර කළේ කවුද? ණය ගෙවිය යුත්තේ අපද? පෘතුගාලයේ වාමාංශික එකමුතුවේ නායිකා මරියානා මොටර්ගුආ   

2018-02-25

"දේශපාලනය යනු තම පෞද්ගලික ධනය එක්රැස් කරගන්නා ක්‍රියාවලියක් ලෙස සලකන ආකල්පයෙන් දේශපාලනඥයා මිදිය යුතුය. ජනතා ධනය සොරකම් කරනවා තරම් නින්දිත, ලජ්ජා සහගත දෙයක් තවත් නැහැ." තම පළමු වැනි පාර්ලිමේන්තු සැසි වාරයේදීම පෘතුගාල පාර්ලිමේන්තුවේ වාමාංශික පක්ෂ එකමුතුවේ නියෝජ්‍ය නායිකා මරියානා මොටර්ගුආ පැවැසුවාය.

මව්බිම දැන්

තවදුරටත්

අද මව්‍බිමෙන්

තවදුරටත්

අද පුවත්පත

අද කාටූනය

mawbima Cartoon