නැවතත් මුල් පිටුවට

තීරු ලිපි - කතුවැකිය

පාසල් දරුවන් අතර සැරිසරන ‘යක්කු’  

2017-04-25

එච්.අයි.වී. වයිරසය ආසාදිත වූ පාසල් ශිෂ්‍යයකු ගැන කළුතරින් වාර්තා වූයේ මීට මාසයකට පමණ පෙරය. පාසල් වයසේ දරුවන්ට එච්.අයි.වී. වයිරසය ආසාදනය වීමේ අවදානමක් මතුව ඇතැයි අනතුරු ඇඟවෙද්දී පාසල් දරුවන් අතර ලිංගාශ්‍රිත රෝග හෙවත් සමාජරෝග පැතිරයෑමේ අසුබ ආරංචියක් කුරුණෑගල ශික්ෂණ රෝහලෙන් වාර්තාවී තිබේ.

පෞද්ගලික රෝහල් හා සේවා ගාස්තු  

2017-04-24

දිවයින පුරා පෞද්ගලික රෝහල් විවෘතව ඇත. අතමිට සරු අය ප්‍රමුඛව සැලකිය යුතු පිරිසක් පෞද්ගලික රෝහල්වලින් ප්‍රතිකාර ලබාගනිති. එහෙත් වෛද්‍ය සේවා සඳහා අය කරන ගාස්තුවලට නියාමනයක් නැත. ඒ ඒ රෝහල්වලට අවශ්‍ය ආකාරයට ගාස්තු නියම කර ඇත.

මේ කුණු කාගෙද?  

2017-04-23

'කොළඹ කුණු අපිට එපා' කියමින් කුණු බැහැර කරන ස්ථාන පිහිටි ප්‍රදේශවල විරෝධතා ඉකුත් සති අන්තයේ දක්නට ලැබිණි.
‍ෙදාම්පේ-මාලිගාවත්ත ප්‍රදේශයේ ඉදිකර ඇති ඒකාබද්ධ අප්‍රද්‍රව්‍ය කළමනාකරණ ව්‍යාපෘතියට කුණු ගෙන යෑමට බාධා කළ පිරිසට කඳුළු ගෑස් හා ජල ප්‍රහාර එල්ල කර විසුරුවා හැරීමට පොලිසියට සිදුවී තිබුණේ අදාළ නිලධාරීන් කරුණු පැහැදිලි කර දුන්නද ඔවුන් ඊට සවන් නොදීම නිසාය.

‘සයිටම්’ විසඳුම   

2017-04-21

මාලඹේ පෞද්ගලික වෛද්‍ය විද්‍යාලය හෙවත් 'සයිටම්' විරෝධී සටන, ආණ්ඩුව ගෙදර යවන බවට තර්ජනය කිරීම දක්වා දුරදිග ගියේය. සයිටම් විරෝධීන් පැහැදිලිවම ආණ්ඩුවට අභියෝගයක් එල්ල කරනු ලැබීය. සයිටම් වසා දැමීමට ආණ්ඩුව පියවර ගත යුතු යැයි ඔවුහු පැවැසූහ.

වවුනියාවේ අලි මරණය  

2017-04-20

සති හතරකදී ජීවිත හයක් වැනසූ 'තණමල්විල තනියා' ලෙස කුප්‍රකටව සිටි අලියා වනජීවී නිලධාරීන් විසින් අල්ලා ගනු ලැබූ පුවත ඊයේ 'මව්බිම' වාර්තා කර තිබිණි. දිවි පරදුවට තබා තනි අලියා කොටුකර ගැනීම ගැන වනජීවී නිලධාරීන් ප්‍රශංසා ලබද්දී ඇතින්නියක මරා දැමීම ගැන වනජීවී නිලධාරීන්ට චෝදනා එල්ල වී ඇත.
වවුනියාව ඕමන්ත ප්‍රදේශයේ කොම්බුවයිත්තකුලම් වැව ආසන්නයේ පිහිටි වගා ළිඳකට වැටී සිටි අලි පවුලක් එනම්; මවුපිය දෙපළ හා පැටවුන් දෙදෙනා ගොඩගැනීමට යෑමේදී මේ අවාසනාවන්ත මරණය සිදුවී තිබේ. පළමුව එක් අලියකු ගොඩගෙන වනයට මුදාහැර ඇති අතර පැටවු සහ ඇතින්න ගොඩගැනීමට යෑමේදී ඇතින්න වනජීවී නිලධාරීන් ඇතුළු එතැනට රැස්ව සිටි පිරිසට පහරදීමට තැත් කර ඇත. ආරක්‍ෂිත පියවරක් ලෙස ඇතින්නට වෙඩි තැබීමට සිදුවූ බව නිලධාරීහු පවසති.

රාජ්‍ය සේවය හා පැය අට  

2017-04-19

ශ්‍රී ලංකාවේ ජනගහනයෙන් සෑම දහසය දෙනකුගෙන් එක් අයකු රාජ්‍ය සේවකයෙකි. රාජ්‍ය සේවක වැටුප් ගෙවීම සඳහා වාර්ෂිකව රජයට වැය වන මුදල රුපියල් බිලියන 800කට ආසන්නය. 2014 වසරේ සංඛ්‍යාලේඛනවලට අනුව ජාතික මට්ටමේ සේවකයන්ගේ ප්‍රතිශතය 71%කි. පළාත් මට්ටමේ සේවක ප්‍රතිශතය 29%කි.
2002 බලයට පත් වූ එජාප ආණ්ඩුව රාජ්‍ය සේවයට බඳවා ගැනීම සීමා කළද 2004 බලයට පත් වූ එක්සත් ජනතා නිදහස් සන්ධාන ආණ්ඩුව එකවර විශාල පිරිසක් රාජ්‍ය සේවයට බඳවා ගත්තේය. දේශපාලන වාසි සඳහා වරින් වර මෙලෙස රාජ්‍ය සේවයට පිරිස් බඳවා ගත්තද රාජ්‍ය සේවය කාර්යක්‍ෂම කිරීමට කිසිදු ආණ්ඩුවක් උනන්දු වූයේ නැත.

කඳුළු කුණුවලට එකතු නොවීමට නම්...   

2017-04-18

මීතොටමුල්ල කුණු කන්ද අන්තරායදායක බව කල්තියා බලධාරීන් විසින් දැනුම්වත් කරන ලද බවට ප්‍රදේශවාසීන් චෝදනා කරද්දී බලධාරීන් පවසන්නේ පදිංචිකරුවන්ට ඉවත්වීමට කී බවය. ඇත්ත කාරණය වන්නේ මිනිස්සුන් කුණු කන්ද ළඟ ගෙවල් හදාගෙන පදිංචි වූවා නොව, කාලාන්තරයක් පුරා පදිංචිව සිටි ගෙවල් ළඟට කුණු කන්ද පැමිණ තිබීමය. එනිසා ඉවත් විය යුත්තේ පදිංචිකරුවන් නොවේ. ඉවත් කළ යුත්තේ කුණු කන්දය.

මීතොටමුල්ලේ කුණු වූ ප්‍රශ්නය  

2017-04-17

අලුත් අවුරුද්ද ආරම්භ වූයේ ඛේදවාචකයකිනි. අලුත් අවුරුදු දිනයේ පස්වරුවේ මීතොටමුල්ල කුණු කන්ද නාය ගියේය. මේ වනවිට අහිමි වී ඇති ජීවිත සංඛ්‍යාව 24 කි. ඒ අතර පස් දෙනෙක් දරුවෝ වෙති. කාන්තාවන් 9 දෙනෙකි. තුවාලකරුවන් කිහිපදෙනකු රෝහල් ගත කර ඇත. නිවාස 50ක් පමණ විනාශ වී තිබේ. පවුල් 180ක සාමාජිකයන් 625ක් අවතැන් වී ඇත. අන්තරායදායක ප්‍රදේශයේ සිටින පවුල් 125 ක් නිවෙස්වලින් ඉවත් කිරීමටද පියවර ගෙන තිබේ.

මැද පෙරදිග ලාංකික ශ්‍රමිකයන්ගේ දුක  

2017-04-16

මෙරට ගැහැනුන් හා පිරිමින් විශාල සංඛ්‍යාවක් පිටරටවල සේවයේ නියුතුව සිටී. ඉන් සැලකිය යුතු සංඛ්‍යාවක් රැකියා කරන්නේ මැද පෙරදිග රටවලය. ඉන් වැඩිම ලාංකික ශ්‍රමිකයන් පිරිසක් සේවය කරන්නේ සෞදි අරාබියේය. 2013 වසරේ පමණක් එරට බලා ගිය ලාංකිකයන්ගේ සංඛ්‍යාව 80,836කි. ඉන් පිරිමි ශ්‍රමිකයන් සංඛ්‍යාව 41,455ක් වන අතර ගැහැනු සංඛ්‍යාව 39,381ක් බව සංඛ්‍යාලේඛනවල දැක්වේ.

මේ අලුත් අවුරුද්දේ...  

2017-04-13

අප්‍රේල් මාසය 'බක් මහ' ලෙස හැඳින්වීම සිංහල සිරිතය. උත්සව පැවැත්වීමට සුදුසුම වන්නේ බක්මහය. අස්වනු ගෙට ගෙන බැති සිතින් පුද පූජා පවත්වන බක් මහ, මලින් හා පලවලින් තුරුලිය බරවන වසන්ත කාලයයි. අවුරුද්ද ඇරැඹීමට බක්මහ හෙවත් අප්‍රේල් මාසය තෝරාගෙන ඇත්තේ ඒ නිසාය. බක් මාසයම මහා උළෙලකි.
වර්තමාන සමාජ සැකැස්මට අනුව බක් මහ හෙවත් අප්‍රේල් උත්සවශ්‍රීයක් නොගත්තද තවමත් අලුත් අවුරුදු උළෙල මෙරට පැවැත්වෙන සංස්කෘතික මංගල්‍යයක් ලෙස සැලැකේ. සූර්ය මාස ක්‍රමයට අනුව පැවැත්වීම නිසා 'සූර්ය මංගල්‍යය' ලෙසින්ද හඳුන්වන අලුත් අවුරුදු උළෙල අලුත් ඇඳුම් පැලඳුම්, කෑම බීම, නෑ හිතවත්කම් අලුත් කර ගැනීම අමනාපකම් දුරුකර ගැනීම වැනි සිරිත් විරිත් අලුත් අවුරුදු චාරිත්‍ර ලෙස චිරාත් කාලයක සිට පැවතෙන්නේ ජීවිතයේ එක් කොටසක් ගෙවී අලුත් කොටසක් ඇරැඹුණාය යන ආධ්‍යාත්මික හරය නිසා විය යුතුය.

මව්බිම දැන්

තවදුරටත්

අද මව්‍බිමෙන්

තවදුරටත්

අද පුවත්පත

අද කාටූනය

mawbima Cartoon