නැවතත් මුල් පිටුවට

තීරු ලිපි - කතුවැකිය

පාර්ලිමන්ට් ජෝක්ස් (අලුත් පිටපත)   
👤2832

2016-08-13

වැඩවසම් දේශපාලන ප්‍රවාහයේ අවසානය සටහන් කරමින් ලෝකය ප්‍රජාතන්ත්‍රවාදය වෙත ප්‍රවිෂ්ට වීම ලෝක ඉතිහාසයේ රමණීය අවස්ථාවකි. එය පරම්පරා අයිතිකරුවකුට සින්නක්කරව අයිති වීමට නියමිත වූ ඔටුන්නත්, ඒ යටතේ වූ සර්ව ආකාරයෙන්ම මධ්‍යගත වූ ඒකාධිපති බලයත් යටතේ පීඩා විඳිමින් සිටි ජනතාවගේ ජයග්‍රහණයකි. සැබෑවටම පීඩිතයාගේ කුලකයට අයත්ව සිටි ජනතාවට, පාලනයට හවුල් වීමට ලැබීම සිහිනයක් බඳුය. ග්‍රීක පෞර රාජ්‍ය සංකල්පයත් සමඟ ලෝකයේ ඍජු ප්‍රජාතන්ත්‍රවාදී හැඩය නිර්මාණය වෙයි. ජනගහන වර්ධනයත්, රාජ්‍යයන් විශාල වීමත් හේතුකොට ගෙන ටික කලකින් මේ ක්‍රමය අහෝසි වී යන අතර ඒ වෙනුවට වඩාත් සාර්ථක යැයි සලකන නියෝජිත ප්‍රජාතන්ත්‍රවාදී ප්‍රවාහය නිර්මාණය වෙයි. එය ජනතාව තමන් වෙනුවෙන් නියෝජිතයකු පත්කොට ඔහු ලවා තම අභිමතයන් ක්‍රියාත්මක කරන ආකාරයේ දේශපාලන ක්‍රමයකි. ශ්‍රී ලංකාවේ පාර්ලිමේන්තුව මේ නියෝජිත ප්‍රජාතන්ත්‍රවාදයේ ක්‍රියාත්මක හැඩයයි. සරලව කියතොත් ශ්‍රී ලංකා ප්‍රජාතාන්ත්‍රික සමාජවාදී ජනරජයේ මහජනතාව තමන් වෙනුවෙන් පත් කර ගත් නියෝජිතයන් ජනතා අභිමතයන් ක්‍රියාත්මක කරන උත්තරීතර ආයතනය ශ්‍රී ලංකා පාර්ලිමේන්තුවයි. 

කෝප් සහ හෝප්ස්  
👤2694

2016-08-12

කෝප් කමිටුව අතුරු වාර්තාවක් නිකුත් කර ඇත. රාජ්‍ය ආයතන 19ක් පිළිබඳ විමර්ශන ඊට ඇතුළත් වී තිබේ. ඒ අතර මහ බැංකුව, ලංකා බැංකුව, රක්නා ලංකා, ලංකා පුත්‍ර, ලංකා විදුලි බල මණ්ඩලය, ජනවසම, චිත්‍රපට සංස්ථාව, ඛනිජ තෙල් සංස්ථාව, ජල සම්පාදන හා ජලාපවහන මණ්ඩලය, එයාර්ලංකා, ශ්‍රී ජයවර්ධනපුර රෝහල යන ආයතනද වේ.

දූෂිතයන්ගේ සුරතලය  
👤2294

2016-08-11

 

දූෂිත රාජ්‍ය ආයතන අතර මෝටර් රථ ප්‍රවාහන දෙපාර්තමේන්තුවට හිමිවන්නේ මුල් තැනකි. එහි මුල් පුටුව හොබවන්නන්ටද බොහෝ විට හිමිවන්නේ නරක නාමයකි. වර්තමානයේ මෝටර් රථ ප්‍රවාහන කොමසාරිස් ජනරාල් ධුරය දරන්නාටද බරපතළ දූෂණ චෝදනා එල්ල වී ඇතැයි ඊයේ දිනපතා 'මව්බිම' අනාවරණය කර තිබිණි.

පිලිපීනයේ එහෙම වුණත්...  
👤2846

2016-08-10

ලී ක්වාන්-යූ සිංගප්පූරුව ගොඩනැඟුවේ ලංකාව දෙස බලාගෙනය. එහෙත් ඒ, ඔහුටම ආවේණික ක්‍රමයකටය. අර්ධ ඒකාධිපති ස්වරූපයක් ගත්තද ලී ක්වාන් යූගේ පාලනය සිංගප්පූරුවේ දියුණුවට මහෝපකාරීවීම නිසා ඔහුට ප්‍රජාතන්ත්‍ර විරෝධී ඒකාධිපති හංවඩුව වැදුණේ නැත. සිංගප්පූරු අගමැතිවරයා ඇතැම් ප්‍රශ්නවලට ලබා දුන්නේ අපූරු විසඳුම්ය. අයාලේ යන හරකුන්ගේ ප්‍රශ්නයට දුන් විසඳුම ඊට කදිම නිදසුනකි.

පෝසතුන්ගේ අතපල්ලෙන් වැටෙන දුප්පත්තු  
👤1998

2016-08-09

 

ජනාධිපති රණසිංහ ප්‍රේමදාස 1988 අවුරුද්දේ "ජන සවිය" වැඩසටහන ඇරැඹුවේ "නැති බැරි අය, ඇති හැකි අය" කිරීමටය. 1994 අවුරුද්දේ ජනාධිපති චන්ද්‍රිකා බණ්ඩාරනායක කුමාරතුංග ප්‍රමුඛ "පොදු පෙරමුණු" ආණ්ඩුව "සමෘද්ධි" නමින් අලුත් වැඩසටහනක් ඇරැඹුවේ "ජනසවිය" අරමුණ වෙනත් ආකාරයකින් පෙරට රැගෙන යෑමටය. අනතුරුව බලයට පත්වූ ජනාධිපති මහින්ද රාජපක්‍ෂ යටතේ දුප්පතුන් නඟාසිටුවීමේ වැඩසටහන 'දිවි නැඟුම" ලෙස නම් කෙරිණි. "දිවි නැඟුම" නමින් දෙපාර්තමේන්තුවක්ද පිහිටුවනු ලැබීය.

වක්කඩේ හකුරු හංගමුද?  
👤1802

2016-08-08

'වක්කඩේ හකුරු හැංගුවා වගේ' කියා පිරුළක් තිබේ. ඊට ගැළපෙන සිද්ධි මෙරට ඕනෑ තරම් ඇත. කැපීම තහනම් කර ඇති කුඹුක් දැව ඉරා ප්‍රවාහනය කරමින් සිටි රත්නපුර පොලිසියේ දිසා වැටලීම් ඒකකයේ උප පොලිස් පරීක්ෂකයකු ඇතුළු සැකකරුවන් 6 දෙනකු ඉකුත් සතියේ බළන්ගොඩ කපුගල අඩවි වන කාර්යාලයේ නිලධාරීන් හා කපුගල වනජීවී කාර්යාලයේ නිලධාරීන් විසින් අත්අඩංගුවට ගනු ලැබු සිද්ධිය එවැන්නකි. ඒ වැටලීමේදී සැකකරුවන් පහර දීම නිසා වනජීවී නිලධාරීන් දෙදෙනකු තුවාල ලබා රෝහල් ගත කිරීමට සිදුවී ඇත.

'චින්තන' පෙරැළිය  
👤2024

2016-08-06

නම කියූ පමණින් රටම දන්නා පත්තරකාරයන් ඉන්නේ ටික දෙනෙකි. සෑම තරාතිරමකම මිනිසුන් ඇසුරු කළ ජනප්‍රිය පත්තරකාරයකු වූ චින්තන ජයසේන ඉකුත් සතියේ දිවියෙන් සමුගෙන ගියේ 68 වසරක් ආයු වළ¼දාය. ඔහුගේ කර්තෘත්වයෙන් ඇරැඹි "කොලම" නම් තීරු පත්තරය මෙරට පාඨකයාට අලුත් අත්දැකීමක් වූවේය. කාට කෙළවුවත් "කොලම"ට කෙළවෙන්නේ නැතැයි මංගල කලාපයේ චින්තන ලිවීය. 90 දශකයේ මුල යළි ඇරැඹි කොලම හරහා දේශපාලන සමාජ සංස්කෘතිය ඔහු නිර්දය විවේචනයට බඳුන් කළේය.

පාර බදු නොගෙන සටන් කිරීම  
👤1655

2016-08-05

 

දින කිහිපයක සිට දුම්රිය ගේට්ටුකරුවෝ වැඩ වර්ජනයක නිරතව සිටිති. ඒ අතරතුර අනාරක්‍ෂිත දුම්රිය හරස් මාර්ගවල සිදුවූ මාරක අනතුරු සංඛ්‍යාව තුනකි. ඉකුත් 3 වැනිදා කුරුණෑගල, ගනේවත්ත, වේරගල, ඇඳගල අනාරක්‍ෂිත දුම්රිය හරස් මාර්ගයේ ගමන් කළ යතුරුපැදියක් යාපනය සිට කොළඹ බලා ධාවනය වූ 'දැයට කිරුළ' ශීඝ්‍රගාමී දුම්රියේ ගැටීමෙන් මවක් හා දරු දෙදෙනෙක් මරණයට පත් වූහ. අනතුර වන අවස්ථාවේදී උණ බම්බු යෙදූ අනාරක්‍ෂිත දුම්රිය හරස් මාර්ගයේ කිසිදු මුරකරුවකු සිට නැත.

හය හතර නොදන්නා නොදරුවෝ  
👤2344

2016-08-04

 

එක්සත් ජනතා නිදහස් සන්ධාන 'මහින්ද පාර්ශ්වය' සංවිධානය කළ පාද යාත්‍රාව ඉකුත් 28 වැනිදා මහනුවරින් ගමන් ආරම්භ කෙළේ ගිලන් රථයකට පහර දීම වැනි තුට්ටු දෙකේ වැඩක් සමඟය. පිරිසුදු ජලය ඉල්ලා උද්ඝෝෂණය කළ සාමකාමී ජනතාවට වෙඩි තබා පාසල් ශිෂ්‍යයන් දෙදෙනකු හා එක්දරු පියකු මරා දමා තෙවසරක් පිරුණු ඉකුත් පළමුවැනිදා තවත් කළු පැල්ලමක් ඉතිහාසයට එක්කරමින් පාද යාත්‍රාව කොළඹින් අවසන් කළේය.

ධීවර සංස්ථාව වසා දමමු ද?  
👤2812

2016-08-03

 

ශ්‍රී ලංකාව සිවුදිගින් මුහුදෙන් වටවූ දූපතකි. රටට අයිති මුහුදු සීමාවේ මත්ස්‍ය සම්පත බහුලය. එනිසා ධීවර කර්මාන්තයෙන් ජීවත් වන විශාල පිරිසක් මෙරට සිටී. වෙනම අමාත්‍යාංශයක් ධීවරයන් වෙනුවෙන් පිහිටුවා ඇත්තේ කර්මාන්තයේ වැදගත්කම නිසාය. නිදහසින් පසු මෙරට පිහිටුවූ සෑම ආණ්ඩුවකම ධීවර ඇමැති ධුරයට කැබිනට් තත්ත්වයක් ලබාදුන් අතර 1956 ආණ්ඩුව ධීවර විෂය සඳහා වෙනම අමාත්‍යාංශයක් පිහිටුවනු ලැබීය.

මව්බිම දැන්

තවදුරටත්

අද මව්‍බිමෙන්

තවදුරටත්