නැවතත් මුල් පිටුවට

තීරු ලිපි - කතුවැකිය

දළ ඇත්තු සහ බීරි අලි  

2017-12-03

දූපතක අලි ඇතුන් සිටිනවා යැයි කිවහොත් එය අසිරිමත් කරුණක් වන්නේය. ලොව එවැනි එක් දිවයිනක් තිබේ. ඒ දිවයින ලංකාවය. ඒ දූපතේ සිටින මිනිස්සු අලි මස් අනුභව නොකරති. එහෙත් අලි ඇතුන් මරා දමති. හස්ති රාජයන්ගේ ඇත් දළ කපති. උන් යනෙන මං වසා අලි වැටවල් දමති. කොටින්ම ඒ අසරණ සතුන්ගේ ජීවිත උදුරා ගනිති.
වනාන්තරයටත් රටටත් ආභරණයක් වූ ගල්ගමුවේ සුවිසල් ඇතු මරා දළ කපා තිබේ. මහ පොළොව නුහුලන මේ අපරාධය අසන්නෝ කම්පා වෙති. නමුත් කම්පාව පමණක් සෑහේද යන ප්‍රශ්නය ඉතිරිව තිබේ. මිල කළ නොහැකිි වටිනාකමක් ඇති දළ ඇතුන් මෑත භාගයේ වෙඩි තබා මරා දැමූ එකම අවස්ථාව මෙය නොවේ.

චණ්ඩ මාරුතයෙන් පසු...  

2017-12-01

ඉකුත් 29 වැනි බදාදා උදෑසන සිට දිවයිනේ මුහුදු බඩ ප්‍රදේශ ප්‍රමුඛව ප්‍රදේශ රැසක පැවැති වැහි බර කාලගුණ තත්ත්වය රාත්‍රිය වන විට තද වැසි හා සැඩ සුළං සහිත තත්ත්වයක් බවට පත්විය. මේ හදිසි කාලගුණ විපර්යාසය මේ වන විට ගාල්ල, මාතර, කුරුණෑගල, කළුතර, බදුල්ල ඇතුළු ප්‍රදේශ රැසකට අයහපත් ලෙස බලපා ඇත. 29දා හමාගිය චණ්ඩ මාරුතයෙන් ගස් කොළන් කඩා වැටී මාර්ග අවහිර වී, නිවාස හා දේපොළ රැසකට දැඩි අලාභ හානි සිදුවී තිබිණි.

බිලිඳුන් මරණ නරුමයෝ  

2017-11-30

මහියංගණ සොරබොර ගුරුමඩ ප්‍රදේශයේ පදිංචිව සිටි පවුලක සයමස් වියැති බිලි¼දකු වගා ළිඳකට දමා ඝාතනය කළ තැනැත්තා 54 වැනි වියේ පසුවන්නෙකි.මොහු සිද්ධියෙන් අවුරුදු හතරකට පසු අත්අඩංගුවට ගෙන ඇතැයි මාධ්‍ය වාර්තා කර තිබිණි. සුවිශේෂී කාරණය වන්නේ මේ පුද්ගලයා බිලි¼දාගේ සීයා වීමත්, බිලි¼දාගේ මව වන සිය වැඩිමහල් දියණිය ඔහු විසින් දූෂණය කරනු ලැබ තිබීමත්ය.

ඉල්මහේ ‘ද්‍රෝහියෝ සහ වීරයෝ’  

2017-11-29

අපේ මවුබිම යටත් විජිතයක් වූ පසු 'නිදහස' උදෙසා කැරැලි ගසා දහස් සංඛ්‍යාත ජනයා දිවි පිදූහ. අවාසනාව වන්නේ 1948 යටත්විජිත පාලනයෙන් නිදහස්වීමෙන් පසුවද 'කැරැලි' නිසා දහස් ගණනකගේ ජීවිත අහිමිවීමය. ගතවූ අවුරුදු 70කට ආසන්න කාලපරිච්ඡේදය තුළ උතුරේ හා දකුණේ සන්නද්ධ කැරැලි තුනක් ඇතිවිය. ලේ බිඳකුදු නොසොල්වා 'නිදහස' ලබාගත් බවට පාලකයන් උදම් ඇනුවද ඉන් අනතුරුව ඇති තරම් මේ බිමේ ලේ ගලා ගියේය. ඊට වගකිවයුත්තේ එදා මෙදා-තුර මෙරට බලය හෙබවූ පාලකයන් මිස අන් කිසිවකු නොවේ.

මැතිවරණ කොමිසමට මල් මිටක්  

2017-11-28

"නිකං ඉන්න එකේ අහල ගියත් මදෑ" කිව්වා සේ තෝරාගත් පළාත් පාලන ආයතන 93කට ඇප මුදල් තැන්පත් කිරීම ඊයේ ආරම්භ කෙරිණි. ලබන 13 වැනිදා දහවල් 12.00 දක්වා ඇප තැන්පත් කිරීමට කාලය ලබා දී ඇත. අදාළ පළාත් පාලන ආයතන සඳහා නාම යෝජනා භාර ගැනීම දෙසැම්බර් 11 වැනිදා ඇරඹීමට නියමිත බව මැතිවරණ කොමිසම ප්‍රකාශ කර තිබේ.

නොදනිමි, කාගෙ ‍ෙදාසා  

2017-11-27

කෘෂිකර්ම අමාත්‍යාංශය සඳහා කුලී පදනම මත ලබාගත් රාජගිරියේ පිහිටි ගොඩනැඟිල්ල ගැන මේ දිනවල පාර්ලිමේන්තුවේ පැවැත්වෙන අය - වැය විවාදයේ කාරක සභා අවස්ථාවේදී ද සාකච්ඡාවට බඳුන් වී ඇත. ජනතා විමුක්ති පෙරමුණු මන්ත්‍රි වෛද්‍ය නලින්ද ජයතිස්සට අනුව අදාළ ගොඩනැඟිල්ල වෙනුවෙන් අතිවිශාල මුදලක් නිකරුණේ නාස්තිවී යයි. අදාළ ගොඩනැඟිල්ලේ මාස තුනක විදුලි බිල ලෙස රුපියල් හතළිස් නවලක්ෂ තිස්තුන් දහස් නවසිය අනූවක් (49,33,990) ගෙවා ඇති බව පාර්ලිමේන්තුවේදී අනාවරණය වී තිබිණි.

මැතිවරණ භීතිකාව වැලඳී ඇත්තේ කාටද..?  

2017-11-26

ප්‍රජාතන්ත්‍රවාදයේ මූලික සිද්ධාන්තයක් වනුයේ සර්වජන ඡන්ද බලයයි. ව්‍යවස්ථානුකූලව නිසිකලට, නිසි අවස්ථාවට පාලිතයන්ට පාලකයන් තෝරා පත්කර ගැනීමට අවකාශය ලබාදිය යුතුය. එවිට ජනතාව තම අභිමතය පරිදි පාලකයන් තෝරා පත්කර ගනිති. එවැනි සමාජයක්, රටක් යහපත් ප්‍රජාතන්ත්‍රවාදී දේශයක් ලෙස ලෝක බුහුමනට පාත්‍ර වන්නේය.

පුංචි ඡන්දය ‘අද නොවේ-හෙට’  

2017-11-24

පුංචි ඡන්දය ලබන ජනවාරියේ පැවැත්වීමට හැකිවේ යැයි මැතිවරණ කොමිසමේ සභාපති මහින්ද දේශප්‍රිය කියා කට ගැනීමටත් පෙර ඡන්දය යළි කල් යන ලකුණු පළ වී ඇත. පළාත් පාලන ආයතනවල ඡන්ද කොට්ඨාස සහ සභිකයන්ගේ සංඛ්‍යාව වැඩි කිරීමට අදාළව පළාත් පාලන ඇමැතිවරයා 2017 පෙබරවාරි 17 දාතමින් නිකුත් කරන ලද ගැසට් නිවේදනය වහාම ක්‍රියාත්මක වන පරිදි අත්හිටුවීමට අභියාචනාධිකරණය ඉකුත් 22 වැනිදා නියෝග කිරීම ඊට හේතුවය.

යකඩ යකා සහ අපේ යක්කු  

2017-11-23

'දුම්රියට අපලයි' සිරස්තලයෙන් පළවූ ඊයේ දිනපතා පත්‍රයේ මුල් පුවතින් කියැවුණේ දිවයිනේ ස්ථාන කිහිපයකදී දුම්රියට සිදුවූ අකරතැබ්බ ගැනය. මේ; ඒ ගැන නොව අනෙකකි. එහෙත් දුම්රියට සම්බන්ධය.

පොලිස්පතිතුමනි ලැජ්ජයි   

2017-11-22

ගිංතොට ඇවිළුණු ගින්න මේ වන විට නිවී ගොස් ඇත. එහෙත් අළුයට ගිනි පුපුරු තිබිය හැකිය. පරිස්සම් විය යුත්තේ එනිසාය. එහිදී පොලිසියට පැවැරෙන්නේ විශාල වගකීමකි.
පොලිස්පති පූජිත් ජයසුන්දර ඉකුත් 20 වැනිදා ගාල්ල නගර ශාලාවේ පැවැති ප්‍රජා පොලිස් ඒකක යළි බලාත්මක කිරීමේ රැස්වීමේදී ප්‍රකාශ කර තිබුණේ ගිංතොට විනාශය වළක්වා ගැනීමට පොලිසියත්, ගම්වාසීනුත් අසමත්ව ඇති බවය. පොලිසිය මෙහිදී "අසමත්" වී නම් ඊට ප්‍රධාන වගකිවයුත්තා අන් කිසිවකු නොව පොලිස්පතිමය.

මව්බිම දැන්

තවදුරටත්

අද මව්‍බිමෙන්

තවදුරටත්

අද පුවත්පත

අද කාටූනය

mawbima Cartoon