නැවතත් මුල් පිටුවට

තීරු ලිපි - ඉරුදින විග්‍රහය

ජේ.ආර්., ආර්.ජී. සහ ඊළඟ කෙනා  
👤4383

2017-06-08

1977 ශ්‍රී ලංකා නිදහස් පක්ෂය හෝදලා දාපු ජේ.ආර්. එක්සත් ජාතික පක්ෂය හයෙන් පහක බලයකින් ඔසවා තැබුවේය. ධර්මිෂ්ඨ රටක් හදනවා කියා ටික දවසකින් විධායක ජනාධිපති ධුරය හඳුන්වා දුන්නේය. එහෙම කරපු ජේ.ආර්. කීවේ තමන් "ඔටුනු නොපලන් රජෙක්" කියලාය. මහින්දට රජෙක් කීවේ මිනිස්සුය. ජේ.ආර්. ඔටුනු නොපලන් රජෙක් කියා ගත්තේ තමන්ටමය.

අලි මදිවට කොටි  
👤3923

2017-06-01

ක්‍රි.පූ. 64 ජූලි 18 වැනිදා රාත්‍රියේදී රෝම නගරයේ කඩ සාප්පු සමූහයකින් ගින්නක් හටගත්තේය. ඒ ගින්න නගරය අළු කරන්නට තරම් වේගයෙන් පැතිරෙන්නට වුණේය. ඒ වෙනකොට රෝම පාලකයා වුණේ "නීරෝය". ගින්න සතියක් පුරාම පැතිර යන්නට වුණේය. නීරෝ කළේ ගින්න දිහා බලාගෙන වීණා වයන එකය.
සතියකට පස්සේ ඉතිරි වුණේ රෝම නගරයේ අළු ගොඩක් විතරය. සතියකට පස්සේ නීරෝ රෝම නගරය අලුතින් හැදුවේ මාලිගාවත් එක්කය. බොහෝදෙනා කීවේ නීරෝ මාලිගාව හදන්න හිතාගෙන නගරය ගිනි තිබ්බා කියාය.

ජේ.ආර්.ගේ ගේම් සහ රවිගේ ගේම්  
👤3852

2017-05-25

ශ්‍රී ලංකාවේ ප්‍රථම පාර්ලිමේන්තු මැතිවරණයේදී බලයට පත් ඩී. ඇස්. සේනානායක රජයේ මුදල් අමාත්‍යවරයා ලෙස පත් වූයේ ජේ. ආර්.ය. හදිසියේම
ඩී. එස්. මියගියාට පස්සේ ඩඩ්ලි අගමැති වෙලා තමන්ගේ මුදල් ඇමැති ලෙස පත් කරගත්තේ ජේ. ආර්.ය. 52 මැතිවරණයෙන් නැවත දිනන ඩඩ්ලි, ජේ. ආර්. ගැන විශ්වාසය තියලා ආයෙමත් මුදල් ඇමැතිකම දුන්නේය. හැබැයි ඒ වෙනකොටත් ඩඩ්ලිත් ජේ. ආර්.රුත් අතර තරගයක් තිබුණේ පෙනෙන නොපෙනෙන ගානටය. ඒ තරගය පුපුරලා ගියේ 53 ජූලි අය වැය ඉදිරිපත් කරනකොටය. ඒ වෙද්දිත් රටේ ආර්ථිකය තිබුණේ නාය යමින්ය. 1951 වෙනකොට ලංකාවේ වෙළෙඳ අතිරික්තය රුපියල් මිලියන 345ක් වෙලා තිබුණත් 1953 වනවිට රුපියල් මිලියන 200ක හිඟයක් ඇතිවෙලා තිබුණේය.

රජීව් දීපු දේ සහ මෝඩි දෙන දේ  
👤3850

2017-05-18

'මෝඩිගේ 2017 ගමනෙයි රජීව්ගේ 1987 ගමනෙයි ලොකු වෙනසක් නෑ. දෙකෙන්ම වුණේ රටට හෙණ පාත් වෙන එක'
මෙහෙම කියන කතාවල ඇත්තක් තියෙනවද නැද්ද කියලා හොයා බලන එක මේ වෙලාවේ හොඳය.

කැඳ ලාබයි  
👤5828

2017-05-11

ගිය ජනාධිපතිවරණයේදී මහින්ද පාර්ශ්වයෙන් නිර්මාණය කළ ජනප්‍රිය වෙළෙඳ දැන්වීමක් වූයේ "යහපාලන කැඳ හැළිය" දැන්වීමය. යහපාලනය ගේන්න හදන කණ්ඩායම කැඳ හැළියක් හදන්නට හාල් දමන හැටි නිරූපණය කරන ඒ දැන්වීම බොහෝ ජනප්‍රිය විය.
"මුන් ආවොත් රටම කැඳ හැළියක් වෙනවා. අහන්න දෙයක් නෑ"
ඒ දවස්වල සමහරු කීවේ එහෙමය.

බොමුද සීතල වතුර වීදුරුවක්?  
👤4721

2017-05-04

1950-54 අය _ වැය යෝජනාවලිය සකස් කළේ එවකට මුදල් ඇමැති වෙච්ච ජේ.ආර්. ය. එතෙක් දුන් සහන කපා දමා ලෝක බැංකුව සතුටු කරන්න ජේ.ආර්.ට ඕනෑ විය. හාල් සේරුවක මිල ශත 25 සිට ශත 70 දක්වා ඉහළ දැමීම, බස්, දුම්රිය හා තැපැල් ගාස්තු වැඩි කිරීම, පාසල් දරුවන්ගේ දිවා ආහාරය අහෝසි කිරීම වැනි ලෝක බැංකුව සතුටු කරන යෝජනා පොදියක් ඒ අය වැයේ තිබුණේය. එවකට දිවයිනට පැමිණ සිටි ලෝක බැංකු නියෝජිත පිරිසේ නායකයකු වූ සර් සිඩ්නි කේන්. ජේ.ආර්.ට ප්‍රශංසා කළේ නොම්බර එකේ අය වැයක් ගෙනත් කියාය.

මේ ගයන්නේ හංස ගීතය  
👤5276

2017-04-27

ශ්‍රී ලංකා නිදහස් පක්ෂයේ හංස ගීතය ගැයෙමින් තිබේ. මේ ගෙවෙන්නේ එහි උච්චතම මොහොතයි. ශ්‍රී ලංකා නිදහස් පක්ෂය ගෙඩිය පිටින්ම එක්සත් ජාතික පක්ෂයේ සිරකරුවකු බවට පත් වී හමාරය. මේ වෙනකොට පක්ෂයේ අනන්‍යතාව නැතිවී ගොස් හමාරය. පක්ෂයට එරෙහිව එක්සත් ජාතික පක්ෂයෙන් ඡන්දය ඉල්ලා, දිනා නැවත පක්ෂය අල්ලාගත් නායකත්වයකින් මීට වඩා දෙයක් බලාපොරොත්තු විය නොහැකිය.

කයිවාරුකාරයෝ  
👤4731

2017-04-20

"අවුරුදු බත් වෙනුවට මිනිසුන්ට කන්න වුණේ මළ බත්"
මීතොටමුල්ල කුණු කන්ද නාය ගොස් මිනිස්සුන් යටකොට දැමුවාට පසු බොහෝ දෙනා කීවේ එහෙමය.
ස්වභාවික විපත් සිද්ධවෙන එක සාමාන්‍ය දෙයක් වුණාට මේ විපත "කඹ ඇදීම හින්දාම" පාත් වෙච්ච හෙණ ගෙඩියක් බව හැමෝම කියන කතාවය. අවුරුදු දෙකකට කලින් හැදුව සංහිඳියා ආණ්ඩුවේ ඉන්නවාය කියන්නේ පක්ෂ දෙකේම සුපිරි බුලට්ය. පක්ෂ දෙක එකතු වුණාම රට තව්තිසාව කරන්නට පුළුවන් කියා කැට තැබූ දේශපාලන ඔස්තාර්ලා සොයා ගන්නටවත් නැත.

තැටිය රත් වෙලාද?  
👤4184

2017-04-13

අවුරුදු ආවේ සරුසාරෙට නොවේ. හැම තැනම 'කුරුවල් වූ' ස්වාභාවයක් තුළ අලුත් අවුරුද්ද සතුටින් සමරන්නට මිනිසුන්ට පුළුවන්කමක් නැත. ආණ්ඩුවට දෙයියන්ගේ හාල් කැවිලාය. මිනිස්සුන් ගැන තඹ සතේකට මායිම් කරන්නේ නැත. ආණ්ඩුවට පළු යන්න බනින්නේ මහින්දට ඡන්දේ දුන් අය විතරක් කියලා හිතනවා නම් ආණ්ඩුවට පිස්සුය. හත්පොළේ ගාගත් ආණ්ඩුවට බනින්නේ ආණ්ඩුව හදන්න දර දිය ඇද්ද මිනිස්සුන්මය. ආණ්ඩුව කරන්නේම විහිළු වැඩය. ආණ්ඩුවට ලොකුම ප්‍රශ්න වී තියෙන්නේ පාසල් දරුවන්ගේ ඇඳුම වෙනස් කිරීම වගේ ඒවාය. කළ යුතුම වැඩ අතහරින, නොකළ යුතු දේම කරන මේ වගේ ආණ්ඩුවක් ලෝකයේ කොහේවත් නැත.
මුදල් ඇමැති කියන්නේ බඩු මිල හිතුවටත් වඩා අඩුයි කියාය. මෙහෙම කතා කොහොම කියනවාදැයි දන්නේ නැත. කොහොමත් බොහොමයකට බලය ලැබුණාම විලිලැජ්ජා නහරය කැපෙයි.

කොකා පෙන්නීම  
👤4291

2017-04-06

"පවුලේ අයට ඔටුනු පලඳවන්න මම ජනාධිපති වුණේ නෑ"
සිරිසේන ජනාධිපතිවරයා පක්‍ෂයේ තරුණ සමුළුවේදී කීවේය. ඊට අමතරව ජනාධිපතිතුමා නියම කතාවක් කියා තිබේ. ඒ තමන්ගේ පුතාත් සාමාන්‍ය දරුවෙක් මෙන් සාමාන්‍ය අසුනක සිටින බවත් ඔහුද සාමාන්‍ය තරුණයෙක් වගේ බවත්ය. ජනාධිපතිවරයා තවදුරටත් කියන්නේ පුතාට ලොකු තනතුරු මුකුත් දී නැති බවය. කතාවේ ඇත්ත බොහොම චුට්ටය. ලොකු තනතුරු ලබා දී පුතාට කිරුළ පලන්දා නැති බව ද ඇත්තය. එහෙත් ජනාධිපතිවරයා ගිය බොහෝ සංචාරවල කොතැන හෝ අසුනක් පුතාට තිබුණු බව අමතක කරන්නට බැරිය.

මව්බිම දැන්

තවදුරටත්

අද මව්‍බිමෙන්

තවදුරටත්