නැවතත් මුල් පිටුවට

තීරු ලිපි - කැබිනට් එක

මෛත්‍රිගේ ගෙදර සාම සාකච්ඡාවක්   
👤5532

2016-10-29

ආන්දෝලනාත්මක බැඳුම්කර සිද්ධිය ගැන අවසන් කෝප් කමිටු වාර්තාව පාර්ලිමේන්තුවට ඉදිරිපත් කෙරුණේ පසුගිය සිකුරාදා (28දා) දිනය. ඒ වනවිටත් කෝප් කමිටුව නියෝජනය කරන එජාප, ශ්‍රී ලනිප මෙන්ම ජවිපෙ සාමාජිකයන්ද කෝප් කමිටු සාකච්ඡා සම්බන්ධයෙන් එකිනෙකට පරස්පර අදහස් මාධ්‍ය ඔස්සේ කතා කරන්නට පටන්ගෙන තිබීම නිසා රටම සිටියේ බැඳුම්කර සිද්ධිය කුමන අවසානයක් ගනු ඇත්දැයි සිතාගත නොහැකිවය.

මහින්දගෙන් මෛත්‍රිට ආපු ඇමැතුමේ රහස එළියට  
👤5139

2016-10-22

දේශපාලන කරළිය කලම්බාලන ආකාරයේ ආන්දෝලනාත්මක කතා කිහිපයක් සිදු කිරීමෙන් අනතුරුව ජනාධිපති මෛත්‍රිපාල සිරිසේන මහතා පසුගිය සතියේ බි්‍රක්ස් හා බිම්ස්ටෙක් සමුළුව ඇමැතීමට ඉන්දියාවට ගියද ජනාධිපතිවරයා කළ කතාව හේතුවෙන් රට ඇතුළේ නැඟුණු උණුසුමේ අඩුව නම් ඉන් පහව ගියේ නැත. ඒ වෙනුවට තත්ත්වය තවත් උණුසුම් වූයේ සඳුදා (17දා) දහවල් වන විට අල්ලස් කොමිසමේ අධ්‍යක්‍ෂ ජනරාල්වරිය වූ දිල්රුක්‍ෂි ඩයස් වික්‍රමසිංහ මහත්මිය සිය තනතුරෙන් ඉල්ලා අස්වීමේ ලිපිය ජනාධිපති ලේකම් කාර්යාලයට භාරදුන් බවට මාධ්‍ය වාර්තා පළවීමත් සමඟය. කෙසේ වෙතත් ඒ වන විටත් මෛත්‍රි ගෝවේහි රැඳී සිටි නිසා දිල්රුක්‍ෂිගේ ඉල්ලා අස්වීම පිළිගත්තාද, නොපිළිගත්තාද යන වගක් ජනාධිපතිවරයාගේ පාර්ශ්වයෙන් ඉදිරිපත් වූයේ නැත. 

ආන්දෝලනාත්මක කතාවෙන් පසු මෛත්‍රි රනිල්ට කී රහස  
👤4232

2016-10-16

පැවැති පාලනයේ හොරුන් දූෂිතයන්ට එරෙහිව දඬුවම් ලබා දෙන බවටත්, ඒ සඳහා වෙනම යාන්ත්‍රණයන් ස්ථාපිත කරන බවටත්, අල්ලස දූෂණය නැති කිරීම සහ යහපාලනය බිහි කිරීම පිණිස ස්වාධීන කොමිෂන් සභා ඇති කරන බවටත් ජනතාවට පොරොන්දු දී 2015 ජනවාරි 08 වැනි දින මෙරට පාලනය භාරගත් ජනාධිපති මෛත්‍රිපාල සිරිසේන මහතා පසුගිය බදාදා (12දා) දිනයේදී සිය ප්‍රකාශන අභිභවා යමින් මුළු දේශපාලනයම කලඹාලන ආන්දෝලනාත්මක ප්‍රකාශයන් කිහිපයක් සිදු කළේය. ඒ, ශ්‍රී ලංකා පදනම් ආයතනයේ පැවැති රණවිරුවන් සඳහා නිවාස හා ඉඩම් ඔප්පු බෙදාදීමේ උත්සවයට සහභාගි වෙමිනි.

මහින්ද අහසට යවපු සංඥාව   
👤5716

2016-10-08

ජනාධිපති මෛත්‍රිපාල සිරිසේන මහතා එක්සත් ජාතීන්ගේ මහා සම්මේලනයට සහභාගි වීම සඳහා ඇමෙරිකාවේ නිව්යෝර්ක් නුවරට ගොස් සිටි දිනවල ශ්‍රී ලනිප ජේ‍යෂ්ඨයකුගේ නිවෙසේ පැවැති එක්තරා සාකච්ඡාවකදී පක්‍ෂ මහ ලේකම් දුමින්ද දිසානායක සම්බන්ධයෙන් තීරණාත්මක අදහස් කිහිපයක් හුවමාරු වන ආකාරයක් දැකගත හැකි විය. 

මෛත්‍රිගේ මල්ලිගෙන් මහින්දට ආරාධනාවක්   
👤3824

2016-10-01

ජනාධිපති මෛත්‍රිපාල සිරිසේන මහතාගේ ඇමෙරිකානු සංචාරයෙන් පසුව පැවැති මුල්ම කැබිනට් රැස්වීම පසුගිය අඟහරුවාදා ජනාධිපති ලේකම් කාර්යාලයේ පැවැති අතර බොහෝ දෙනකු විදෙස් ගතව සිටි නිසා එදින ඇමැතිවරුන් බොහෝ දෙනකුගේ මුහුණු කැබිනට් රැස්වීමේ දී ජනාධිපතිවරයාට දැකගන්නට ලැබුණේ නැත.
එහිදී මුලින්ම මුදල් අමාත්‍ය රවි කරුණානායක මහතා මෙවර ඉදිරිපත් කිරීමට නියමිත අය - වැයේ දළ කෙටුම්පතක් කැබිනට් මණ්ඩලයට ඉදිරිපත් කොට ඊට අනුමැතිය ලබාදෙන ලෙස ඉල්ලා සිටියේය. කිසිදු විරෝධතාවකින් තොරව ඊට ජනාධිපතිවරයාත්, ශ්‍රී ලනිප ඇමැතිවරුනුත් එකඟතාව පළ කිරීම නිසා මෙවර අය - වැය දෙපාර්ශ්වයේම එකඟතාවයෙන් ඉදිරිපත්වන අය - වැයක් බව සියලු දෙනාටම දැකගත හැකි විය. 

මහින්දයි-යෝෂිතයි බෙලිඅත්තේදී තරගෙට රේසිං කාර් පදිති  
👤4667

2016-09-24

එක්සත් ජාතීන්ගේ සංවිධානයේ 71 වැනි මහ සමුළුවට සහභාගි වීම සඳහා ජනාධිපති මෛත්‍රිපාල සිරිසේන මහතා ප්‍රමුඛ දූත පිරිස දිවයිනෙන් බැහැරව ගියේ ඉකුත් ඉරිදා (18දා) දිනයේදීය. ජනාධිපති ධුරයට පත්වීමෙන් පසුව මෛත්‍රි සහභාගි වූ දෙවැනි රාජ්‍ය නායක සමුළුව මෙය වීමට අමතරව තවත් විශේෂ හේතු දෙකක්ද මුල් කරගෙන මෙවර රාජ්‍ය නායක සමුළුව ලෝකයටම විශේෂ එකක් වී තිබිණි. ඉන් පළමු වැන්න වූයේ එක්සත් ජාතීන්ගේ මහා මණ්ඩලයේ මහ ලේකම්වරයා මෙන්ම ලොව පළමු පුරවැසියාද වශයෙන් සැලකෙන බැංකි මූන් මහතාගේ අවසන් සමුළුව වීමය. දෙවැන්න ලොව ප්‍රබලතම රාජ්‍ය වශයෙන් සැලකෙන ඇමෙරිකානු එක්සත් ජනපදයේ ජනාධිපතිවරයා වන බැරක් ඔබාමා මහතාගේ අවසන් සමුළුවත් මෙය වීමය. සිය දස වසරක ධුර කාල දෙක නිමා වීමෙන් අනතුරුව බැංකි මූන් මහතා මේ වසරේ සිය ධුරයට සමු දීමට සූදානම් වන අතර දෙවරක් ජනාධිපති ධුරය හෙබවූ බැරක් ඔබාමාද තව සුළු කාලයකින් සිය ධුරයෙන් විශ්‍රාම යෑම නිසා ලොව බොහෝ දෙනාගේ ඇස මෙවර රාජ්‍ය නායක සමුළුවට නිතැතින්ම යොමු වී තිබිණි.

මෛත්‍රි දුන්නු රෑ කෑම  
👤4858

2016-09-17

මේ දිනවල දේශපාලන ක්‍ෂේත්‍රයේ කෙරෙන කතාබස් අතර වැඩි ඉඩක් වෙන්වී ඇත්තේ දේශපාලනයට සම්බන්ධ නැති ප්‍රබල චරිතයක් සම්බන්ධයෙනි. ඒ ප්‍රබල දේශපාලන නොවන චරිතය වෙන කවුරුවත් නොව වත්මන් පොලිස්පති පූජිත් ජයසුන්දරය. පොලිස් සේවයේ කෙසේ වෙතත් දේශපාලන ක්‍ෂේත්‍රයේ නම් පූජිත් වඩාත් ප්‍රසිද්ධව ඇත්තේ රාජකාරිය කිරීම සම්බන්ධයෙන් සිය පහළ නිලධාරීන්ට පැය ගණන්, වරු ගණන් උපදෙස් ලබා දෙමින් කතා පවත්වන නිලධාරියකු ලෙසටය. සාමාන්‍යයෙන් දේශපාලනඥයකු පවා සිය කතාව උපරිම ලෙස විනාඩි විස්සකට තිහකට සීමා කළත් දේශපාලකයකු හෝ නොවන පොලිස්පතිවරයා සිය පහළ නිලධාරීන්ට පැය ගණන් දේශන පැවැත්වීම පොලිස් සේවය තුළ පවා මේ වනවිට ප්‍රධාන මාතෘකාවක් බවට පත්ව ඇති බවක් දැකගන්නට තිබේ.

මැලේසියානු අගමැතිගෙන් මහින්දට සංඥාවක්   
👤4636

2016-09-11

ශ්‍රී ලංකා නිදහස් පක්‍ෂයේ 65 වැනි සංවත්සරය මෛත්‍රිගේ ප්‍රධානත්වයෙන් ඉකුත් ඉරිදා දිනයේ කුරුණෑගල මාලිගාපිටියේදී මහත් උත්කර්ෂවත් අන්දමින් පැවැත්වීමට ශ්‍රී ල.නි.ප. ය පියවර ගෙන තිබිණි. සමුළුවට සති කිහිපයක් තියා ඒකාබද්ධ විපක්‍ෂය නියෝජනය කරන මහින්දගේ කණ්ඩායම සමුළුවට සහභාගි නොවන බවට ප්‍රසිද්ධියේ ප්‍රකාශ කිරීමත්, ඔවුන් නියෝජන කරන ආසන බල මණ්ඩල සාමාජිකයන්ද දෑත් ඔසවා සමුළුවට සහභාගි නොවන බවට ප්‍රකාශ කිරීමත් නිසා බොහෝදෙනා සිතා සිටියේ සමුළුවට සැලකිය යුතු ජනතා සහභාගිත්වයක් නොලැබෙනු ඇතැයි කියාය.

ශ්‍රී ලනිපයයි එජාපයයි පටන්ගත්ත අලුත්ම සටනක   
👤2420

2016-09-04

ශ්‍රී ලංකා නිදහස් පක්ෂයත් එක්සත් ජාතික පක්ෂයත් එක්ව ආණ්ඩුව පිහිටුවා මේ වන විට වසරක කාලයක් ගෙවී ගොස් ඇති නිසා ආණ්ඩුව ඇතුළේ මේ වන විට දේශපාලන අර්බුද මතුවනු ඇති බවට බොහෝ දෙනා බලාපොරොත්තුවෙන් සිටියද මේ දක්වා එවැනි බරපතළ දේශපාලන අර්බුදයකට තල්ලු වී යන ආකාරයේ ගැටුමක් මේ කාලය ඇතුළේ පැනනැඟුණු ආකාරයක් දැක ගැනීමට ලැබුණේ නැත. නමුත් පසුගිය දින කිහිපය ඇතුළත ශ්‍රී ල.නි.ප.යත්, එ.ජා.ප.යත් අතර කිසියම් සටනක් මතුව ඇති ආකාරයක් පැහැදිලිව දැකගන්නට ලැබිණි. ඒ අන්කිසිවක් අරබයා නොව එක ළඟ යෙදී ඇති ශ්‍රී ල.නි.ප.යේ 65 වැනි සම්මේලනයත්, එ.ජා.ප.යේ 70 වැනි සම්මේලනයත් මුල් කරගෙනය. ඒ සටන වෙන කිසිවක් නිසා නොව ඉතා ඉහළ පාක්ෂික සහභාගිත්වයක් මේ සමුළු දෙකට ලබා ගැනීම සඳහාය.

මෛත්‍රි හිටිහැටියෙම දවස් 5ක් නිවාඩු ගත්තෙ ඇයි?  
👤3909

2016-08-28

ක්‍රිකට් තරග සංචාරයක් සඳහා සහභාගි වීමට ලංකාවට පැමිණ සිටින ක්‍රිකට් ශේ‍ර්ණිගත කිරීම්වල අංක එකේ ස්ථානය හිමිකරගත් ඕස්ට්‍රේලියානු ක්‍රිකට් කණ්ඩායමට මේ දිනවල මුහුණදීමට සිදුව තිබෙන්නේ කිසිදා නොවූ විරූ ආකාරයේ අති දැවැන්ත පරාජයකටය. ඉතිහාසයේ කවදාවත් නැති ආකාරයට එක පිට එක දැවැන්ත පරාජයන් කිහිපයකටම මුහුණදී ඉතා දුර්වල අඩියකට වැටී සිටි ශ්‍රී ලංකා කණ්ඩායම හමුවේ ඕස්ට්‍රේලියානුවන්ට මෙලෙස අති දැවැන්ත අයුරින් නොසිතූ විරූ පරාජයක් භාර ගන්නට සිදුවිය. ටෙස්ට් තරගාවලිය 3-0ක් ලෙසත්, එක්දින තරගාවලිය 1-1ක් ලෙසත් ශ්‍රී ලංකාව හමුවේ පසුබසින්නට වූ නිසා තරග පරාජයන් දරාගත නොහැකි වූ නිසාදෝ ඕස්ට්‍රේලියානු නායකයාද කිසිම කලෙක සිදු නොකළ පරිද්දෙන් තරගාවලිය අතර මැද තම කණ්ඩායම අතැර දමා සිය මවු රටට යෑමට කටයුතු කළේය.

මව්බිම දැන්

තවදුරටත්

අද මව්‍බිමෙන්

තවදුරටත්