නැවතත් මුල් පිටුවට

තීරු ලිපි - කතුවැකිය

නිදහසේ සිහිනය  

2018-02-04

ශ්‍රී ලංකාව නිදහස දිනා ගත්තේ ලේ බිඳකුදු නොහෙළා සාමකාමීවය. ඒ නිදහස සම්පූර්ණ වූයේ 1972 ජනරජයක් වීමෙන් පසුවය. 1956 බණ්ඩාරනායක ආණ්ඩුව ඒ සඳහා පියවර කිහිපයක් තැබූ බවද කිව යුතුය. එහෙත් 'නිදහස' ලබා 1948 සිට වසර 70ක්, එනම් අඩ සියවසකට වැඩි කාලයක් ගතවී තිබුණද ලැබූ 'නිදහස' අර්ථවත් කර ගැනීම අපට හැකි වී තිබේද යන්න ප්‍රශ්නයකි.

ඉබ්බාගමුවේ පුංචි ආණ්ඩුව  

2018-02-02

පුංචි ඡන්දයට තව ඇත්තේ සතියක කාලයකි. ජනතාවට ඉතා සමීපතම මහජන ආයතන වන ප්‍රාදේශීය සභා, නගර සභා හා මහ නගර සභාවලට නියෝජිතයන් පත් කර ගැනීමට මෙමගින් අවස්ථාව ලැබුණද වසර දෙකකටත් අධික කාලයක් පමා වී ලැබුණු මේ ඡන්දය එහි මූලික පරමාර්ථවලින් වියුක්ත කිරීමට ඊනියා දේශපාලනඥයෝ කරුණු දැන දැනම වෑයමක නිරත වී සිටිති. ඔවුන් ඔළුවෙන් සිටුවීමට තැත් කරන පුංචි ඡන්දය දෙපයින් සිටුවිය හැක්කේ ඡන්දදායක ජනතාවට පමණි. ආරම්භයේ සිටම මධ්‍යම ආණ්ඩුවේ පක්ෂ - විපක්ෂ දේශපාලනඥයන්ගේ බල අරගලයේ ගොදුරක් වී තිබෙන පළාත් පාලන ආයතන, යළි මහජන සේවා ආයතන බවට පත් කළ යුතුය. මේ පුංචි ඡන්දයේදී ඒ සඳහා එක් පියවරක් හෝ පෙරට තැබීමට ඡන්දදායක ජනතාවගෙන් සැලකිය යුතු පිරිසක් හෝ ඉදිරිපත් වේ නම් එය සුබ ලකුණකි.
කාරණය අනෙකකි.

පුහු ඝෝෂා නවත්වා සොරුන්ට දඬුවම් දෙනු  

2018-02-01

බැඳුම්කර වංචා විමර්ශන කොමිසමේ වාර්තාව පිළිබඳ පාර්ලිමේන්තු විවාදය 6 වැනිදාට දින නියමව තිබේ. නිශ්චිත ලෙසම මහජන මුදල් වංචා කළ, සොරුන් සිර ගෙයටත් එතැනින් අවීචි මහා නරකාදියටත් යවන බව ජනාධිපති සිරිසේන කැට තබා ප්‍රකාශ කරමින් සිටී. තමා ධුරය හැර යන්නේ සොරුන්ට දඬුවම් දීමෙන් පසුව බවද හෙතෙම පවසයි.
මෙරට ආණ්ඩු විසින් පත්කරනු ලැබූ කොමිෂන් සම්බන්ධයෙන් බලයේ සිටි පාලක පක්ෂ ක්‍රියාකළ ආකාරය ගැන කීර්තිමත් ඉතිහාසයක් ලංකාවට නැත. නිදහසින් පසුව ගෙවුණු වසර 70 තුළ පත් කරන ලද කොමිෂන් සංඛ්‍යාව 50කට වැඩි මිසක් අඩු නැත. උදාහරණ කිහිපයක් සඳහන් කරන්නේ නම් 1960 පාර්ලිමේන්තුවේ අල්ලස් විමර්ශන කොමිසම, 1977 නගර සභාවල අක්‍රමිකතා පිළිබඳ කොමිසම, 1978 මහ නගර සභාවල අක්‍රමිකතා පිළිබඳ පරීක්ෂණ කොමිසම 1977 සන්සෝනි කොමිසම, 1978 ශ්‍රී ලංකා ගුවන් සේවා පිළිබඳ පරීක්ෂණ කොමිසම, 1971 රාජ්‍ය මැණික් සංස්ථා කොමිසම, 1973 පේරාදෙණි විශ්වවිද්‍යාල රාජකීය කොමිසම 1994- 97 බටලන්ද කොමිසම, විජය කුමාරතුංග ඝාතන කොමිසම ආදිය සඳහන් කළ හැකිය.

පැය විසිහතරේ වැඩවර්ජනේ  

2018-01-31

කොයිතරම් කිව්වත් කොච්චර කිව්වත් වැඩක් නැත. අපේ ‍ෙදාස්තර මහත්වරුන්ගේ කෝකටත් තෛලය වැඩවර්ජනය.
නව වසරේ පළමුවැනි මාසය අවසන් වීමට දිනයක් ඉතිරිව තිබියදී ‍ෙදාස්තරවරුන් එක්දින වැඩවර්ජනයක් පැවැත්විය. අද ඒ සඳහා තෝරානොගත්තේ පොහොය දිනය නිසා විය යුතුය. කෙසේවුවද ඉල්ලීම් කිහිපයක් ලබාදීම නිසා වැඩවර්ජනය ඊයේ දහවලේ අවසන් කෙරිණි.

ඉස්සන් සහ කකුළුවෝ  

2018-01-30

ශ්‍රී ලංකා මහ බැංකු බැඳුම්කර ජනාධිපති කොමිෂන් වාර්තාව සහ බරපතළ වංචා දූෂණ, රාජ්‍ය සම්පත්, වරප්‍රසාද, බලය හා අධිකාරිය අනිසි ලෙස භාවිත කිරීම සම්බන්ධ ජනාධිපති කොමිෂන් වාර්තා පිළිබඳ පාර්ලිමේන්තු විවාදය ගැන විවාදයන් මේ වන විට පාර්ලිමේන්තුව නියෝජනය කරන පක්ෂ අතර ඇති වී තිබේ. මේ විවාදයට මුල් වූයේ ජනාධිපතිවරයා ශ්‍රී ලනිප නායකයා ලෙස සහභාගි වූ එක්සත් ජනතා නිදහස් සන්ධාන මැතිවරණ ප්‍රචාරක රැලියකදී කළ ප්‍රකාශයකි.

අපේ ‍ෙදාස්තර මහත්වරු  

2018-01-29

ආණ්ඩුවට නිතර වැඩ වර්ජන තර්ජන කරන ‍ෙදාස්තරවරුන් ඉකුත් දිනෙක මහ පාරේ ගුටි ඇනගෙන කලිසම් ඉරාගත්තේය. ඒ ඉකුත් 24 වැනිදා පැවැති ශ්‍රී ලංකා වෛද්‍ය සභාවේ සාමාජිකයන් වශයෙන් පත්වීමට සුදුස්සන් තේරීමේ නිලවරණයේදීය.

තර්ජන වර්ජන  

2018-01-28

පළාත් පාලන මැතිවරණය එළිපත්තට පැමිණ තිබේ. ඒ අතර කවුරු අසතුටු සතුටු වුවත් ක්‍ෂේත්‍ර ගණනාවක වර්ජන රැල්ලක් ද මතු වෙමින් තිබේ. වර්ජන තර්ජනය එල්ල කරන පාර්ශ්ව එකහෙළාම පවසන්නේ දීර්ඝ කාලයක් තිස්සේ තමන් පාලකයන්ට යොමු කළ ආයතනික ප්‍රශ්නවලට විසඳුම් දීමට රජය දක්වන උදාසීනභාවය හා නොමඟයැවීම් නිසා වර්ජනයකට යනවා හැර වෙනත් විසඳුමක් තමන්ට නැති බවය.

උෟවේ සිද්ධි දෙකක්  

2018-01-26

උෟව පළාතට දිස්ත්‍රික්ක දෙකකි. එකක් බදුල්ලය. අනෙක මොනරාගලය. මේ දිස්ත්‍රික්කවලින් එක ළඟ ළඟ ආන්දෝලනාත්මක සිදුවීම් දෙකක් වාර්තා විය. එක් සිද්ධියකට මුල්වුණේ පොලිස් නිලධාරියෙකි. අනෙක් සිද්ධියට දේශපාලනඥයෙකි. මේ දෙපාර්ශ්වය මෙවැනි වැඩවලට තකට තකය.

ජනපතිගේ කඩුව සහ හවුලේ අවුල  

2018-01-25

මෛත්‍රි - රනිල් හවුල් ආණ්ඩුව ඇරැඹුණේම 'අවුල' නළලේ කොටාගෙනය. ප්‍රධාන හවුල්කාර පක්ෂ දෙකෙන් එකක් වන ශ්‍රී ලංකා නිදහස් පක්ෂයේ බහුතර මන්ත්‍රිවරුන් ඒකාබද්ධ විපක්ෂය ලෙස හඳුන්වා ගනිමින් පාර්ලිමේන්තුවේ විපක්ෂයේ අසුන් ගැනීම ඊට හේතුවය.

නිවැරැදි දේ වැරැදි ලෙස දකින්නෝ  

2018-01-24

ස්වාධීන මැතිවරණ කොමිෂන් සභාවක් යටතේ ලංකා ඉතිහාසයේ පැවැත්වෙන ප්‍රථම මැතිවරණය වන්නේ මේ පළාත් පාලන ඡන්දයයි. 1977 මහ මැතිවරණයෙන් පසු කේවල ක්‍රමය මූලික කරගෙන පැවැත්වෙන මේ මැතිවරණයේදී මැතිවරණ නීති අකුරටම ක්‍රියාත්මක කිරීමට කොමිෂන් සභාව උත්සාහ දරන බව පෙනේ. එය ඡන්දදායකයන්ට කරන ගෞරවයකි. විකෘති මැතිවරණවලින් සැබෑ ජනමතය පිළිබිඹු වන්නේ නැත. ලංකාව වැනි රටවල පමණක් නොව ඇමෙරිකාව වැනි රටවලද මැතිවරණ දූෂණ සිදුවේ. එහෙත් ඒවා වැළැක්වීමට ඍජු පියවර ගන්නා අතරම වැරැදිකරුවන් වුවහොත් නීතියෙන් දඬුවම් හිමිවේ. ඒ නිසා ඡන්දදායක ජනතාව තුළ ප්‍රජාතන්ත්‍රවාදය ගැන යම් හෝ විශ්වාසයක් තිබේ. විශේෂයෙන් 1977 සිට මේ රටේ සිදුව ඇත්තේ ඡන්දය ගැන ජනතාව තුළ තිබූ ගෞරවය පිළිගැනීම කෙළෙසීමය.

මව්බිම දැන්

තවදුරටත්

අද මව්‍බිමෙන්

තවදුරටත්

අද පුවත්පත

අද කාටූනය

mawbima Cartoon