නැවතත් මුල් පිටුවට

තීරු ලිපි - කතුවැකිය

හොඳ තීන්දුවක්  
👤4045

2016-09-09

පාර්ලිමේන්තුවේ හිටපු මන්ත්‍රිවරයකු මෙන්ම ජනාධිපති උපදේශකයකු ලෙසද කටයුතු කරමින් සිටි භාරත ලක්‍ෂ්මන් ප්‍රේමචන්ද්‍ර ඇතුළු සිවුදෙනකුගේ ඝාතනවලට පස් වසරක් පිරීමට මාසයක් ඉතිරිව තිබියදී මියගිය අයට යුක්තිය ඉටු කෙරිණි. පාර්ලිමේන්තුවේ කොළඹ දිස්ත්‍රික් හා අධීක්ෂණ මන්ත්‍රිවරයකුද වූ ආර්. දුමින්ද සිල්වා ඇතුළු සිව්දෙනකුට මරණ දඬුවම ලබා දීමට අධිකරණය තීරණය කළේය.

තරුණ පරපුරට ‘බැලට් එක’ එපා වෙලාද?  
👤3784

2016-09-08

සර්වජන ඡන්ද බලය ජනතාව සතු පරමාධිපත්‍යයේ සංකේතයකි. සීමිත පිරිසකට පමණක් හිමිව තිබූ ඡන්ද බලය අවුරුදු 18ට වැඩි සියලු පුරවැසියන්ට ලබාදීමට බි්‍රතාන්‍ය පාලකයන් සූදානම් වූ අවස්ථාවේ ප්‍රභූ පන්තියේ බොහෝ දෙනා ඊට විරුද්ධ වූයේ එය වඳුරන්ට දැළි පිහි දීමක් ලෙස සලකාය. එහෙත් පිරිමි - ගැහැනු භේදයකින් තොරව සියලු දෙනාටම ඡන්ද බලය ලබාදීමට බි්‍රතාන්‍යය කටයුතු කළේය.

‘කටුනායකට’ සම්මානයක්  
👤2983

2016-09-07

ලෝකයේ සාමකාමීම රටවල් දහය අතරට හෝ ලෝකයේ සතුටින්ම සිටින රටවල් දහය අතරට හෝ ශ්‍රී ලංකාව ඇතුළත් වී තිබුණේ නැත. 'සමත්' රටවල් දහය අතරට ඇතුළත් වීමට නම් මේ යන ආකාරයට ලංකාවට කාලාන්තරයක් බලා සිටීමට සිදුවනු ඇත. එහෙත් දිවිනසා ගැනීමෙන්, සැර මත්පැන් පානයෙන්, ලිංගික අපයෝජනවලින්, අන්තර්ජාලයේ 'සෙක්ස්' පරීක්ෂාවෙන් ලෝකයේ පළමු රටවල් දහයේද ලංකාව සිටින්නේ ඉහළම තැනකය. අලුත්ම සමීක්ෂණයකට අනුව ආසියා රටවල ඉතා දුර්වල අන්තර්ජාතික ගුවන් තොටුපොළ අතරින් කටුනායක අන්තර්ජාතික බණ්ඩාරනායක ගුවන් තොටුපොළ දස වැනි ස්ථානයට පත්ව සිටී.
ආසියාවේ දුර්වලම අන්තර්ජාතික ගුවන් තොටුපොළ ලෙස නම් කර ඇත්තේ නේපාලයේ කත්මන්ඩු හි ත්‍රිබුවාන්ය. දෙවැනි ස්ථානයේ පසුවන්නේ උස්බෙකිස්තානයේ ටෂ්කන්ට් ගුවන් තොටුපොළය. ඇෆ්ගනිස්තානයේ කාබුල්හි හමීඩ් කර්සායි ගුවන් තොටුපොළට තෙවැනි ස්ථානය හිමිව ඇත. අන්තර්ජාතික ගුවන් තොටුපොළක මගීන්ට ලබා දෙන පහසුකම්, ආහාර පාන ඇතුළු විවිධ කරුණු සලකා බලා මේ වර්ගීකරණය කර තිබේ. අදාළ සමීක්ෂණය සිදු කළ විදේශීය වෙබ් අඩවියට අනුව කටුනායක ගුවන් තොටුපොළේ අඩුපාඩු රැසකි.

‘අලියට’ 70 - ‘අතට’ 65  
👤1859

2016-09-06

1948 නිදහසින් පසු ගෙවී ගිය 68 වසර තුළ මේ රට පාලනය කරන ලද්දේ පක්ෂ දෙකක් විසිනි. ඒ අද 70 වැනි විය සමරන එක්සත් ජාතික පක්ෂය හා ඉකුත් සිකුරාදා 65 වැනි විය සැමරූ ශ්‍රී ලංකා නිදහස් පක්ෂයයි. මහජන එක්සත් පෙරමුණ, ලංකා සමසමාජ පක්ෂය, කොමියුනිස්ට් පක්ෂය, ලංකා කම්කරු කොංග්‍රසය, ශ්‍රී ලංකා මුස්ලිම් කොංග්‍රසය හා ජනතා විමුක්ති පෙරමුණ වරින් වර මේ පක්ෂ දෙකේ නායකත්වයෙන් පිහිටුවූ ආණ්ඩුවල හවුල්කාරයෝ වූහ.

මුහුණේ දැලි ගා ගමුද?  
👤2294

2016-09-05

80 දශකයට පෙර බොහෝ දේශපාලනඥයන් සිතුවේ තමන් ජනතාවගේ යටහත් සේවකයන් බවය. අතේ තිබෙන මුදල් වැය කළා මිස පොදු ජනතාවගේ මුදල් සාක්කුවේ දමාගැනීමට ඔවුන් වැඩ කළේ නැත. ඡන්දයට වියදම් කිරීමට මුදල් නොමැතිවීම නිසා එස්.ඩබ්.ආර්.ඩී. බණ්ඩාරනායක මහතා 'රොස්මිඩ් වලව්ව' උකස් කළ බව ප්‍රකටය. 70 දශකයේ අග භාගයේ මේ මජර දේශපාලනය මෙබිම රෝපණය වූ අතර 80 දශකයේ මැද භාගය වන විට එය මුල්බැස ගෙන තිබිණි. වර්තමානයේදී එය පිළිකාවක් මෙන් රටේම පැතිරී ගොස් ඇත. මේ 'දේශපාලනය' මුලිනුපුටා දැමීමට කිසිවකුට පහසු නැත.

මහජන බැංකු මගඩිය   
👤1553

2016-09-04

ශ්‍රී ලංකාව ආර්ථික අර්බුදයේ කරවටක් ගිලී ඇති බව ආර්ථික විශේෂඥයෝ කියති. රට කෝටි නව ලක්‍ෂයක ණය බරක සිරවී ඇති බව ශ්‍රී ලංකා මහ බැංකුව කියයි. එකී ආර්ථික අර්බුදයෙන් ගොඩ එනු පිණිස රටක් හැටියට අප දරනු ලබන ප්‍රයත්නයේ පළමු කොන්දේසිය වනුයේ ආර්ථික ක්‍ෂේත්‍රයෙහි ඉතා දියුණු මූල්‍ය විනයක් පවත්වා ගැනීමය.

බැන් කී මූන්ගේ දෙවැනි ගමන   
👤1935

2016-09-02

'තණකොළ, ගස්ද පණුවන් හා අනේකවිධ කෘමි සතුන්ද උරග ගණයේ සත්ත්වයන්ද මත්ස්‍යයන්ද පක්ෂීන්ද තුළ ජාතියට අයත් සලකුණු ඇත. එහෙත් මිනිසුන් අතර ජාතියට අයත් සලකුණු නැත. ඔවුන්ගේ කෙස්, හිස්, කන්, ඇස්, කට, නැහැය, තොල්, බැම යන මේ සම්බන්ධයෙන්ද එබඳු සලකුණු නැත්තේමය. එබැවින් මිනිසුන් එකම ජාතියකි. ඔවුන් අතර වෙනස 'නමමැ' පමණක් යැයි' ගෞතම බුදුන් වහන්සේ වාසෙට්ඨ්‍ය බ්‍රාහ්මණයා අරබයා දේශනා කළ සේක. එහෙත් බුදුන් තෙවරක් වැඩම කළ බව කියන, නිර්මල බුදු දහම පවතින්නේ යැයි අදහන මෙරට ජාතිය හා ආගම මුල් කරගත් අන්තවාදී අදහස් උදහස් රජ කරන්නේ ඇයි? පැතිර පවත්නේ ඇයි?

කාලා ‘ජරාව‘ මුසුවූ භෝජන  
👤1997

2016-09-01

ඉකුත් අගෝස්තුවේ සතියක කාලයක් ආහාර සුරක්‍ෂිතතාව සඳහා වෙන් කිරීමට ආණ්ඩුවට සිදුවූයේ 'ආහාර' සම්බන්ධයෙන් අනාරක්‍ෂිත බවක් ඇතිවී තිබෙන නිසාය.
වස විස මුසු වූ ආහාර පරිභෝජනය කිරීම පාරිභෝගික ජනතාවගේ ශරීර සෞඛ්‍යයට අහිතකර ලෙස බලපා ඇත. බරපතළම කාරණය වන්නේ මිනිස් පරිභෝජනයට නුසුදුසු ආහාර අලෙවි කිරීමය.

දඹුල්ලේ 'අපාය'  
👤2148

2016-08-31

 

1994 බලයට පත්වූ පොදු පෙරමුණු ආණ්ඩුව ආර්ථික මධ්‍යස්ථාන සංකල්පය රටට හඳුන්වා දුන්නේය. මේ වන විට ආර්ථික මධ්‍යස්ථාන කිහිපයක් දිවයිනේ තැන තැන පිහිටුවා ඇත. මෙරට විවෘත වූ ප්‍රථම ආර්ථික මධ්‍යස්ථානය වන්නේ දඹුල්ල විශේෂිත ආර්ථික මධ්‍යස්ථානයයි.

අපරාධ ම¾ඩින්න පොලිසියට බැරි ඇයි?  
👤2050

2016-08-30

 

ඊයේ දිනපතා 'මව්බිම' මුල් පිටුවේ සම්පූර්ණ තීරුවක් 'ක්‍රයිම් රැල්ල' ශීර්ෂය යටතේ අපරාධ ප්‍රවෘත්තිවලට වෙන් කර තිබිණි. ඊට හේතුව දිවයිනේ සිවු දෙසින් ගලා එන අපරාධ ප්‍රවෘත්ති දිනෙන් දින ඉහළ යෑම නිසාය.

මව්බිම දැන්

තවදුරටත්

අද මව්‍බිමෙන්

තවදුරටත්