නැවතත් මුල් පිටුවට

තීරු ලිපි - කතුවැකිය

වෙරි වූ විනය  
👤1649

2016-08-23

සැර මත්පැන් පානයෙන් පසුගිය වසරේ ලෝකයේ කප් ගහපු රට බවට පත්ව ඇත්තේ සසිරිබර මෙසිරිලකය. ඊයේ දිනපතා "මව්බිම" මුල් පුවතට අනුව නම් සූර් වී උඩින් යෑමෙන්ද ලංකාව කප් ගැසීමට සූදානම් වන බව පෙනේ.

මත් රකුසාගේ ආදිවාසී ගොදුරු බිම  
👤1940

2016-08-22

රටේ භෞමික අඛණ්ඩතාවට තර්ජනයක් වීම, ජිනීවා යෝජනාවලට සම අනුග්‍රාහකත්වය ලබාදීම, නීතියේ සාධාරණත්වය විපරිත කරවන විමසීම් ක්‍රියා පටිපාටිය ඇතුළුව අතුරුදන් වූවන් පිළිබඳ කාර්යාල පනත තුළ සැඟවුණු ජාතික උවදුරු කිහිපයක්ම ඇතැයි මහාචාර්ය ජී.එල්. පීරිස් මහතා පෙන්වා දෙයි.

මෛත්‍රි-රනිල් ආණ්ඩුවට අවුරුද්දයි! ඊළඟට...   
👤1794

2016-08-20

මේ අගෝස්තුවට මෛත්‍රි - රනිල් ආණ්ඩුවට අවුරුද්දකි. මෛත්‍රිපාල සිරිසේන මහතා ජනාධිපති ධුරයට පත්වී මේ වන විට අවුරුදු එකහමාරක් ගතවී තිබේ. මහින්ද රාජපක්‍ෂ මහතාගේ අත්තනෝමතික පාලනය වෙනුවට යහපාලනයක් උදෙසා ජනතාව ඡන්දය පාවිච්චි කෙළේ අපේක්‍ෂා රැසක් පෙරදැරි කරගෙනය. ඒ අපේක්‍ෂා මල්ඵල ගැන්වීමේ මාවතකට මෛත්‍රි - රනිල් පාලනය ගෙවුණු කාලයේදී අවතීර්ණ වී තිබේද? 

අලි කෙළිය  
👤1630

2016-08-19

'අලි බැලිල්ලයි බලි බැලිල්ලයි එපා වෙන්නෙ නැහැ' කියා කතාවක් තිබේ. ඒ කෙසේ වෙතත් අලි ගැන ලියන එකනම් දැන් ඇතිවී ඇත. බලි ඇරලවත් අලි ප්‍රශ්නයට නම් විසඳුමක් හොයාගන්න බැරි බව පෙනේ. ඊට ප්‍රධාන හේතුව අලින්ට තරම් මොළයක් බලධාරීන්ට නැති වීමය.

පූජිත් කොළේ ඉරා ගන්න එපා!  
👤2372

2016-08-18

රාජ්‍යයක ගරු කටයුතු තනතුරු තිබේ. ජනාධිපති, අගමැති, හැරුණු කොට කතානායක, අගවිනිසුරු, නීතිපති, විගණකාධිපති, පොලිස්පති, හමුදාපති එවැනි තනතුරු කිහිපයකි.
මේ ගරු කටයුතු තනතුරු දරන්නන් විශේෂයෙන් දේශපාලනඥයන් නොවන්නන් නිතර දෙවේලේ මාධ්‍යවල පෙනී සිටින්නේ නැත. සභාවක කතා කරන්නේද ඉඳහිටය. එයද කෙටියෙනි.

දුම්රියට ගල් ගසන මානසිකත්වය  
👤1760

2016-08-16

දුම්රියෙන් ගමන් කරද්දී කිසිවකු එල්ල කළ ගල් ප්‍රහාරයකදී පහරකෑ අනුරාධපුර සහකාර අධ්‍යාපන අධ්‍යක්‍ෂවරයකු වූ කේ.එල්. පුෂ්පකුමාර මහතා ජීවිතක්‍ෂයට පත්වූ පුවත රටේම අවධානයට ලක් විය. එය එතරම්ම දැනුණේ ඔහු කොළඹ පැමිණ නැවත විභාග රාජකාරි සඳහා දුම්රියෙන් යෑමත්, ගල් පහර වැදී සිහිසුන් වීමත්, දින ගණනාවකට පසු මියයෑමත් නිසාය.

අතුරුදන් වූවන් සෙවීමේ ශුද්ධ වූ අයිතිය   
👤1761

2016-08-15

මානවවාදීව සිතන්නේ නම් ඕනෑම මනුෂ්‍යයකුට ගෞරවාන්විත මරණයක් තිබිය යුතුය. ඔහුගේ හෝ ඇයගේ ජාතිය, ආගම, කුලය යන කිසිවක් මේ මිනුම් දණ්ඩට අයත් විය යුතු නැත. කිසිවකුත් ඒ ගෞරවාන්විත මරණයෙන් මෙහා තිරිසන් වධ බන්ධන, අතුරුදන් කරවීම්, පැහැරගැනීම් හෝ වෙනත් ඕනෑම කුරිරු පිළිවෙත් බලාපොරොත්තු වන්නේ නැත්තේ "මනුෂ්‍යයන් වශයෙන් කවුරුත් නිදහස්ව පිබිදී ජීවත්වී ජීවිතයෙන් සමුගත යුතු" සැබෑව අත්විඳීමට කැමැති නිසාය.

පාර්ලිමන්ට් ජෝක්ස් (අලුත් පිටපත)   
👤2724

2016-08-13

වැඩවසම් දේශපාලන ප්‍රවාහයේ අවසානය සටහන් කරමින් ලෝකය ප්‍රජාතන්ත්‍රවාදය වෙත ප්‍රවිෂ්ට වීම ලෝක ඉතිහාසයේ රමණීය අවස්ථාවකි. එය පරම්පරා අයිතිකරුවකුට සින්නක්කරව අයිති වීමට නියමිත වූ ඔටුන්නත්, ඒ යටතේ වූ සර්ව ආකාරයෙන්ම මධ්‍යගත වූ ඒකාධිපති බලයත් යටතේ පීඩා විඳිමින් සිටි ජනතාවගේ ජයග්‍රහණයකි. සැබෑවටම පීඩිතයාගේ කුලකයට අයත්ව සිටි ජනතාවට, පාලනයට හවුල් වීමට ලැබීම සිහිනයක් බඳුය. ග්‍රීක පෞර රාජ්‍ය සංකල්පයත් සමඟ ලෝකයේ ඍජු ප්‍රජාතන්ත්‍රවාදී හැඩය නිර්මාණය වෙයි. ජනගහන වර්ධනයත්, රාජ්‍යයන් විශාල වීමත් හේතුකොට ගෙන ටික කලකින් මේ ක්‍රමය අහෝසි වී යන අතර ඒ වෙනුවට වඩාත් සාර්ථක යැයි සලකන නියෝජිත ප්‍රජාතන්ත්‍රවාදී ප්‍රවාහය නිර්මාණය වෙයි. එය ජනතාව තමන් වෙනුවෙන් නියෝජිතයකු පත්කොට ඔහු ලවා තම අභිමතයන් ක්‍රියාත්මක කරන ආකාරයේ දේශපාලන ක්‍රමයකි. ශ්‍රී ලංකාවේ පාර්ලිමේන්තුව මේ නියෝජිත ප්‍රජාතන්ත්‍රවාදයේ ක්‍රියාත්මක හැඩයයි. සරලව කියතොත් ශ්‍රී ලංකා ප්‍රජාතාන්ත්‍රික සමාජවාදී ජනරජයේ මහජනතාව තමන් වෙනුවෙන් පත් කර ගත් නියෝජිතයන් ජනතා අභිමතයන් ක්‍රියාත්මක කරන උත්තරීතර ආයතනය ශ්‍රී ලංකා පාර්ලිමේන්තුවයි. 

කෝප් සහ හෝප්ස්  
👤2605

2016-08-12

කෝප් කමිටුව අතුරු වාර්තාවක් නිකුත් කර ඇත. රාජ්‍ය ආයතන 19ක් පිළිබඳ විමර්ශන ඊට ඇතුළත් වී තිබේ. ඒ අතර මහ බැංකුව, ලංකා බැංකුව, රක්නා ලංකා, ලංකා පුත්‍ර, ලංකා විදුලි බල මණ්ඩලය, ජනවසම, චිත්‍රපට සංස්ථාව, ඛනිජ තෙල් සංස්ථාව, ජල සම්පාදන හා ජලාපවහන මණ්ඩලය, එයාර්ලංකා, ශ්‍රී ජයවර්ධනපුර රෝහල යන ආයතනද වේ.

දූෂිතයන්ගේ සුරතලය  
👤2201

2016-08-11

 

දූෂිත රාජ්‍ය ආයතන අතර මෝටර් රථ ප්‍රවාහන දෙපාර්තමේන්තුවට හිමිවන්නේ මුල් තැනකි. එහි මුල් පුටුව හොබවන්නන්ටද බොහෝ විට හිමිවන්නේ නරක නාමයකි. වර්තමානයේ මෝටර් රථ ප්‍රවාහන කොමසාරිස් ජනරාල් ධුරය දරන්නාටද බරපතළ දූෂණ චෝදනා එල්ල වී ඇතැයි ඊයේ දිනපතා 'මව්බිම' අනාවරණය කර තිබිණි.

මව්බිම දැන්

තවදුරටත්

අද මව්‍බිමෙන්

තවදුරටත්