නැවතත් මුල් පිටුවට

තීරු ලිපි - කතුවැකිය

ප්‍රමිතියෙන් තොර ඉදිකිරීම්  

2017-05-25

ගොඩනැඟිලි ඉදිකිරීම් වූ කලී රටක සංස්කෘතික වටිනාකම් මෙන්ම සමාජයක හැඩගැස්ම, විනය, යහපැවැත්ම ආදී බොහෝ දේ ලොවට පෙන්වන කැඩපතකි. රෝමය, ග්‍රීසිය, ඉතාලිය වැනි රටවල මෙන්ම ශ්‍රී ලංකාවේ නම් අනුරාධපුරයේ, පොළොන්නරුවේ හා සීගිරියේ ඉදිකිරීම් තුළ අප දකින්නේ එම අතීත සංස්කෘතීයේ සහ ශිෂ්ටාචාරයේ ප්‍රතිරූපය හා ශ්‍රී විභූතිය බව අමුතුවෙන් සඳහන් කළ යුතු නොවේ.

ඩෙංගු සංග්‍රාමය යන අත හරිද?  

2017-05-24

ඩෙංගු වසංගත තත්ත්වයක් කරා වර්ධනය වීම සම්බන්ධයෙන් සෞඛ්‍ය බලධාරීන් විසින් කරනු ලැබූ පුරෝකථන සැබෑවක් වෙමින් තිබේ. මේ වනවිට ගම්පහ සහ කොළඹ දිස්ත්‍රික්ක ඩෙංගු අධි වසංගත තත්ත්වයක් කරා ළඟා වෙමින් ඇත. සතිය ආරම්භයේදීම අසන්නට ලැබුණේ බිහිකළ බිලිඳා තනිකර ඩෙංගු වැලඳුණු මව මෙලොව හැරගිය දුක්මුසු පුවතකි.

ආණ්ඩුව, ආණ්ඩු කළ යුතුය  

2017-05-23

ජන ජීවිතයේ සාමකාමී යහපැවැත්ම රටක පුරවැසියන්ගේ ප්‍රාර්ථනාව වන්නේය. තිස් වසරක් පැවැති යුද්ධයෙන් අනේකවිධ පීඩාවන්ට ගොදුරු වී අත්දැකීම් ඇති මෙරට ජනයා සමාජයේ සාමකාමී පැවැත්ම බිඳ වැටීම පිළිබඳව නිරන්තරව සැකයෙන්, බියෙන් හා අවධානයෙන් පසුවීම පුදුමයක් නොවේ. ඉකුත් දින කීපය තුළ ප්‍රදේශ ගණනාවකින් වාර්තා වූ ඇතැම් සිදුවීම් ජන ජීවිතයේ යහපැවැත්මට හානිදායක, සංහිඳියාව බරපතළ අයුරින් පලුදු කරවන අන්තවාදීන්ගේ ක්‍රියාකාරකම් බව අමුතුවෙන් කිව යුතු නොවේ.

මහා සඟරුවණ රටට දුන් ආදර්ශයට නමස්කාර වේවා   

2017-05-22

මහනුවර මහ රෝහල් පරිශ්‍රය තුළ රෝගීන් ඔබ මොබ ගෙනයෑම පිණිස විදුලි මොටර්රියක් මිල දී ගැනීම සඳහා අවශ්‍ය ලක්‍ෂ 20ක මුදල උපයා ගැනීමට මහා සංඝරත්නය ඓතිහාසික මහනුවර නගරයේ පිණ්ඩපාතයේ වැඩම කළ පුවත අද අප පත්‍රය වාර්තා කර තිබේ. සමාජයත්, රටත්, අවරට යන යුගයක එය කලකින් අසන්නට ලැබුණු සිත් පහන් කරවන ප්‍රවෘත්තියකි. කන්ද උඩරට මහනුවර රෝහල මධ්‍යම පළාතේ තිබෙන ප්‍රධාන ආරෝග්‍යශාලාව වන්නේය. නුවරඑළිය, මහියංගණය, අම්පාර, වියලුව ආදී ඉතා දුෂ්කර පළාත්වල අසාධ්‍ය රෝගීන් යොමු කරවන්නේ මහනුවර මහ රෝහලටය. උස් බිමක පිහිටා ඇති රෝහල් පරිශ්‍රයේ රෝගීන් එහා මෙහා ගෙනයෑම අතිදුෂ්කර කාර්යයක් බව අමුතුවෙන් කිව යුතු නොවේ.

ජයෝන්මාදයෙන් සතුටු විය හැකිද?  

2017-05-21

2009 යුද ජයග්‍රහණයේ 8 වැනි ජාතික රණවිරු සැමරුම ඉකුත් සතියේ යෙදී තිබිණි. රජය බත්තරමුල්ලේ රණවිරු ස්මාරකය අබියස ජනාධිපතිවරයාගේ ප්‍රධානත්වයෙන් සැමරුම් උළෙල පැවැත්වීය. යුද ජයග්‍රහණයේ සැමරුම් උත්සව තවත් නොයෙක් තැන්වලදීද පැවැත්විණි. එකී උත්සව වැඩි ප්‍රමාණයක් පැවැත්වෙන්නේ ආරක්ෂක අංශවල හා සන්නද්ධ සේවාවන්හි මැදිහත් වීමෙනි.

උතුරු මැද පොරය  

2017-05-19

උතුරු මැද පළාත් සභාවේ බල අරගලයකි. ඒ ශ්‍රී ලනිපයේ මෛත්‍රි පාර්ශ්වය හා රාජපක්ෂ පාර්ශ්වය (ඒකාබද්ධ විපක්ෂය) අතරය. මේ අරගලය ඇරැඹුණේ මෛත්‍රිපාල සිරිසේන මහතා ජනාධිපති ධුරයට පත්වීමත් සමඟය. උතුරු මැද පළාත් මහ ඇමැතිව සිටි එස්. එම්. රංජිත් ධුරයෙන් ඉවත් කර පේෂල ජයරත්න පත් කෙරිණි. රංජිත් නියෝජනය කළේ මහින්ද පාර්ශ්වය වීම ඊට හේතුව විය. මෛත්‍රිපාල සිරිසේන මහතාගේ දේශපාලන නිජභූමිය වන පොළොන්නරුව දිස්ත්‍රික්කය අයිති වන්නේ උතුරු මැදට වීම නිසා පළාතේ මහ ඇමැති ධුරයේ දේශපාලන හිතවතකු සිටීම වරදක් නැත. වැරැද්ද ඒ හරහා ඇවිළුණු ගින්නේ ගිනි පුපුරු අළු යට තිබී යළි ගිනි ඇවිළීමය.

පාසලට පැන්න ‘හොරා’  

2017-05-18

පාසලට පැන දරුවන් ඉදිරියේ ගුරුවරියක දණ ගැස්සූ දේශපාලනඥයකු ගැන කලෙකට පෙර වාර්තා වූයේ ආණමඩුවෙනි. ගිරිබාවේ පාසලකින් ඉකුත් 15 වැනිදා වාර්තා වූයේ හොරකු පාසලකට පැන දරුවන් බලා සිටියදී ගුරුවරියකගේ මාල - මුදු උදුරාගෙන ගිය පුවතකි.

ඩෙංගු මර්දනයට කළ යුත්තේ කුමක්ද?  

2017-05-17

ඩෙංගු මර්දන ජනාධිපති කාර්ය සාධක බළකාය, ජනාධිපතිවරයා විසින් හදිසියේ ඊයේ කැඳවනු ලැබීය. ශීඝ්‍ර ලෙස ව්‍යාප්ත වෙමින් පවතින ඩෙංගු රෝග තත්ත්වය පාලනය කිරීම සඳහ ගතයුතු කඩිනම් ක්‍රියාමාර්ග සාකච්ඡා කිරීම එහි අරමුණ බව පැවැසිණි.

තීරු බදු රහිත වාහන හා මජර දේශපාලනය  

2017-05-16

පාර්ලිමේන්තු මන්ත්‍රිවරුන්ට වාර්ෂිකව ලබාදෙන විමධ්‍යගත අරමුදල් වැය කර ඇති ආකාරය මාධ්‍ය මඟින් රටට හෙළිකර තිබිණි. ඇමැතිවරුන්ද ඇතුළුව ඇතැම් පක්‍ෂ, විපක්‍ෂ මන්ත්‍රිවරුන් අරමුදල් සිය ඡන්ද දායකයන් ඇතුළු දිස්ත්‍රික්කයේ ජනතාවගේ සුබසාධනය වෙනුවෙන් වැය කර තිබුණද, සැලකිය යුතු පිරිසකගේ විමධ්‍යගත අරමුදල්වලින් වැයකර තිබුණේ අඩු කොටසකි. වැඩි කොටසක් ඉතිරි වී තිබිණි. එසේ වී ඇත්තේ දිස්ත්‍රික්කයේ ජනතාවගේ සියලු ප්‍රශ්න විස¼දා ඇති නිසා නොව මේ මහජන නියෝජිතයන්ට ජනතාවගේ ප්‍රශ්න විසඳීමට වුවමනාවක් නැති නිසා විය යුතුය.

බුද්ධාගම හා ඉන්දියාව  

2017-05-15

ශ්‍රී ලංකාව යනු සිංහල ජාතිකයන්ද, බෞද්ධ ආගමිකයන්ද බහුතරයක් ජීවත්වන බහු ජාතික, බහු ආගමික රටකි. බහුතරයක් සිටින්නේ සිංහල බෞද්ධයන් යැයි කියමින් ඒ විවිධත්වය නොතකා කටයුතු කිරීමට කිසිවකුට නොහැකිය. එහෙත් අතීතයේ ඒ බව අමතක කිරීම නිසා වන්දි ගෙවීමට සිදුවූයේ ලේවලිනි.

මව්බිම දැන්

තවදුරටත්

අද මව්‍බිමෙන්

තවදුරටත්