හෙලිකොප්ටර් අනතුරකින් මෙක්සිකෝවේ ආණ්ඩුකාරවරියක් මරුට

  👤  1121 readers have read this article !
Published by : MB WEB 2018-12-26 13:17:06

හෙලිකොප්ටර් අනතුරකින් මෙක්සිකෝවේ පුවෙබ්ලා ප්‍රාන්තයේ නව ආණ්ඩුකාරවරිය වන මාර්තා එරිකා අලොන්සෝ මහත්මිය මියගොස් ඇති බව එරට මාධ්‍ය වාර්තා කරයි.

ඇය එම ප්‍රාන්තයේ පළමු ආණ්ඩුකාරවරිය ලෙස වාර්තා වේ.

ඇය ආණ්ඩුකාර තනතුරට පත්වී දින දහයකට පසු මෙම අනතුර සිදුව ඇත.

අනතුරින් 2011 - 2017 කාලයේ ආණ්ඩුකාරවරයෙකු ලෙස කටයුතු කර සෙනට් සභික රෆායෙල් මොරේනෝ වෝලේ වන ඇගේ සැමියා ද මිය ගියේය.

හෙලිකොප්ටර් යානය ගුවන් ගතකර සුළු වේලාවකට පසු පුවෙලා ගුවන් තොටුපොලට නාවික සැතපුම් තුනක් පමණ ඈතින් අනතුරට ලක්ව ඇත.

පසුගිය වසර කිහිපය තුළ මෙක්සිකානු දේශපාලනඥයන් කිහිපදෙනෙකු ම මෙවැනි ගුවන් යානා අනතුරුවලට ලක්වී ඇති අතර විශේෂයෙන් 2008 - 2011 දක්වා කාලයේ ෆෙඩරල් ඇමතිවරු කිහිප දෙනෙක් ගුවන් අනතුරුවලට මුහුණපෑහ.

මෙම සිදුවීම සම්බන්ධයෙන් සම්පූර්ණ විනිවිදභාවයකින් ක්‍රියා කරන බව මෙක්සිකෝවේ නව ජනාධිපති අන්ඩ්‍රේස් මැනුවෙල් ලෝපේස් ඔබ්රාඩෝ මහතා ටුවිටර් පණිවිඩයක් නිකුත් කරමින් කියා සිටියේය.

මව්බිම දැන්

තවදුරටත්

අද මව්‍බිමෙන්

තවදුරටත්

අද පුවත්පත

අද කාටූනය

mawbima Cartoon