සහලේ-වර්ක් සව්ඩේ: ඉතියෝපියාවේ ජනපති ධුරයට පත්වූ පළමු කාන්තාව

  👤  716 readers have read this article !
Published by : MB WEB 2018-10-26 13:26:17

ඉතියෝපියාවේ පාර්ලිමේන්තු සාමාජිකයන් සිය ප්‍රථම කාන්තා ජනපතිනිය ලෙස සහලේ-වර්ක් සව්ඩේ (Sahle-Work Zewde) තෝරා පත්කර ගෙන තිබේ.

ඉතා පළපුරුදු රාජතාන්ත්‍රිකයෙකු වන සහලේ-වර්ක් සව්ඩේ, මේ වන විට අප්‍රිකානු රටවල සිටින එකම රාජ්‍ය නායිකාවයි.

එරට අග්‍රාමාත්‍ය අබියි අහ්මද් විසින් පත් කරන ලද නව කැබිනට් මණ්ඩලයේ හරි අඩක් තනතුරු දරන්නේ කාන්තාවන්ය. එම පත්කිරීම්වලින් සතියකට පසු සහලේ-වර්ක් සව්ඩේ ජනාධිපතිනිය ලෙස සාමාජික ඡන්දයෙන් තේරී පත් විය.

ඉතියෝපියාව තුළ ස්ත්‍රී පුරුෂ සමානාත්මතාව ඇති කිරීමට කටයුතු කරන බව සිය තනතුරෙහි දිව්රුම් දීමෙන් පසු සහලේ-වර්ක් සව්ඩේ පොරොන්දු වූවාය.

"සියලු මව්වරුන්ගේ නාමයෙන්, අපේ රටේ සාමය රැකගන්න කටයුතු කරන්න කියලා මම ඔබ සැමගෙන් ඉල්ලා සිටිනවා. සාමය නැති වුණොත් මුලින්ම දුක් විඳින්නේ ඔබේ මව" යැයි ඇය පාර්ලිමේන්තුව අමතමින් පැවසීය.

හිටපු ජනාධිපති මුලාටු ටෙෂෝම් බලාපොරොත්තු නොවූ අවස්ථාවක සිය තනතුරෙන් ඉල්ලා අස් විය.

ඒ සමගම පැවැත්වූ පාර්ලිමේන්තු සාමාජිකයන්ගේ ඡන්ද විමසීමකින් අනතුරුව සහලේ-වර්ක් සව්ඩේ ජනාධිපති තනතුරට තේරී පත් වූවාය.

මව්බිම දැන්

තවදුරටත්

අද මව්‍බිමෙන්

තවදුරටත්

අද පුවත්පත

අද කාටූනය

mawbima Cartoon