වසර 400 ක් පැරණි නැවක සුන්බුන් පෘතුගාලයෙන් මතුවෙයි

  👤  1123 readers have read this article !
Published by : MB WEB 2018-09-25 16:43:58

වසර 400 ක් පමණ අතීතයේ මුහුදුබත් වූ නෞකාවක නටබුන් සොයා ගැනීමට පෘතුගාලයේ පුරාවිද්‍යාඥයින් පිරිසක් සමත් වී තිබේ. එම පුරාවිද්‍යාඥ කණ්ඩායමේ සාමාජිකයෙකු මෙය හඳුන්වා දී ඇත්තේ, "දශකයේ සොයා ගැනීම" ලෙස ය.

මෙම නෞකාවේ නටබුන් සොයා ගෙන ඇත්තේ, පෘතුගාලයේ අගනුවර වන ලිස්බන් නගරයට නුදුරින් පිහිටි කැශ්කයිස්හි (Cascais) වෙරළාසන්න මුහුදු ප්‍රදේශයකිනි.

මෙහි විශේෂත්වය වන්නේ, පෘතුගාලයේ යුද ලාංඡනය සහිත එම නෞකාව තුළ තිබී කුළුබඩු සහිත භාජන, පිඟන් භාණ්ඩ සහ තවත් උපකරණ රැසක් හමුවීමය.

1575 - 1625 අතර කාලයේ ඉන්දියාවේ සිට යාත්‍රා කරමින් තිබියදී එම නෞකාව මුහුදුබත් වී ඇතැයි අදාළ පුරාවිද්‍යාඥ කණ්ඩායම අනුමාන කරති.

පෘතුගාලය, එම කාලපරිච්ඡේදයෙදී ආසියානු රටවල් සමග කුළුබඩු වෙළෙඳාම වැඩි වශයෙන් සිදු කළේය.

මව්බිම දැන්

තවදුරටත්

අද මව්‍බිමෙන්

තවදුරටත්

අද පුවත්පත

අද කාටූනය

mawbima Cartoon