ඊජිප්තුව: වසර 3,200 ක් පැරණි සොහොනකින් චීස් හමුවෙයි

  👤  2383 readers have read this article !
Published by : MB WEB 2018-08-21 11:42:58

ලොව මෙතෙක් සොයාගත් පැරණිම චීස් වර්ගයක් ලෙස සැලකිය හැකි ද්‍රව්‍යයක් ඊජිප්තුවේ පැරණි සොහොනක කැණීම් කරමින් සිටි පුරාවිද්‍යාඥයින් හට හමුවී තිබේ.

පුරාණ ඊජිප්තුවේ ඉහළ නිලධාරියෙකු වූ ටාහ්මීස් (Ptahmes) ගේ සොහොනේ කැණීම් කළ පුරාවිද්‍යාඥයින් හට මීට වසර කීපයකට ඉහතදී බිඳුණු බඳුන් කීපයක් හමුවිණි.

ඉන් එක් බඳුනකින් හමුවූ "ඝන සුදු පැහැයට හුරු ද්‍රව්‍යයක්" ආහාරයක් විය හැකි බව සැක කෙරුණ ද එය කෙබන්දක්දැයි නිශ්චිතව කිව නොහැකි විය.

ඒ පිළිබඳ කෙරුණු අධ්‍යයනයකට අනුව එය මීට වසර 3,200 ට ඉහතදී පරිභෝජනයට ගැනුණු චීස් ලෙස දැන් හඳුනාගෙන ඇත.

පුරාණ ඊජිප්තු චීස් නිෂ්පාදනයක් පිළිබඳ මීට පෙර සාක්ෂි හමුවී නැති බැවින්, මේ සොයාගැනීම ඉතා සුවිශේෂී බව Analytical Chemistry සඟරාවේ සිය අධ්‍යයන වාර්තාව පළකළ කතුවරු පවසති.

"විශ්ලේෂණය කෙරුණු මේ ද්‍රව්‍යය බොහෝවිට චීස් පිළිබඳ මෙතෙක් පුරාවිද්‍යාත්මකව සොයාගත් පැරණිතම ඝන ශේෂය වෙන්න පුලුවන්" යැයි එහි අනන්‍යතාව නිර්ණය කරගැනීම සඳහා ඊජිප්තුවේ කයිරෝ විශ්ව විද්‍යාලයේ සගයින් හා එක්ව ක්‍රියා කළ සිසිලි හි කැටනියා විශ්ව විද්‍යාලයේ ආචාර්ය එන්රිකෝ ග්‍රෙකෝ පැවසීය.

මව්බිම දැන්

තවදුරටත්

අද මව්‍බිමෙන්

තවදුරටත්

අද පුවත්පත

අද කාටූනය

mawbima Cartoon