ඉතාලියේ පාලම : ජෙනෝවා හි පාලම කඩාවැටීම නිසා පුද්ගලයින් සිරවී ඇත්දැයි සොයමින් තවදුරටත් මෙහෙයුම්

වයඹ දිග ඉතාලියේ ජෙනෝවා හි මහා මාර්ගයක පාලමක් කඩා වැටීමේ අනතුරින් දිවිගලවාගත්තවුන් සෙවීමේ මෙහෙයුම් තවදුරටත් ක්‍රියාත්මක වේ.

පාලමේ කොටසක් කඩා වැටීම නිසා ඒ මත වූ වාහන අඩි 148 ක් පමණ ඇදවැටීමෙන් පුද්ගලයින් 37 දෙනෙකුවත් මියයන්නට ඇති බව එරට අභ්‍යන්තර කටයුතු අමාත්‍යවරයා පැවසීය.

එහිදී 16 දෙනෙකු තුවාල ලැබූ අතර 4 - 12 අතර පිරිසක් අතුරුදන්වී ඇති බව සැළකේ.