ඇන්ටාක්ටිකාවේ අයිස් කුට්ටි අරාබි වෙරළට ඇදගෙන යෑම නවතන්නැයි පරිසර සංවිධානවලින් බලපෑම්

  👤  2388 readers have read this article !
Published by : MB WEB 2018-07-06 17:47:36

ඇන්ටාක්ටිකාවේ අයිස් කුට්ටි එක්සත් අරාබි එමීර් රාජ්‍යයේ වෙරළ තීරයට ඇදගෙන යෑමේ පරිසර නියමු ව්‍යාපෘතිය නතර කිරීමට කටයුතු කරන ලෙස පරිසර සංවිධාන ඉල්ලා සිටියි.

එම ව්‍යාපෘතිය ක්‍රියාත්මක කළහොත් දැනට පවතින දේශගුණික තත්ත්වය තවදුරටත් දැඩි ලෙස වෙනස් වීමේ බලපෑමක් ඇති විය හැකි බැවින් එය මඟින් ලොව රාජ්‍ය රැසකට දැඩි බලපෑම් එල්ලවිය හැකි බවද ඔවුහු පෙන්වා දෙති.

ඒ පිළිබඳව අදහස් දක්වන පාරිසරික සහ ජෛව විද්‍යාඥයන් ප්‍රකාශ කරනුයේද එම ක්‍රියාවලිය තුළ යම් බලපෑමක් විය හැකි බව සහ එය අවම කර ගැනීම සඳහා අදාළ ව්‍යාපෘතිය ක්‍රියාත්මක කිරීමට පරීක්ෂණ පවත්වන ලද විද්‍යාඥයන් කටයුතු කළයුතු බවය.

මෙම ව්‍යාපෘතිය සාර්ථක වුවහොත් වසර 2020 මුල්භාගය වන විට මැදපෙරදිග ජල හිඟයට පිළියම් යෙදිය හැකි බව එමීර් ජාතික උපදේශන කාර්යාංශ වාර්තා පෙන්වා දෙයි.
එසේම මෙම ව්‍යාපෘතියේ පළමු ව්‍යාපෘතිය සඳහා ඇමෙරිකානු ඩොලර් මිලියන හැටක මුදලක් ආයෝජනය කිරීමට අපේක්ෂා කරන බවද ජාතික උපදේශන කාර්යාංශය පවසයි.

මව්බිම දැන්

තවදුරටත්

අද මව්‍බිමෙන්

තවදුරටත්

අද පුවත්පත

අද කාටූනය

mawbima Cartoon