ඥාණසාර හිමිට මාස 6ක සිරදඬුවම්

  👤  1729 readers have read this article !
Published by : MB WEB 2018-06-14 13:10:27

අතුරුදහන්වූ මාධ්‍යවේදී ප්‍රගීත් එක්නැලිගොඩ මහතාගේ බිරිඳ වන සන්ධ්‍යා එක්නැලිගොඩ මහත්මියට හෝමාගම මහෙස්ත්‍රාත් අධිකරණයේදී බැන තර්ජනය කිරීමේ චෝදනාවට වරදකරු වු බොදු බල සේනා සංවිධානයේ මහ ලේකම් ගලගොඩඅත්තේ ඥාණසාර හිමියන්ට අද දින (ජුනි 14) හෝමාගම මහේස්ත්‍රාත් අධිකරණය විසින් මාස හයක සිර දඬුවම් නියම කරන ලදී.

දණ්ඩ නීති සංග්‍රහයේ 346 වගන්තිය යටතේ එන සාපාරාධී බලහත්කාරය කිරීම සහ 486 වගන්තිය යටතේ එන සාපරාධී බිය ගැන්වීම යන අපරාධ චෝදනා යටතේ හෝමාගම පොලීසිය විසින් ගලගොඩඅත්තේ ඥානසාර හිමියන්ට එරෙහිව  පවරා තිබූ නඩුවේ තීන්දුව ප්‍රකාශයට පත් කරමින් පසුගියදා හෝමාගම මහේස්තාත් අධිකරණය විසින් ඥානසාර හිමියන් වැරදිකරු බව ප්‍රකාශයට පත්  කරන ලද අතර, ඒ පිළිබඳව දඬුවම් නියම කිරීම අද සිදුවිය. මෙහිදී එක් එක් චෝදනාවලට මාස හය බගින් සිරඳඩුවම් නියම කළ අතර එම සිරදඬුවම, එකවර ගෙවී යන ලෙස මහේස්ත්‍රාත් අධිකරණය විසින් නියම කරන ලදී.

තවද  චෝදනා ඔප්පු වීම හේතුවෙන්, එම චෝදනා දෙකට, එක් එක් චෝදනාවන්ට රුපියල් 1500 බැගින් දඬ නියම කළේ ය. එමෙන් ම සන්ධ්‍යා එක්නැලිගොඩ මහත්මියට රුපියල්  50,000 ක වන්දියක් ගෙවීමටද  නියම  විය.

 

මව්බිම දැන්

තවදුරටත්

අද මව්‍බිමෙන්

තවදුරටත්

අද පුවත්පත

අද කාටූනය

mawbima Cartoon