උතුරු කොරියාව: ඩොනල්ඩ් ට්‍රම්ප් - කිම් ජොන් අන් හමුව සිංගප්පූරුවේ සෙන්ටෝසා දූපතේදී

  👤  1188 readers have read this article !
Published by : MB WEB 2018-06-07 15:26:09

ඇමෙරිකා එක්සත් ජනපදයේ ජනාධිපති ඩොනල්ඩ් ට්‍රම්ප් සහ උතුරු කොරියාවේ නායක කිම් ජොන් අන් අතර යෝජිත හමුව, සිංගප්පූරුවට අයත් සෙන්ටෝසා (Sentosa) දිවයිනේ පිහිටි හෝටලයකදී සිදුවන බව ධවල මන්දිරය තහවුරු කළේය.

මෙම ඓතිහාසික හමුව ජුනි 12 වෙනිදා පැවැත්වීමට නියමිත නමුත් මේ දක්වා බොහෝ තොරතුරු තහවුරු කර නොමැත.

මෙය ඔවුන් දෙදෙනා මුණගැසෙන පළමු අවස්ථාවය.

සැළසුම් "ඉතා හොඳින් ඉදිරියට" යන බව ජනාධිපති ට්‍රම්ප් අඟහරුවාදා(05) සඳහන් කළේය.

"විශාල වශයෙන් සම්බන්ධතා ගොඩනැගුණා. සංචාරයට කලින් එකඟතාවන් රැසකට එළඹෙනවා," වාර්තාකරුවන් අමතමින් ඔහු සඳහන් කළේය.

"එය ඉතා වැදගත්. එය ඉතා වැදගත් දින කීපයක් වේවි."

නායක හමුව සිංගප්පුරුවේ තරු පහේ හෝටලයක් වූ කපෙලා (Capella) හිදී පැවැත්වෙනු ඇති බව ධවල මන්දිරයේ ප්‍රවෘත්ති ලේකම් ට්විටර් පණිවුඩයකින් තහවුරු කර තිබේ.

නමුත්, දැනට පෙනෙන්නට ඇති පරිදි ජනාධිපති ට්‍රම්ප් මීට පෙරද නවාතැන් ගත් ශැන්ග්‍රි-ලා (Shangri-La) හෝටලයේ නැවතීමට ඉඩ තිබේ. උතුරු කොරියානු නායකයා බොහෝ විට ශාන්ත රෙගිස්හි (St Regis) නවතිනු ඇති බව The Straits Times පුවත්පත වාර්තා කරයි. මෙම හෝටල් දෙකම සුප්‍රකට සාප්පු සංකීර්ණ පිහිටි ඕචර්ඩ් මාර්ගයට ආසන්නව ප්‍රධාන දූපතෙහි පිහිටා ඇත.

හෙක්ටෙයාර 500 ක් පමණ විශාල සෙන්ටෝසා සිංගප්පූරුව නිර්මාණය වී ඇති දූපත් 63 කින් එකකි. සුඛෝපභෝගී හෝටල්, පෞද්ගලික වරාය සහ ගොල්ෆ් පිටිවලින් සමන්විත සෙන්ටෝසා ප්‍රධාන දූපතට ආසන්නව පිහිටා තිබේ.

එසේම, මුහුදු මංකොල්ලකරුවන් මෙන්ම ලේ වැගිරීම් හා යුද පිළිබඳ අඳුරු අතීතයක් ද එම දූපත හා බැඳී පවතී.

මව්බිම දැන්

තවදුරටත්

අද මව්‍බිමෙන්

තවදුරටත්

අද පුවත්පත

අද කාටූනය

mawbima Cartoon