සිරියාව: "අති දරුණු" ගැටුම්වලින් පලා යන ගවුටා වැසියෝ

  👤  1621 readers have read this article !
Published by : MB WEB 2018-03-05 16:26:27

සිරියානු කැරලිකරුවන් යටතේ පවතින නැගෙනහිර ගවුටා (Ghouta) ප්‍රදේශයේ වාතාවරණය "අති දරුණු" අතට හැරෙද්දී ගැටුම්වලින් බේරීම පිණිස එහි වැසියන් පලා යමින් සිටින බව වාර්තා වේ.

සිරියානු හමුදා ඉදිරි ආරක්ෂක වළල්ල තවත් ශක්තිමත් කරමින් දමස්කස් අගනුවරට නැගෙනහිරින් පිහිටි ගවුටා නගරය නැවත ඔවුන් යටතට ගැනීමේ මෙහෙයුම් ක්‍රියාත්මක කර ඇති හැඩක් දකින්නට ලැබේ.

මෙම ප්‍රදේශයෙන් 25% ක් පමණ සිරියානු හමුදා පාලනයට ගෙන ඇති බව එක්සත් රාජධානියේ පිහිටුවා ඇති සිරියානු මානව හිමිකම් නිරීක්ෂණ කවුන්සිලය ප්‍රකාශ කරයි.

පෙබරවාරි දහඅට වැනි දින ආරම්භ වූ ගැටුම්වලින් මේ වන විට හයසියයකට අධික ප්‍රමාණයක් මියගොස් ඇති අතර ඉන් බහුතරයක් කුඩා ළමුන් බවත් විශ්වාස කෙරේ.

සිරියාවේ ප්‍රධාන ආධාරකරු රුසියාව හෝ එක්සත් ජාතීන්ගේ සංවිධානය විසින් ක්‍රියාත්මක කරන ලද කිසිදු මානුෂීය මෙහෙයුමකින් මෙතෙක් සාර්ථක ප්‍රතිඵල අත්වී නැත.

"සිවිල් වැසියන්ට සාමූහික දඬුවම් පැමිණවීම කිසිසේත්ම පිළිගත නොහැකි," බව මේ අතර එක්සත් ජාතීන්ගේ සංවිධානය පවසයි.

මානුෂීය ආධාර රැගත් ට්‍රක් රථ හතළිහකට ඩූමා නගරයට ඇතුළු වීම සඳහා සිරියානු බලධාරීන්ගෙන් අවසර ලබා ගත නොහැකි වූ බව එක්සත් ජාතීන්ගේ සංවිධානය ප්‍රකාශ කර ඇත.

එහි 393,000 ක් පමණ සිවිල් වැසියන් සිරවී සිටිති.

(BBC)

මව්බිම දැන්

තවදුරටත්

අද මව්‍බිමෙන්

තවදුරටත්

අද පුවත්පත

අද කාටූනය

mawbima Cartoon