ඕස්ට්‍රේලියාවේ ඉඳන් ආපු කලිඳු වීරසිංහ තාත්තාගේ අඩි පාරට

  👤  2581 readers have read this article !
Published by : MB WEB 2018-01-09 16:36:30

ලංකාව ඇතුළේ ඇහෙන ලස්සන ගීත විශාල ප්‍රමාණයක් නිර්මාණය කර තිබෙන්නේ කලිඳුගේ තාත්තා. ඒ කියන්නේ ආචාර්ය රෝහණ වීරසිංහ. ඕස්ට්‍රේලියාවේ ජීවත් වුණත් කලිඳුත් තාත්තාගේ අඩිපාරේ යන්න උත්සාහ ගන්නවා. ඉතිං එහෙම වෙලාවක තමයි කලිඳු එක්ක අපිට කතා කරන්න ලැබුණේ.

"ඔබේ තාරකා මල්' ගැන කතා කරන ගමන්ම මේ කතාබහ අරඹමු?

ජනවාරි මාසේ 13 වැනිදා සවස 5.00ට තමයි 'තාරකා මල්' කියන මේ සංයුක්ත තැටිය නිකුත් කරන්නේ. ඒ කොළඹ ශ්‍රී ලංකා පදනම් ආයතනයේදී පැවැත්වෙන උත්සවයකදී.
ඇත්තටම කාලයක් තිස්සේ මම නිර්මාණය කළ ගීත තමයි මේ සංයුක්ත තැටියට ඇතුළත් වන්නේ. අපේ රටේ ප්‍රවීණ ගායක ගායිකාවෝ රැසක් වගේම අලුත් පරපුරේ දක්ෂතා පිරි ගායක ගායිකාවන් පිරිසක් ගැයූ ගීත 'තාරකා මල්' සංයුක්ත තැටියට ඇතුළත් වෙනවා.

ඔබේ මේ නිර්මාණ එකතුව ගැන තාත්තා එක්ක කතා කළාද?

මොනවද ඔහු මේ සම්බන්ධව දැක්වූ අදහස්

මම ගීත 40ක් විතර නිර්මාණය කර තිබුණා. ඒ ගීත හැම එකක්ම මම තාත්තාට අහන්න දුන්නා. ඉතිං ඔහු තමයි මට ගීත 19ක් තෝරලා මේ සංයුක්ත තැටියට ඇතුළත් කරගන්න කියලා යෝජනා කළේ.
ඒ වගේම සමහර ගී තනු මම නිර්මාණය කරලා ඒවා තාත්තාට එව්වා. මම මට ඕන විදිහ විස්තර කරලා කිව්වා. ඒ විදිහට තමයි මම ඕස්ට්‍රේලියාවේ ඉඳගෙන මේ ගීත නිර්මාණය කළේ.

කලිඳු කාලයක් තිස්සේ ජීවත් වෙන්නේ ඕස්ට්‍රේලියාවේ. ඒ නිසාම අපට මේ සංයුක්ත තැටියට සම්බන්ධ නැති ප්‍රශ්න ටිකත් ඔහුගෙන් අහන්න හිතුණා.

කලිඳුගේ පෞද්ගලික ජීවිතේ තොරතුරු ටිකක් කියමුද. කොහොමද ඕස්ට්‍රේලියාවේ ගත කරන ජීවිතේ?

බොහොම නිදහසින් යුතුව ජීවත් වෙනවා. ප්‍රශ්න හුඟාක් අඩුයි. ඒ නිසාම තමයි මේ වගේ ගීත ටිකක් වුණත් හදන්න මානසික තත්ත්වයක් තියෙන්නේ. මට අවුරුදු 8ක දුවෙක් වගේම අවුරුදු 5ක පුතෙක් ඉන්නවා. බිරිඳ චලනි.

අම්මා තාත්තාගෙන් අෑත්වෙලා ගත කරන ජීවිතේ තුළ නම් යම් ගැටලුවක් ඇති?

ඔව් ඒක නම් ඇත්තක්. අපි අලුත් තාක්ෂණය පාවිච්චි කරලා අම්මා තාත්තා එක්ක නිතරම කතා කරනවා. ඒත් ළඟ ඉන්න බැරි එක නම් දුකක් තමයි.

ඔබේ දූ දරුවෝ, අච්චි සීයා එක්ක තියෙන ඇසුර කොහොමද?

ඒ දෙන්නම හුඟාක් ආච්චි සීයා එක්ක ළැදියි. මගේ අම්මා තාත්තා දෙන්න විටින් විට ඕස්ට්‍රේලියාවට එනවා.

මගේ ලොකු දුව සීයා එක්ක ළඟදි පැරැණි ගීත දෙකක් පටිගත කළා. එකක් මොනවද මුත්තේ ගීතය. අනික චූටි කුරුල්ලනි චූටි බටිත්තනි ගීතය.
මේ ගීත දෙක සීයා එක්ක දුව හොඳින් ගායනා කළා. මට හිතෙන්නේ අපේ දරුවොත් සීයා තාත්තලා යන අඩිපාරේ යාවි කියලා.

කලිඳු මවු රටට ආදරේ කරන බව පෙනෙනවා. විදෙස් ගතවන බොහෝ අයට අපේ රට අමතක වෙන එක ගැන ඔබ මොකද හිතන්නේ?

සමහර වෙලාවට මට ඒ අය ගැන පුදුම හිතෙනවා. අපි අපේ දරුවන්ට හොඳින් සිංහල උගන්වනවා. භාෂාව හොඳින් කතා කරන්න පුරුදු පුහුණු කරනවා. ඒ විතරක් නොවෙයි පහතරට නැටුම් පවා උගන්වනවා. අපේ දේ අපේ දරුවන්ට අපි දෙන්න ඕනෑ.

ඒත් සමහර අය අපේ රටේ භාෂාව විතරක් නෙමෙයි සිරිත් විරිත් පවා අමතක කරලා ඉංගී්‍රසි භාෂාව ගැන බොහොම ඉහළින් කතා කරනවා. සිංහල බැහැ වගේ හැසිරෙනවා.
ඇත්තටම ඒවා දකිනකොට නම් දුකක් ඇතිවෙනවා. ලෝකයේ මොන රටක අපි ජීවත් වුණත් අපේ අම්මා තාත්තා වගේම මවුරට අමතක කරන්න හොඳ නැහැ.

කොහොමද අපේ ගීතවලට ඒ පැත්තේ තියෙන ප්‍රතිචාර?

වරදක් නැහැ. සුභාවිත ගීතයට ඇලුම් කරන ශ්‍රී ලාංකිකයන් තවමත් ඒ රටවල ජීවත් වෙනවා. අපේ රටේ ප්‍රවීණ ගායක ගායිකාවෝ ගී ගයන ප්‍රසංගවලට ශ්‍රී ලාංකිකයෝ එනවා. ඒක ඇත්තටම සතුටක්. ඒත් තව ටික දවසකින් සුභාවිත ගීතයට මොනවා වේවිද කියලා කියන්න බැහැ.

ආචාර්ය රෝහණ වීරසිංහයන් ගීත ගැයුවා. ඒ වගේ කලිඳු ගී ගයන්නේ නැද්ද?

මම හුඟාක් කැමැතියි මම නිර්මාණය කළ ගීත අනිත් අය ගායනා කරනවා අහන්න. එයින් ලැබෙන සතුට කොයිතරම්ද කියලා මට කියන්න බැහැ. මම ඒ සතුට ලබන්න හරිම කැමැතියි.

සමන් ප්‍රියංකර නම්මුනිගේ

මව්බිම දැන්

තවදුරටත්

අද මව්‍බිමෙන්

තවදුරටත්

අද පුවත්පත

අද කාටූනය

mawbima Cartoon