2017 අ.පො.ස උසස් පෙළ විශිෂ්ටයින්ට ජනපති අතින් තිළිණ

  👤  1842 readers have read this article !
Published by : MB WEB 2018-01-09 13:29:33

2017 අ.පො.ස උසස් පෙළ විභාගයෙන් සමස්ත ලංකා මට්ටමින් විශිෂ්ට දක්ෂතා දැක්වූ මාතර සුජාතා විද්‍යාලයේ සහ මාතර මහින්ද රාජපක්ෂ විද්‍යාලයේ සිසු සිසුවියන් අද (09) පෙරවරුවේ ජනාධිපති නිල නිවසේදී ජනාධිපති ගරු මෛතී‍්‍රපාල සිරිසේන මැතිතුමා හමුවිය.

එම දරුවන්ගේ දක්ෂතා අගය කළ ජනාධිපතිතුමා ඔවුන්ට සිය සුභාශිංසන පිළිගැන්වූ අතර, ඉදිරි අධ්‍යාපන කටයුතු සාර්ථක කර ගැනීමට ද සිය ආශිර්වාදය පළකළේය.

මාතර සුජාතා විද්‍යාලයෙන් මෙවර අ.පො.ස උසස් පෙළ විභාගයට පෙනීසිට ජීව විද්‍යා අංශයෙන් දිවයිනේ ප‍්‍රථම ස්ථානය දිනූ දිලිනි සඳුනිකා පළිහක්කාර, වාණිජ අංශයෙන් දිවයිනේ ප‍්‍රථම ස්ථානය දිනූ එස්. ඒ. දුලානි රසන්තිකා, කලා අංශයෙන් දිවයිනේ සිව්වන ස්ථානය දිනාගත් උචිනි ෂිහාරා සූරියආරච්චි යන සිසුවියන් ද, මාතර මහින්ද රාජපක්ෂ විද්‍යාලයෙන් මෙවර අ.පො.ස උසස් පෙළ විභාගයට පෙනී සිට ඉංජිනේරු තාක්ෂණවේද විෂයෙන් දිවයිනේ ප‍්‍රථමස්ථානය ලැබූ පාරමී ප‍්‍රසාදි රන්සිරිනි හෙට්ටිආරච්චි සහ ජෛව පද්ධති තාක්ෂණවේදය විෂයෙන් දිස්ත‍්‍රික්කයේ ප‍්‍රථම ස්ථානය දිනූ බී. ඒ. හසිත් පුන්සර යන සිසු සිසුවියන් මෙම අවස්ථාවට එක්ව සිටියහ.

ඔවුන් වෙත තිළිණ පිළිගැන්වීම ද ජනාධිපතිතුමා අතින් සිදු කෙරිණි.

එම පාසල් නියෝජනය කරමින් පැමිණි විදුහල්පතිවරුන්ගේ සහ ගුරු බවතුන්ගේ සේවය ද ජනාධිපතිතුමාගේ ඇගයීමට ලක්විය.

අමාත්‍ය ලක්ෂ්මන් යාපා අබේවර්ධන මහතා සහ සිසුන්ගේ දෙමව්පියන් ඇතුළු පිිරිසක් මෙම අවස්ථාවට එක්ව සිටියහ.

(ජනාධිපති මාධ්ය අංශය)

මව්බිම දැන්

තවදුරටත්

අද මව්‍බිමෙන්

තවදුරටත්

අද පුවත්පත

අද කාටූනය

mawbima Cartoon