දේශපාලන සිරකරුවන් නිදහස් කරන්නැයි ඉල්ලා උතුරේ අද හර්තාලයක්

  👤  1462 readers have read this article !
Published by : MB WEB 2017-10-13 11:01:53

දේශපාලන සිරකරුවන් නිදහස් කරන්නැයි රජයට බල කරමින් අද (13දා) උතුරේ හර්තාලයක්ද, කොළඹ කොටුව දුම්රියපොළ ඉදිරිපිට විරෝධතාවක්ද පැවැත්වේ.

උතුරේ දේශපාලන පක්‍ෂ හා දේශපාලන සිරකරුවන් නිදහස් කර ගැනීමේ ජාතික ව්‍යාපාරය විසින් මෙම විරෝධතා සංවිධානය කර තිබේ.

ත්‍රස්තවාදය වැළැක්වීමේ පනත යටතේ අත්අඩංගුවට ගෙන අනුරාධපුර බන්ධනාගාරයේ රඳවා සිටින සිරකරුවන් තිදෙනකු මේ වනවිට මාරාන්තික උපවාසයක් ආරම්භ කර ඇති අතර ඔවුන්ගේ නඩු නැවතත් වවුනියාව මහාධිකරණයට මාරු කරන ලෙස ඉල්ලමින් ඔවුන් මේ උපවාසය ආරම්භ කර ඇත.

කෙසේ වෙතත් එම නඩුවල සාක්‍ෂි ආරක්‍ෂා කිරීමේ වගකීම රජය සතු වගකීමක් වන බැවින් නඩු නැවත වවුනියාව මහාධිකරණයට මාරු කිරීමට නොහැකි බව නීතිපතිවරයා විසින් පවසා ඇතැයි සඳහන් වෙයි.

මව්බිම දැන්

තවදුරටත්

අද මව්‍බිමෙන්

තවදුරටත්