රවිට එජාප උපනායකකමත් නැති වෙන්න යයි

  👤  967 readers have read this article !
Published by : MB WEB 2017-10-07 10:29:38

උපතිස්ස පෙරේරා

හිටපු මුදල් අමාත්‍ය රවි කරුණානායක මහතාට බැඳුම්කර සිද්ධියට අදාළව එල්ල වී ඇති චෝදනා අනුව එක්සත් ජාතික පක්ෂයේ ගෞරවයට හා පැවැත්මටත් යහපාලන රජයටත් බරපතළ හානියක් සිදුව ඇති බවට පැහැදිලිවම තහවුරු වී ඇති බැවින් ඔහු එජාප උප නායක ධුරයෙන් වහාම ඉවත් කළ යුතු බව අග්‍රාමාත්‍ය රනිල් වික්‍රමසිංහ මහතාගෙන් ඉල්ලීමක් කිරීමට එජාප මැති ඇමැතිවරු පිරිසක් තීරණය කර ඇතැයි අනාවරණය වෙයි.

වත්මන් රජයේ ප්‍රබල ඇමැතිවරු තිදෙනෙක් පසුගිය සතියේ අග්‍රාමාත්‍යවරයා හමුවී රවි කරුණානායක මන්ත්‍රිවරයාගේ ක්‍රියාකලාපය සම්බන්ධයෙන් විධිමත් පියවරක් ගන්නා ලෙස ඉල්ලීමක් කළ පසු තවත් මැති ඇමැතිවරු පිරිසක් මෙම තීරණයට එළැඹ සිටින බව සිරිකොත මූලස්ථානයට සම්බන්ධ ආරංචි මාර්ග සඳහන් කරයි.

අමාත්‍ය ධුරයෙන් ඉවත් වූ පසුවද රවි කරුණානායක මන්ත්‍රිවරයා තමන්ට අදාළ නොවන කටයුතුවලට මැදිහත්වීම නිසා පාක්ෂිකයන් අතර තමන් අසීරුතාවට පත්වන බවද ඔවුහු පෙන්වාදී තිබේ. අග්‍රාමාත්‍යවරයා සිය විදේශ සංචාරය නිමකර ශ්‍රී ලංකාවට පැමිණි පසු මේ පිළිබඳව අවධානය යොමු කරවීමටත් මේ මස අග භාගයේදී රත්නපුරයේදී පැවැත්වීමට නියමිත 71 වැනි සංවත්සරයේදී වැඩිදුරටත් කරුණු දැක්වීමටත් ඔවුහු අපේක්ෂා කරන බව එම ආරංචි මාර්ග සඳහන් කරයි.

මව්බිම දැන්

තවදුරටත්

අද මව්‍බිමෙන්

තවදුරටත්