මිනිසාට ගොදුරු වූ යෝධ පිඹුරා

  👤  1359 readers have read this article !
Published by : MB WEB 2017-10-06 13:52:34

මිනිසෙකු සමඟ කළ සටනකින් පැරදුණු ඉන්දුනීසියාවේ යෝධ පිඹුරෙකු අවාසනාවන්ත ඉරණමකට ගොදුරු විය.

ඉන්දුනීසියාවේ සුමාත්‍රා දූපතේ වගා භූමියක පිවිසුම් මාර්ගයක් හරහා සිටිය දී අඩි 26ක් පමණ දිග මෙම පිඹුරා අල්ලා ගැනීමට ආරක්ෂක නිලධාරියෙකු උත්සාහ කර ඇත.

එම අවස්ථාවේ දී පිඹුරා ආරක්ෂක නිලධාරියාට පහර දී ඇති අතර ගම්වාසීන් කිහිප දෙනෙකුගේ ද සහාය ඇතිව මෙම යෝධ පිඹුරා මරා දැමීමට ඔහුට හැකිවී තිබේ.

කෙසේ නමුත් රොබට් නබාබාන් නමැති මෙම පුද්ගලයාට ද සටනින් බරපතළ තුවාල සිදු වී ඇති අතර ඔහු රෝහල්ගත කෙරුණි.

අනතුරුව ගම්වාසීන් විසින් මෙම යෝධ පිඹුරා ප්‍රදර්ශනය සඳහා එල්ලා තබන ලදී.

අවසානයේ ගම්වැසියන් එක්වී පිඹුරා මස්කර, පුළුස්සා, ආහාරයට ගෙන තිබේ.

මව්බිම දැන්

තවදුරටත්

අද මව්‍බිමෙන්

තවදුරටත්