ෆිල්ම් එක රිලීස් වුණාම ෂම්මු අතුරුදන් වුණේ ඇයි?

  👤  1838 readers have read this article !
Published by : MB WEB 2017-03-11 15:33:17

ෂම්මු ගැන ලාංකේය ප්‍රේක්ෂකයෝ කතා කරන්න පටන් ගත්තේ ආලෝකෝ උදපාදි එක්ක?

ඔව්. රංගන ශිල්පියෙක් හැටියට මං මුලින්ම දායක වෙන්නෙ මේ චිත්‍රපටයට. මම කලින් ශ්‍රී සිද්ධාර්ථ ගෞතම චිත්‍රපටයේ සහාය අධ්‍යක්ෂවරයෙක් සහ හින්දි භාෂා පරිවර්තකයෙක් විදියට කටයුතු කළා. නමුත් රංගනයට සම්බන්ධ වුණ මුල් නිර්මාණය මේක.

එකම චිත්‍රපටයක භික්ෂුවක් සහ සටන්කරුවෙක් ලෙස චරිත දෙකක් නිරූපණය කරන එක අභියෝගයක් වුණේ නැද්ද?

ඇත්තටම ඒක ලොකු අභියෝගයක් වුණා. එකම චරිතය ස්වරූප දෙකකින් තමයි එන්නේ. ඉජපඪනබ එක අතට ගත්තට පස්සෙ මට තිබුණ ලොකුම අභියෝගය තමයි මම කොහොමද මේ චරිත ගොඩනඟා ගන්නෙ කියලා. මම බුදු දහමට අනුව මස් මාංස නොකා ආරණ්‍යවලට ගිහින් නතර වෙලා අධ්‍යයනය කරලා මේ චරිතය ගොඩනඟා ගත්තා.

ඔබ මේ චිත්‍රපටයේ චරිත නිරූපණයන්ට උපරිම සාධාරණයක් කළා කියලා හිතනවද?

ඒක ඇත්තටම ප්‍රේක්ෂකයන්ට භාරයි. මීට අවුරුදු තුනකට ඉහතදී කළ චරිතයක් නිසා චිත්‍රපටය දැන් බලද්දී මට හිතෙන්නේ මීට වඩා හොඳට කරන්න තිබුණා කියලා. ඒත් ලැබෙන ප්‍රතිචාරත් එක්ක මට හිතෙනවා උපරිම සාධාරණය චරිතයට කරල තියෙනවා කියලා.

ලැබෙන ප්‍රතිචාරවලට සතුටුයි ද?

ඔව්. නිහතමානීව සතුටු වෙනවා.

ප්‍රථම නිර්මාණයෙන්ම සිනමාවේ රැඳෙන්න පුළුවන් ස්ථාවරයක් හදා ගත්තා කියලා හිතනවද?

මගේ පළමුවැනි නිර්මාණයෙන්ම ලාංකේය සිනමාවට මම හොඳ ආරම්භයක් ගත්තා. ඉදිරියට හො½ද අඩියක් තියන්න මම බලාපොරොත්තු වෙනවා. මම කැමැතියි පියවරෙන් පියවර සංවර්ධනය කර ගනිමින් ඉස්සරහට යන්න.

ෆිල්ම් එක රිලීිස් වුණාට පස්සෙ ෂම්මු අතුරුදන් වුණා නේද?

මගේ ඊළඟ කලා කටයුතුවලට සම්බන්ධ වෙන්න මම ඉන්දියාවට ගියා. ඒත් ඒ කටයුතු ඉවර කරලා ආලෝකෝ උදපාදි චිත්‍රපටයේ ප්‍රචාරණ කටයුතුවලට සම්බන්ධ වෙන්න අවශ්‍ය නිසා ලංකාවට ආවා.

ෆිල්ම් එක ගැන කතා කරන මොහොතක ලංකාවෙන් ගිය එකෙන් ඔබට අසාධාරණයක් වුණේ නැද්ද?

ඇත්තටම ලොකු අසාධාරණයක් වුණා. මගේ අනිත් සහෝදර රංගන ශිල්පීන් සමඟ බලන කොට මම ටිකක් පසුබට වුණා ප්‍රචාරණ කටයුතුවලදී. ඒ ගැන යම්තාක් දුරට මම කනගාටු වෙනවා.

ඉන්දියාවෙ ගිහින් ඉගෙන ගන්න හිතුවේ ලංකාවේ ඉගෙන ගන්න ලැබෙන අවස්ථා අඩු නිසාද?

ලංකාවේ ඉගෙන ගන්න ගොඩාක් තැන් තියෙනවා. හින්දි භාෂාව සහ ජාත්‍යන්තර වශයෙන් අත්දැකීමක් ලබා ගන්න අවශ්‍ය නිසා මම ඉන්දියාවට යන්නෙ. නමුත් ලංකාවේ සෞන්දර්ය කලා විශ්වවිද්‍යාලයේ සාමාන්‍යවේදී උපාධියක් හදාරමින් ඉන්න ගමන් තමයි ඉන්දියාවට ගිහින් වැඩිදුරට අධ්‍යාපනය ලබන්නෙ.

හැදෑරීම් කරන්නෙ රංගන කටයුතු වලින් යමක් කරන්නද? අධ්‍යක්ෂණයට එන්නද?

අධ්‍යක්ෂණයට නම් බලාපොරොත්තුවක් නැහැ ඇත්තටම. නමුත් පසුකාලීනව ඒ කියන්නේ තව අවුරුදු තිහකට හතළිහකට පස්සේ මොනාවෙයිද කියන්න මම දන්නේ නැහැ. අධ්‍යක්ෂණය කරන්න තරම් දැනුමක් මට නැහැ. ඒක මම නිහතමානීව පිළිගන්නවා. නමුත් රංගනයෙන් මගෙ රටට සේවය කරන්න මම බලාපොරොත්තු වෙනවා.

ඉන්දියාවේ නිර්මාණවලටත් ෂම්මු දායක වුණා නේද?

ඔව්. ආශාඩ්කා පෙහෙලා, ජාත්වාර්, ඉෂ් වාලාලා ලව් යන වේදිකා නට්‍යයන් තුනට සහ ආනත්පූරී කියන වාර්තාමය චිත්‍රපටයට සම්බන්ධ වුණා.

ලංකාවේ රංගන ශිල්පියකුට ඉන්දියාවේ තැනක් හදා ගන්න එක ලේසි පහසු නෑනේ?

ඇත්තටම ඔව්. ඒක අමාරු කටයුත්තක්. මොකද භාෂාව දැන ගන්න අවශ්‍යයි. යම්තාක් දුරට දැන හැඳුනුම්කම් තියෙන්න ඕනෑ. මම පුහුණුවීම් කරලා තමයි රංගනයට සම්බන්ධ වෙන්නෙ.

අලුත් වැඩකටයුතුවලටත් සම්බන්ධ වෙනවා ඇති?

ඔව්. අලුත් වැඩ කිහිපයක්ම තියෙනවා. මේ දවස්වල මම ඒ පිටපත් සමඟ අධ්‍යයනයක යෙදෙනවා. මට ආලෝකෝ උදපාදි චිත්‍රපටයේ ලැබුණ චරිතයේ ගුණාත්මකභාවය රැක ගනිමින් ඉදිරියේදී ලැබෙන නිර්මාණ කරන්න තමයි බලාපොරොත්තු වෙන්නේ. ඒ නිසා මම ටික කාලයක් ගන්නවා නිර්මාණයකට සම්බන්ධ වෙන්න. හොඳට හිතලා තෝරලා බේරලා තමයි දායක වෙන්නෙ.

ලක්ෂිකා දිව්‍යජෙලී වීරකෝන්

මව්බිම දැන්

තවදුරටත්

අද මව්‍බිමෙන්

තවදුරටත්