චන්දනගේ දුව ප්‍රසිද්ධ වේදිකාවට

  👤  3915 readers have read this article !
Published by : MB WEB 2016-12-24 09:30:06

ඡායාරූප - රුවන් වල්පොල

දුවව හා හා පුරා කියලා ප්‍රසිද්ධ වේදිකාවටගෙනාවා නේද?

දෙරණ ලිට්ල් ස්ටාර් කියන්නේ අපේ දරුවන්ගේ වැඩසටහනක්. මගේ කණ්ඩායම ඇතුළේ දෙවංගිට වඩා හොඳ ළමයි ඉන්නවා. ඒත් මේ පාර දෙවංගි මේ වේදිකාවේ නර්තනයේ යෙදිය යුතුයි කියන අදහස මට ආවා. ඒ නිසා තමයි ලිට්ල් ස්ටාර් වේදිකාවේ දෙවංගි නැටුවේ. මේක එළියට එන්න සුදුසුම වේදිකාවක්. මුළු ලෝකයක්ම පුංචි දරුවන්ගේ විශ්මයන් දකින වෙලාවේ මගේ දුවගේ විශ්මයන් ටිකක් පෙන්වන්න මට හිතුණා.

අවුරුදු කීයක් බලාගෙන හිටියද දුවව ප්‍රසිද්ධ වේදිකාවට ගේන්න?

ඒක මට ගොඩක් කල් ඉඳලා තිබ්බ බලාපොරොත්තුවක්. දැන් දෙවංගිට අවුරුදු දහසයක්. ප්‍රසිද්ධ වේදිකාවල දෙවංගිව නටවන්න අපිට වුවමනාවක් තිබ්බේ නැහැ. අවුරුදු දහසයටම පළමු වැනි වතාවට තමයි දෙවංගි ප්‍රසංග වේදිකාවට ආවේ.

තාත්තා දුවට එක අඩියක්වත් උගන්නලා නැහැ කියන්නේ ඇත්තද?

දෙවංගි කිසිම දවසක මගේ රංගායතනයේදී අඩියක්වත් නටලා නැතිව ඇති. එයා නැටුම් ඉගෙන ගත්තේ මගෙන් නෙවෙයි. නර්තනයෙන් මේ තාක් දුර මගේ දරුවා ආවා නම් ඒ ගෞරවය හිමිවෙන්න ඕනේ එයාගේ පාසලේ ගුරුවරුන්ට.

දුව ප්‍රසිද්ධ වේදිකාවේ නටද්දී මොනවද හිතුණේ?

මට ඇත්තටම පුදුම හිතුණා. මගේ දුව මෙච්චර ලොකුයි නේද කියලා හිතෙද්දි පුදුම සතුටක් දැනුණා. දෙවංගි පාසලේ 'මාත්‍රා' ප්‍රසංගයේදී නටනව මම දැකලා තිබුණා. මගේ හිතේ තිබුණා කවදහරි දෙවංගි නැට්ටුවෙක් වෙනව කියලා. එයා තව ඉගෙන ගන්න ඕනේ.

ප්‍රසිද්ධ වේදිකාවට ගොඩවෙලා නර්තනයේ යෙදෙන්න දෙවංගිගේ අකැමැත්තක් තිබ්බෙ නැද්ද?

මුලින් ලැජ්ජාවෙන් ඇඹරි ඇඹරී හිටියා. එයා ආසයි නටන්න. හැබැයි ඒක වැඩිය පෙන්නන්නේ නැහැ. නමුත් මූලික දේ අධ්‍යාපනය. චන්දන වික්‍රමසිංහගේ දුව ප්‍රසිද්ධ වේදිකාවට එන්න නළියන්න වුවමනාවක් නැහැ.

ලිට්ල් ස්ටාර් වේදිකාවේ නටන්න එද්දිත් චන්දන දුවට නැටුම් කියලා දුන්නේ නැහැලු නේද?

පීතෘ ස්නේහය අවදි වෙයි කියලා බය නිසා තමයි පැත්තකට වෙලා මගේ වැඩක් බලාගෙන හිටියේ. මම ලස්සනට නැටුම හදලා දුන්නා. පුහුණුකරුවෝ ටික තමයි කට්ටියව පුරුදු කළේ.

මින් පස්සේවත් දෙවංගි තාත්තගෙන් ශිල්පඉගෙන ගනියිද?

මම තාත්තා වීම ගැන දෙවංගිට ආඩම්බර වෙන්න පුළුවන්. නමුත් එයා මතක තියා ගත යුතුයි එයා මගේ තවත් එක් ශිෂ්‍යාවක් විතරයි කියලා. දැන් ඉතින් අපි වැඩට බහින්න ලෑස්තියි.

ඒ කියන්නේ තාත්තාගේ ප්‍රසංගවලදී දුවත් දකින්න ලැබෙයිද?

තෝරා බේරාගෙන දෙවංගි ඒවට සම්බන්ධ වෙයි. අපි පොඩි ටෙස්ට් එකක් කරලා බැලුවා විතරයි. මගේ නර්තන කණ්ඩායමේ හැමෝම දෙවංගිට බොහොම ආදරෙන් ඉගැන්නුවා.කසාද බඳින්න කියලා අපේ කණ්ඩායමෙන් අයින් වෙලා ගිය අය පවා එදා ඒ ප්‍රසංගයේදී දෙවංගි වෙනුවෙන් නැටුවා.

අපි දෙවංගිව ජනප්‍රිය වේදිකාවක දැක්කේ පළමු වැනි වතාවට?

ඔව්. පළමු වැනි පාරට තමයි මම ඒ වගේ ලොකු ස්ටේජ් එකක නැටුවේ. ලයිසියම් එකේ කොන්සර්ට් එකක් තියෙනවා මාත්‍රා කියලා. මම ඒකෙදි නම් නටලා තියෙනවා.

තාත්තාගෙන් එක නැටුම් අඩියක්වත් ඉගෙන ගෙන නැහැ කියන්නේ ඇත්තද?

ඔව්. මම තාත්තගේ ඩාන්සින් ක්ලාස් නම් ගියේ නැහැ. එකම එක දවසක් ගියා. ඊට පස්සේ නතර වුණා. මම පාසලෙන් තමයි ඊට පස්සේ නැටුම් ඉගෙන ගත්තේ.

සවනි ශේශාධි

මව්බිම දැන්

තවදුරටත්

අද මව්‍බිමෙන්

තවදුරටත්